Talmud Ketubot, Chapitre 11 (י״א) · Daf 92a à 97b

Daf 92a

1. וַאֲתָא בַּעַל חוֹב דִּרְאוּבֵן וְקָטָרֵיף לֵיהּ מִינֵּיהּ — דִּינָא הוּא דְּאָזֵיל שִׁמְעוֹן וּמְפַצֵּי לֵיהּ. vaata baal 'hov dirouvén vekataréf léh minéh — dina hou deazél chimon oumfatsé léh.
2. אֲמַר לֵיהּ רָבָא: נְהִי דְּאַחְרָיוּת דְּעָלְמָא קַבֵּיל עֲלֵיהּ, אַחְרָיוּת דְּנַפְשֵׁיהּ מִי קַבֵּיל עֲלֵיהּ? amar léh rava: nehi dea'hraout dealma kabél aléh, a'hraout denafchéh mi kabél aléh?
3. וּמוֹדֶה רָבָא בִּרְאוּבֵן שֶׁיָּרַשׁ שָׂדֶה מִיַּעֲקֹב, וּמְכָרָהּ לְשִׁמְעוֹן שֶׁלֹּא בְּאַחְרָיוּת, וַאֲתָא שִׁמְעוֹן וּמְכָרָהּ לִרְאוּבֵן בְּאַחְרָיוּת, וַאֲתָא בַּעַל חוֹב דְּיַעֲקֹב, וְקָטָרֵיף לֵיהּ מִינֵּיהּ — דִּינָא הוּא דְּאָזֵיל שִׁמְעוֹן וּמְפַצֵּי לֵיהּ מִינֵּיהּ. oumode rava birouvén cheyarach sade miyaakov, oumkharah lechimon chelo bea'hraout, vaata chimon oumkharah lirouvén bea'hraout, vaata baal 'hov deyaakov, vekataréf léh minéh — dina hou deazél chimon oumfatsé léh minéh.
4. מַאי טַעְמָא? בַּעַל חוֹב דְּיַעֲקֹב כְּבַעַל חוֹב דְּעָלְמָא דָּמֵי. ma tama? baal 'hov deyaakov kevaal 'hov dealma damé.
5. אָמַר רָמֵי בַּר חָמָא: רְאוּבֵן שֶׁמָּכַר שָׂדֶה לְשִׁמְעוֹן בְּאַחְרָיוּת, וְזָקַף עָלָיו בְּמִלְוָה, וּמֵת רְאוּבֵן, וַאֲתָא בַּעַל חוֹב דִּרְאוּבֵן וְקָטָרֵיף לַהּ מִשִּׁמְעוֹן וּפַיְּיסֵיהּ בְּזוּזֵי — amar ramé bar 'hama: reouvén chemakhar sade lechimon bea'hraout, vezakaf ala bemilva, oumét reouvén, vaata baal 'hov dirouvén vekataréf lah michimon oufayeséh bezouzé —
6. דִּינָא הוּא דְּאָמְרִי לֵיהּ בְּנֵי רְאוּבֵן: אֲנַן מִטַּלְטְלִי שְׁבַק אֲבוּן גַּבָּךְ, וּמִטַּלְטְלִי דְיַתְמֵי לְבַעַל חוֹב לָא מִשְׁתַּעְבְּדִי. dina hou deamri léh bené reouvén: anan mitalteli chevak avoun gabakh, oumitalteli deyatmé levaal 'hov la michtabedi.
7. אָמַר רָבָא: אִי פִּקֵּחַ אִידַּךְ, מַגְבֵּי לְהוּ נִיהֲלַיְיהוּ אַרְעָא וַהֲדַר גָּבֵי לַהּ מִינַּיְיהוּ, כְּרַב נַחְמָן. דְּאָמַר רַב נַחְמָן אָמַר רַבָּה בַּר אֲבוּהּ: יְתוֹמִים שֶׁגָּבוּ קַרְקַע בְּחוֹבַת אֲבִיהֶן — בַּעַל חוֹב חוֹזֵר וְגוֹבֶה אוֹתָהּ מֵהֶן. amar rava: i piké'ha idakh, magbé leou nihalayou ara vahadar gavé lah minayou, kerav na'hman. deamar rav na'hman amar raba bar avouh: yetomim chegavou karka be'hovat avihen — baal 'hov 'hozér vegove otah méhen.
8. אָמַר רַבָּה: רְאוּבֵן שֶׁמָּכַר כׇּל שְׂדוֹתָיו לְשִׁמְעוֹן, וְחָזַר שִׁמְעוֹן וּמָכַר שָׂדֶה אַחַת לְלֵוִי, וַאֲתָא בַּעַל חוֹב דִּרְאוּבֵן — רָצָה מִזֶּה גּוֹבֶה, רָצָה מִזֶּה גּוֹבֶה. amar raba: reouvén chemakhar kol sedota lechimon, ve'hazar chimon oumakhar sade a'hat lelévi, vaata baal 'hov dirouvén — ratsa mize gove, ratsa mize gove.
9. וְלָא אֲמַרַן אֶלָּא דְּזַבְּנֵהּ בֵּינוֹנִית, אֲבָל זַבְּנֵהּ עִידִּית וְזִבּוּרִית, מָצֵי אֲמַר לֵיהּ: לְהָכִי טְרַחִי וּזְבַינִי אַרְעָא דְּלָא חַזְיָא לָךְ. vela amaran ela dezabenéh bénonit, aval zabenéh idit vezibourit, matsé amar léh: lehakhi tera'hi ouzvani ara dela 'hazya lakh.
10. וּבֵינוֹנִית נָמֵי לָא אֲמַרַן, אֶלָּא דְּלָא שְׁבַק בֵּינוֹנִית דִּכְווֹתַהּ, ouvénonit namé la amaran, ela dela chevak bénonit dikhotah,

Daf 92b

1. אֲבָל שְׁבַק בֵּינוֹנִית דִּכְווֹתַהּ, מָצֵי אָמַר לֵיהּ: הִנַּחְתִּי לָךְ מָקוֹם לִגְבּוֹת הֵימֶנּוּ. aval chevak bénonit dikhotah, matsé amar léh: hina'hti lakh makom ligbot hémenou.
2. אָמַר אַבָּיֵי: רְאוּבֵן שֶׁמָּכַר שָׂדֶה לְשִׁמְעוֹן בְּאַחְרָיוּת, וַאֲתָא בַּעַל חוֹב דִּרְאוּבֵן וְקָטָרֵיף לַהּ מִינֵּיהּ, דִּינָא הוּא דְּאָזֵיל רְאוּבֵן וּמְפַצֵּי לֵיהּ. וְלָא מָצֵי אֲמַר לֵיהּ: לָאו בַּעַל דְּבָרִים דִּידִי אַתְּ. מִשּׁוּם דְּאָמַר לֵיהּ: דְּמַפְּקַתְּ מִינֵּיהּ, עָלַי הָדַר. amar abayé: reouvén chemakhar sade lechimon bea'hraout, vaata baal 'hov dirouvén vekataréf lah minéh, dina hou deazél reouvén oumfatsé léh. vela matsé amar léh: la baal devarim didi ate. michoum deamar léh: demapekate minéh, ala hadar.
3. וְאִיכָּא דְּאָמְרִי: אֲפִילּוּ שֶׁלֹּא בְּאַחְרָיוּת נָמֵי, דְּאָמַר לֵיהּ: לָא נִיחָא לִי דְּתֶהְוֵי לֵיהּ לְשִׁמְעוֹן תַּרְעוֹמֶת עָלַי. veika deamri: afilou chelo bea'hraout namé, deamar léh: la ni'ha li detehvé léh lechimon taromet ala.
4. אָמַר אַבָּיֵי: רְאוּבֵן שֶׁמָּכַר שָׂדֶה לְשִׁמְעוֹן שֶׁלֹּא בְּאַחְרָיוּת, וְיָצְאוּ עָלָיו amar abayé: reouvén chemakhar sade lechimon chelo bea'hraout, veyatsou ala

Daf 93a

1. עֲסִיקִין, עַד שֶׁלֹּא הֶחְזִיק בָּהּ — יָכוֹל לַחֲזוֹר בּוֹ, מִשֶּׁהֶחְזִיק בָּהּ — אֵינוֹ יָכוֹל לַחֲזוֹר בּוֹ. מִשּׁוּם דְּאָמַר לֵיהּ: חַיְיתָא דְּקִיטְרֵי סְבַרְתְּ וְקַבֵּילְתְּ. וּמֵאֵימַת מַחְזֵיק בַּהּ? מִכִּי דָיֵישׁ אַמִּצְרֵי. asikin, ad chelo he'hzik bah — yakhol la'hazor bo, michehe'hzik bah — éno yakhol la'hazor bo. michoum deamar léh: 'hayta dekitré sevarte vekabélte. ouméémat ma'hzék bah? miki dayéch amitsré.
2. אִיכָּא דְּאָמְרִי אֲפִילּוּ בְּאַחְרָיוּת נָמֵי. דְּאָמַר לֵיהּ: אַחְוִי טִירְפָךְ וַאֲשַׁלֵּם לָךְ. ika deamri afilou bea'hraout namé. deamar léh: a'hvi tirfakh vaachalém lakh.
3. מַתְנִי׳ מִי שֶׁהָיָה נָשׂוּי שָׁלֹשׁ נָשִׁים, וָמֵת, כְּתוּבָּתָהּ שֶׁל זוֹ מָנֶה, וְשֶׁל זוֹ מָאתַיִם, וְשֶׁל זוֹ שְׁלֹשׁ מֵאוֹת, וְאֵין שָׁם אֶלָּא מָנֶה — חוֹלְקִין בְּשָׁוֶה. matni' mi chehaya nasou chaloch nachim, vamét, ketoubatah chel zo mane, vechel zo matayim, vechel zo cheloch méot, veén cham ela mane — 'holkin bechave.
4. הָיוּ שָׁם מָאתַיִם, שֶׁל מָנֶה נוֹטֶלֶת חֲמִשִּׁים, שֶׁל מָאתַיִם וְשֶׁל שְׁלֹשׁ מֵאוֹת שְׁלֹשָׁה שְׁלֹשָׁה שֶׁל זָהָב. הָיוּ שָׁם שְׁלֹשׁ מֵאוֹת — שֶׁל מָנֶה נוֹטֶלֶת חֲמִשִּׁים, וְשֶׁל מָאתַיִם מָנֶה, וְשֶׁל שְׁלֹשׁ מֵאוֹת שִׁשָּׁה שֶׁל זָהָב. haou cham matayim, chel mane notelet 'hamichim, chel matayim vechel cheloch méot chelocha chelocha chel zahav. haou cham cheloch méot — chel mane notelet 'hamichim, vechel matayim mane, vechel cheloch méot chicha chel zahav.
5. וְכֵן שְׁלֹשָׁה שֶׁהִטִּילוּ לַכִּיס, פִּיחֲתוּ אוֹ הוֹתִירוּ — כָּךְ הֵן חוֹלְקִין. vekhén chelocha chehitilou lakis, pi'hatou o hotirou — kakh hén 'holkin.
6. גְּמָ׳ שֶׁל מָנֶה נוֹטֶלֶת חֲמִשִּׁים? תְּלָתִין וּתְלָתָא וְתִילְתָּא הוּא דְּאִית לַהּ! gema' chel mane notelet 'hamichim? telatin outlata vetilta hou deit lah!
7. אָמַר שְׁמוּאֵל: בְּכוֹתֶבֶת בַּעֲלַת מָאתַיִם לְבַעֲלַת מָנֶה ״דִּין וּדְבָרִים אֵין לִי עִמָּךְ בְּמָנֶה״. amar chemouél: bekhotevet baalat matayim levaalat mane "din oudvarim én li imakh bemane".
8. אִי הָכִי, אֵימָא סֵיפָא: שֶׁל מָאתַיִם וְשֶׁל שְׁלֹשׁ מֵאוֹת שָׁלֹשׁ שָׁלֹשׁ שֶׁל זָהָב. תֵּימָא לַהּ: הָא סַלֵּקְתְּ נַפְשִׁךְ מִינַּהּ! i hakhi, éma séfa: chel matayim vechel cheloch méot chaloch chaloch chel zahav. téma lah: ha salékte nafchikh minah!
9. מִשּׁוּם דְּאָמְרָה לַהּ: מִדִּין וּדְבָרִים הוּא דְּסַלִּיקִי נַפְשַׁאי. michoum deamra lah: midin oudvarim hou desaliki nafcha.
10. הָיוּ שָׁם שְׁלֹשׁ מֵאוֹת וְכוּ׳. haou cham cheloch méot vekhou'.
11. שֶׁל מָאתַיִם מָנֶה? שִׁבְעִים וַחֲמִשָּׁה הוּא דְּאִית לַהּ! chel matayim mane? chivim va'hamicha hou deit lah!
12. אָמַר שְׁמוּאֵל: בְּכוֹתֶבֶת בַּעֲלַת שְׁלֹשׁ מֵאוֹת לְבַעֲלַת מָאתַיִם וּלְבַעֲלַת מָנֶה ״דִּין וּדְבָרִים אֵין לִי עִמָּכֶם בְּמָנֶה״. amar chemouél: bekhotevet baalat cheloch méot levaalat matayim oulvaalat mane "din oudvarim én li imakhem bemane".
13. רַב יַעֲקֹב מִנְּהַר פְּקוֹד מִשְּׁמֵיהּ דְּרָבִינָא אָמַר: רֵישָׁא בִּשְׁתֵּי תְפִיסוֹת, וְסֵיפָא בִּשְׁתֵּי תְפִיסוֹת. rav yaakov minehar pekod micheméh deravina amar: récha bichté tefisot, veséfa bichté tefisot.
14. רֵישָׁא בִּשְׁתֵּי תְפִיסוֹת — דְּנָפְלוּ שִׁבְעִין וַחֲמִשָּׁה בְּחַד זִימְנָא, וּמֵאָה וְעֶשְׂרִים וַחֲמִשָּׁה בְּחַד זִימְנָא. récha bichté tefisot — denaflou chivin va'hamicha be'had zimna, ouméa veesrim va'hamicha be'had zimna.
15. סֵיפָא בִּשְׁתֵּי תְפִיסוֹת — דְּנָפְלוּ שִׁבְעִים וַחֲמִשָּׁה בְּחַד זִימְנָא, וּמָאתַיִם וְעֶשְׂרִים וַחֲמִשָּׁה בְּחַד זִימְנָא. séfa bichté tefisot — denaflou chivim va'hamicha be'had zimna, oumatayim veesrim va'hamicha be'had zimna.
16. תַּנְיָא: זוֹ מִשְׁנַת רַבִּי נָתָן. רַבִּי אוֹמֵר: אֵין אֲנִי רוֹאֶה דְּבָרָיו שֶׁל רַבִּי נָתָן בְּאֵלּוּ, אֶלָּא חוֹלְקוֹת בְּשָׁוֶה. tanya: zo michnat rabi natan. rabi omér: én ani roe devara chel rabi natan beélou, ela 'holkot bechave.
17. וְכֵן שְׁלֹשָׁה שֶׁהֵטִילוּ. אָמַר שְׁמוּאֵל: שְׁנַיִם שֶׁהִטִּילוּ לְכִיס, זֶה מָנֶה וְזֶה מָאתַיִם — vekhén chelocha chehétilou. amar chemouél: chenayim chehitilou lekhis, ze mane veze matayim —

Daf 93b

1. הַשָּׂכָר לָאֶמְצַע. hasakhar laemtsa.
2. אָמַר רַבָּה: מִסְתַּבְּרָא מִילְּתֵיהּ דִּשְׁמוּאֵל בְּשׁוֹר לַחֲרִישָׁה וְעוֹמֵד לַחֲרִישָׁה, אֲבָל בְּשׁוֹר לַחֲרִישָׁה וְעוֹמֵד לִטְבִיחָה — זֶה נוֹטֵל לְפִי מְעוֹתָיו וְזֶה נוֹטֵל לְפִי מְעוֹתָיו. וְרַב הַמְנוּנָא אָמַר: אֲפִילּוּ שׁוֹר לַחֲרִישָׁה וְעוֹמֵד לִטְבִיחָה — הַשָּׂכָר לָאֶמְצַע. amar raba: mistabera miletéh dichmouél bechor la'haricha veoméd la'haricha, aval bechor la'haricha veoméd litvi'ha — ze notél lefi meota veze notél lefi meota. verav hamnouna amar: afilou chor la'haricha veoméd litvi'ha — hasakhar laemtsa.
3. מֵיתִיבִי: שְׁנַיִם שֶׁהִטִּילוּ לַכִּיס, זֶה מָנֶה וְזֶה מָאתַיִם — הַשָּׂכָר לָאֶמְצַע. מַאי לָאו, בְּשׁוֹר לַחֲרִישָׁה וְעוֹמֵד לִטְבִיחָה, וּתְיוּבְתָּא דְּרַבָּה? לָא, בְּשׁוֹר לַחֲרִישָׁה וְעוֹמֵד לַחֲרִישָׁה. métivi: chenayim chehitilou lakis, ze mane veze matayim — hasakhar laemtsa. ma la, bechor la'haricha veoméd litvi'ha, outouvta deraba? la, bechor la'haricha veoméd la'haricha.
4. אֲבָל שׁוֹר לַחֲרִישָׁה וְעוֹמֵד לִטְבִיחָה מַאי — זֶה נוֹטֵל לְפִי מְעוֹתָיו וְזֶה נוֹטֵל לְפִי מְעוֹתָיו. אַדְּתָנֵי סֵיפָא: לָקַח זֶה בְּשֶׁלּוֹ וְזֶה בְּשֶׁלּוֹ וְנִתְעָרְבוּ — זֶה נוֹטֵל לְפִי מְעוֹתָיו, וְזֶה נוֹטֵל לְפִי מְעוֹתָיו, aval chor la'haricha veoméd litvi'ha ma — ze notél lefi meota veze notél lefi meota. adetané séfa: laka'h ze bechelo veze bechelo venitarvou — ze notél lefi meota, veze notél lefi meota,
5. לִיפְלוֹג וְלִיתְנֵי בְּדִידֵיהּ: בַּמֶּה דְּבָרִים אֲמוּרִים, בְּשׁוֹר לַחֲרִישָׁה וְעוֹמֵד לַחֲרִישָׁה. אֲבָל בְּשׁוֹר לַחֲרִישָׁה וְעוֹמֵד לִטְבִיחָה — זֶה נוֹטֵל לְפִי מְעוֹתָיו וְזֶה נוֹטֵל לְפִי מְעוֹתָיו! liflog velitné bedidéh: bame devarim amourim, bechor la'haricha veoméd la'haricha. aval bechor la'haricha veoméd litvi'ha — ze notél lefi meota veze notél lefi meota!
6. הָכִי נָמֵי קָאָמַר: בַּמֶּה דְּבָרִים אֲמוּרִים, בְּשׁוֹר לַחֲרִישָׁה וְעוֹמֵד לַחֲרִישָׁה. אֲבָל בְּשׁוֹר לַחֲרִישָׁה וְעוֹמֵד לִטְבִיחָה — נַעֲשֶׂה כְּמִי שֶׁלָּקַח זֶה בְּשֶׁלּוֹ וְזֶה בְּשֶׁלּוֹ וְנִתְעָרְבוּ, זֶה נוֹטֵל לְפִי מְעוֹתָיו וְזֶה נוֹטֵל לְפִי מְעוֹתָיו. hakhi namé kaamar: bame devarim amourim, bechor la'haricha veoméd la'haricha. aval bechor la'haricha veoméd litvi'ha — naase kemi chelaka'h ze bechelo veze bechelo venitarvou, ze notél lefi meota veze notél lefi meota.
7. תְּנַן: וְכֵן שְׁלֹשָׁה שֶׁהִטִּילוּ לַכִּיס, פִּחֲתוּ אוֹ הוֹתִירוּ — כָּךְ הֵן חוֹלְקִין, tenan: vekhén chelocha chehitilou lakis, pi'hatou o hotirou — kakh hén 'holkin,
8. מַאי לָאו: ״פִּחֲתוּ״ — פִּחֲתוּ מַמָּשׁ, ״הוֹתִירוּ״ — הוֹתִירוּ מַמָּשׁ! ma la: "pi'hatou" — pi'hatou mamach, "hotirou" — hotirou mamach!
9. אָמַר רַב נַחְמָן אָמַר רַבָּה בַּר אֲבוּהּ: לָא, ״הוֹתִירוּ״ — זוּזֵי חַדְתֵי, ״פִּחֲתוּ״ — אִסְתֵּירָא דְצוֹנִיתָא. amar rav na'hman amar raba bar avouh: la, "hotirou" — zouzé 'hadté, "pi'hatou" — istéra detsonita.
10. מַתְנִי׳ מִי שֶׁהָיָה נָשׂוּי אַרְבַּע נָשִׁים וָמֵת — הָרִאשׁוֹנָה קוֹדֶמֶת לַשְּׁנִיָּה, וּשְׁנִיָּה לַשְּׁלִישִׁית, וּשְׁלִישִׁית לָרְבִיעִית. וְרִאשׁוֹנָה נִשְׁבַּעַת לַשְּׁנִיָּה. וּשְׁנִיָּה לַשְּׁלִישִׁית, וּשְׁלִישִׁית לָרְבִיעִית, וְהָרְבִיעִית נִפְרַעַת שֶׁלֹּא בִּשְׁבוּעָה. בֶּן נַנָּס אוֹמֵר: וְכִי מִפְּנֵי שֶׁהִיא אַחֲרוֹנָה נִשְׂכֶּרֶת? אַף הִיא לֹא תִּפָּרַע אֶלָּא בִּשְׁבוּעָה. matni' mi chehaya nasou arba nachim vamét — harichona kodemet lacheniya, ouchniya lachelichit, ouchlichit larviit. verichona nichbaat lacheniya. ouchniya lachelichit, ouchlichit larviit, veharviit nifraat chelo bichvoua. ben nanas omér: vekhi mipené chehi a'harona niskeret? af hi lo tipara ela bichvoua.
11. הָיוּ יוֹצְאוֹת כּוּלָּן בְּיוֹם אֶחָד — כׇּל הַקּוֹדֶמֶת לַחֲבֶרְתָּהּ אֲפִילּוּ שָׁעָה אַחַת זָכְתָה. וְכָךְ הָיוּ כּוֹתְבִין בִּירוּשָׁלַיִם שָׁעוֹת. הָיוּ כּוּלָּן יוֹצְאוֹת בְּשָׁעָה אַחַת, וְאֵין שָׁם אֶלָּא מָנֶה — חוֹלְקוֹת בְּשָׁוֶה. haou yotsot koulan beom e'had — kol hakodemet la'havertah afilou chaa a'hat zakhta. vekhakh haou kotvin birouchalayim chaot. haou koulan yotsot bechaa a'hat, veén cham ela mane — 'holkot bechave.
12. גְּמָ׳ בְּמַאי קָמִיפַּלְגִי? אָמַר שְׁמוּאֵל: gema' bema kamipalgi? amar chemouél:

Daf 94a

1. כְּגוֹן שֶׁנִּמְצֵאת אַחַת מֵהֶן שָׂדֶה שֶׁאֵינָהּ שֶׁלּוֹ. וּבְבַעַל חוֹב מְאוּחָר שֶׁקָּדַם וְגָבָה קָמִיפַּלְגִי. kegon chenimtsét a'hat méhen sade cheénah chelo. ouvvaal 'hov meou'har chekadam vegava kamipalgi.
2. תַּנָּא קַמָּא סָבַר: מַה שֶּׁגָּבָה לֹא גָּבָה. tana kama savar: ma chegava lo gava.
3. וּבֶן נַנָּס סָבַר: מַה שֶּׁגָּבָה גָּבָה. ouven nanas savar: ma chegava gava.
4. (אָמַר) רַב נַחְמָן אָמַר רַבָּה בַּר אֲבוּהּ: דְּכוּלֵּי עָלְמָא — מַה שֶּׁגָּבָה לֹא גָּבָה. וְהָכָא בְּחָיְישִׁינַן שֶׁמָּא תַּכְסִיף קָמִיפַּלְגִי, (amar) rav na'hman amar raba bar avouh: dekhoulé alma — ma chegava lo gava. vehakha be'haychinan chema takhsif kamipalgi,
5. מָר סָבַר: חָיְישִׁינַן שֶׁמָּא תַּכְסִיף. וּמַר סָבַר: לָא חָיְישִׁינַן שֶׁמָּא תַּכְסִיף. mar savar: 'haychinan chema takhsif. oumar savar: la 'haychinan chema takhsif.
6. אַבָּיֵי אָמַר: דְּאַבָּיֵי קַשִּׁישָׁא אִיכָּא בֵּינַיְיהוּ. דְּתָנֵי אַבָּיֵי קַשִּׁישָׁא: יְתוֹמִים שֶׁאָמְרוּ — גְּדוֹלִים. וְאֵין צָרִיךְ לוֹמַר קְטַנִּים. abayé amar: deabayé kachicha ika bénayou. detané abayé kachicha: yetomim cheamrou — gedolim. veén tsarikh lomar ketanim.
7. תַּנָּא קַמָּא לֵית לֵיהּ דְּאַבָּיֵי קַשִּׁישָׁא. וּבֶן נַנָּס אִית לֵיהּ דְּאַבָּיֵי קַשִּׁישָׁא. tana kama lét léh deabayé kachicha. ouven nanas it léh deabayé kachicha.
8. אָמַר רַב הוּנָא: הָנֵי תְּרֵי אַחֵי וּתְרֵי שׁוּתָּפֵי דְּאִית לְהוּ דִּינָא בַּהֲדֵי חַד, וַאֲזַל חַד מִינַּיְיהוּ בַּהֲדֵיהּ לְדִינָא — לָא מָצֵי אִידַּךְ לְמֵימַר לֵיהּ: אַתְּ לָאו בַּעַל דְּבָרִים דִּידִי אַתְּ. אֶלָּא שְׁלִיחוּתֵיהּ עֲבַד. amar rav houna: hané teré a'hé outré choutafé deit leou dina bahadé 'had, vaazal 'had minayou bahadéh ledina — la matsé idakh lemémar léh: ate la baal devarim didi ate. ela cheli'houtéh avad.
9. אִקְּלַע רַב נַחְמָן לְסוּרָא. שַׁיְילוּהִי: כִּי הַאי גַוְונָא מַאי? ikela rav na'hman lesoura. chaylouhi: ki ha gavna ma?
10. אֲמַר לְהוּ, מַתְנִיתִין הִיא: הָרִאשׁוֹנָה נִשְׁבַּעַת לַשְּׁנִיָּה, וּשְׁנִיָּה לַשְּׁלִישִׁית, וּשְׁלִישִׁית לָרְבִיעִית. וְאִילּוּ רִאשׁוֹנָה לַשְּׁלִישִׁית לָא קָתָנֵי, מַאי טַעְמָא, לָאו מִשּׁוּם דִּשְׁלִיחוּתַהּ עָבְדָה? amar leou, matnitin hi: harichona nichbaat lacheniya, ouchniya lachelichit, ouchlichit larviit. veilou richona lachelichit la katané, ma tama, la michoum dichli'houtah avda?
11. מִי דָּמֵי? הָתָם שְׁבוּעָה לְאֶחָד וּשְׁבוּעָה לְמֵאָה, הָכָא אָמַר: אִילּוּ אֲנָא הֲוַאי, טָעֵינְנָא טְפֵי. mi damé? hatam chevoua lee'had ouchvoua leméa, hakha amar: ilou ana hava, taénna tefé.
12. וְלָא אֲמַרַן אֶלָּא דְּלָא אִיתֵיהּ בְּמָתָא, אֲבָל אִיתֵיהּ בְּמָתָא — אִיבְּעִי לֵיהּ לְמֵיתֵי. vela amaran ela dela itéh bemata, aval itéh bemata — ibei léh lemété.
13. אִתְּמַר: שְׁנֵי שְׁטָרוֹת הַיּוֹצְאִים בְּיוֹם אֶחָד, רַב אָמַר: חוֹלְקִין, וּשְׁמוּאֵל אָמַר: שׁוּדָא דְּדַיָּינֵי. itemar: chené chetarot hayotsim beom e'had, rav amar: 'holkin, ouchmouél amar: chouda dedayané.
14. לֵימָא רַב דְּאָמַר כְּרַבִּי מֵאִיר, דְּאָמַר: עֵדֵי חֲתִימָה כָּרְתִי. léma rav deamar kerabi méir, deamar: édé 'hatima karti.

Daf 94b

1. וּשְׁמוּאֵל דְּאָמַר כְּרַבִּי אֶלְעָזָר, דְּאָמַר: עֵדֵי מְסִירָה כָּרְתִי. ouchmouél deamar kerabi elazar, deamar: édé mesira karti.
2. לָא, דְּכוּלֵּי עָלְמָא כְּרַבִּי אֶלְעָזָר, וְהָכָא בְּהָא קָמִיפַּלְגִי, רַב סָבַר: חֲלוּקָּה עֲדִיפָא. וּשְׁמוּאֵל סָבַר: שׁוּדָא דְּדַיָּינֵי עֲדִיפָא. la, dekhoulé alma kerabi elazar, vehakha beha kamipalgi, rav savar: 'halouka adifa. ouchmouél savar: chouda dedayané adifa.
3. וּמִי מָצֵית מוֹקְמַתְּ לֵיהּ לְרַב כְּרַבִּי אֶלְעָזָר? וְהָאָמַר רַב יְהוּדָה אָמַר רַב: הֲלָכָה כְּרַבִּי אֶלְעָזָר בְּגִיטִּין. כִּי אַמְרִיתַהּ קַמֵּיהּ דִּשְׁמוּאֵל, אָמַר: אַף בִּשְׁטָרוֹת. מִכְּלָל דְּרַב סָבַר בִּשְׁטָרוֹת לָא! אֶלָּא: מְחַוַּורְתָּא רַב כְּרַבִּי מֵאִיר, וּשְׁמוּאֵל כְּרַבִּי אֶלְעָזָר. oumi matsét mokmate léh lerav kerabi elazar? vehaamar rav yeouda amar rav: halakha kerabi elazar begitin. ki amritah kaméh dichmouél, amar: af bichtarot. mikelal derav savar bichtarot la! ela: me'havarta rav kerabi méir, ouchmouél kerabi elazar.
4. מֵיתִיבִי: שְׁנֵי שְׁטָרוֹת הַיּוֹצְאִים בְּיוֹם אֶחָד חוֹלְקִין, תְּיוּבְתָּא דִשְׁמוּאֵל. אָמַר לָךְ שְׁמוּאֵל: הָא מַנִּי — רַבִּי מֵאִיר הִיא, וַאֲנָא דַּאֲמַרִי כְּרַבִּי אֶלְעָזָר. métivi: chené chetarot hayotsim beom e'had 'holkin, teouvta dichmouél. amar lakh chemouél: ha mani — rabi méir hi, vaana daamari kerabi elazar.
5. אִי רַבִּי מֵאִיר, אֵימָא סֵיפָא: כָּתַב לְאֶחָד וּמָסַר לְאַחֵר — זֶה שֶׁמָּסַר לוֹ קָנָה. וְאִי רַבִּי מֵאִיר, אַמַּאי קָנָה? הָאָמַר עֵדֵי חֲתִימָה כָּרְתִי! i rabi méir, éma séfa: katav lee'had oumasar lea'hér — ze chemasar lo kana. vei rabi méir, ama kana? haamar édé 'hatima karti!
6. תַּנָּאֵי הִיא. דְּתַנְיָא, וַחֲכָמִים אוֹמְרִים: יַחְלוֹקוּ, וְכָאן אָמְרוּ: מַה שֶּׁיִּרְצֶה הַשָּׁלִישׁ, יַעֲשֶׂה. tanaé hi. detanya, va'hakhamim omrim: ya'hlokou, vekhan amrou: ma cheyirtse hachalich, yaase.
7. אִמֵּיהּ דְּרָמֵי בַּר חָמָא כְּתַבְתִּינְהוּ לְנִכְסַהּ לְרָמִי בַּר חָמָא בְּצַפְרָא, לְאוּרְתָּא כְּתַבְתִּינְהוּ לְמָר עוּקְבָא בַּר חָמָא. iméh deramé bar 'hama ketavtinou lenikhsah lerami bar 'hama betsafra, leourta ketavtinou lemar oukva bar 'hama.
8. אֲתָא רָמֵי בַּר חָמָא לְקַמֵּיהּ דְּרַב שֵׁשֶׁת, אוֹקְמֵיהּ בְּנִכְסֵי. אֲתָא מָר עוּקְבָא לְקַמֵּיהּ דְּרַב נַחְמָן, אוֹקְמֵיהּ בְּנִכְסֵי. אֲתָא רַב שֵׁשֶׁת לְקַמֵּיהּ דְּרַב נַחְמָן, אֲמַר לֵיהּ: מַאי טַעְמָא עֲבַד מָר הָכִי? אֲמַר לֵיהּ: וּמַאי טַעְמָא עֲבַד מָר הָכִי? ata ramé bar 'hama lekaméh derav chéchet, okméh benikhsé. ata mar oukva lekaméh derav na'hman, okméh benikhsé. ata rav chéchet lekaméh derav na'hman, amar léh: ma tama avad mar hakhi? amar léh: ouma tama avad mar hakhi?
9. אֲמַר לֵיהּ: דִּקְדֵים. אֲמַר לֵיהּ: אַטּוּ בִּירוּשָׁלַיִם יָתְבִינַן דְּכָתְבִינַן שָׁעוֹת? אֶלָּא מָר מַאי טַעְמָא עֲבַד הָכִי? אֲמַר לֵיהּ: שׁוּדָא דְּדַיָּינֵי. amar léh: dikdém. amar léh: atou birouchalayim yatvinan dekhatvinan chaot? ela mar ma tama avad hakhi? amar léh: chouda dedayané.
10. אֲמַר לֵיהּ: אֲנָא נָמֵי שׁוּדָא דְּדַיָּינֵי, אֲמַר לֵיהּ: חֲדָא, דַּאֲנָא דַּיָּינָא וּמָר לָאו דַּיָּינָא. וְעוֹד, מֵעִיקָּרָא לָאו בְּתוֹרַת הָכִי אֲתֵית לַהּ. amar léh: ana namé chouda dedayané, amar léh: 'hada, daana dayana oumar la dayana. veod, méikara la betorat hakhi atét lah.
11. הָנְהוּ תְּרֵי שְׁטָרֵי דַּאֲתוֹ לְקַמֵּיהּ דְּרַב יוֹסֵף. חַד הֲוָה כָּתוּב בְּחַמְשָׁא בְּנִיסָן, וְחַד הֲוָה כָּתוּב בֵּיהּ בְּנִיסָן סְתָמָא. אוֹקְמֵיהּ רַב יוֹסֵף לְהָהוּא דְּחַמְשָׁא בְּנִיסָן בִּנְכָסִים. hanou teré chetaré daato lekaméh derav yoséf. 'had hava katouv be'hamcha benisan, ve'had hava katouv béh benisan setama. okméh rav yoséf lehaou de'hamcha benisan binkhasim.
12. אֲמַר לֵיהּ אִידַּךְ: וַאֲנָא אַפְסֵיד? אֲמַר לֵיהּ: אַתְּ יָדְךָ עַל הַתַּחְתּוֹנָה, אֵימָא בַּר עֶשְׂרִים וְתִשְׁעָה בְּנִיסָן אַתְּ. amar léh idakh: vaana afséd? amar léh: ate yadkha al hata'htona, éma bar esrim veticha benisan ate.
13. אֲמַר לֵיהּ: וְנִכְתּוֹב לִי מָר amar léh: venikhtov li mar

Daf 95a

1. טִירְפָא מֵאִיָּיר וְאֵילָךְ. אֲמַר לֵיהּ: יָכְלִי לְמֵימַר לָךְ: אַתְּ בַּר חַד בְּנִיסָן אַתְּ. tirfa méiyar veélakh. amar léh: yakhli lemémar lakh: ate bar 'had benisan ate.
2. מַאי תַּקַּנְתֵּיהּ? נִכְתְּבוּ הַרְשָׁאָה לַהֲדָדֵי. ma takantéh? nikhtevou harchaa lahadadé.
3. מַתְנִי׳ מִי שֶׁהָיָה נָשׂוּי שְׁתֵּי נָשִׁים וּמָכַר אֶת שָׂדֵהוּ, וְכָתְבָה רִאשׁוֹנָה לַלּוֹקֵחַ ״דִּין וּדְבָרִים אֵין לִי עִמָּךְ״ — הַשְּׁנִיָּה מוֹצִיאָה מֵהַלּוֹקֵחַ, וְרִאשׁוֹנָה מִן הַשְּׁנִיָּה, וְהַלּוֹקֵחַ מִן הָרִאשׁוֹנָה. וְחוֹזְרוֹת חֲלִילָה, עַד שֶׁיַּעֲשׂוּ פְּשָׁרָה בֵּינֵיהֶם. וְכֵן בַּעַל חוֹב, וְכֵן אִשָּׁה בַּעֲלַת חוֹב. matni' mi chehaya nasou cheté nachim oumakhar et sadéou, vekhatva richona laloké'ha "din oudvarim én li imakh" — hacheniya motsia méhaloké'ha, verichona min hacheniya, vehaloké'ha min harichona. ve'hozrot 'halila, ad cheyaasou pechara bénéhem. vekhén baal 'hov, vekhén icha baalat 'hov.
4. גְּמָ׳ וְכִי כָּתְבָה לֵיהּ מַאי הָוֵי? וְהָתַנְיָא: הָאוֹמֵר לַחֲבֵירוֹ ״דִּין וּדְבָרִים אֵין לִי עַל שָׂדֶה זוֹ״, וְ״אֵין לִי עֵסֶק בָּהּ״, וְ״יָדַי מְסוּלָּקֹת הֵימֶנָּה״ — לֹא אָמַר כְּלוּם. הָכָא בְּמַאי עָסְקִינַן — בְּשֶׁקָּנוּ מִיָּדָהּ. gema' vekhi katva léh ma havé? vehatanya: haomér la'havéro "din oudvarim én li al sade zo", ve"én li ések bah", ve"yada mesoulakot hémena" — lo amar keloum. hakha bema askinan — bechekanou miyadah.
5. וְכִי קָנוּ מִיָּדָהּ מַאי הָוֵי? תֵּימָא: נַחַת רוּחַ עָשִׂיתִי לְבַעְלִי. מִי לָא תְּנַן: לָקַח מִן הָאִישׁ וְחָזַר וְלָקַח מִן הָאִשָּׁה — מִקָּחוֹ בָּטֵל. אַלְמָא: יְכוֹלָה הִיא שֶׁתֹּאמַר נַחַת רוּחַ עָשִׂיתִי לְבַעְלִי. vekhi kanou miyadah ma havé? téma: na'hat rou'ha asiti levali. mi la tenan: laka'h min haich ve'hazar velaka'h min haicha — mika'ho batél. alma: yekhola hi chetomar na'hat rou'ha asiti levali.
6. אָמַר רַבִּי זֵירָא אָמַר רַב חִסְדָּא, לָא קַשְׁיָא: הָא רַבִּי מֵאִיר, הָא רַבִּי יְהוּדָה. amar rabi zéra amar rav 'hisda, la kachya: ha rabi méir, ha rabi yeouda.
7. דְּתַנְיָא: כָּתַב לָרִאשׁוֹן וְלֹא חָתְמָה לוֹ, לַשֵּׁנִי וְחָתְמָה לוֹ — אִיבְּדָה כְּתוּבָּתָהּ, דִּבְרֵי רַבִּי מֵאִיר. detanya: katav larichon velo 'hatma lo, lachéni ve'hatma lo — ibeda ketoubatah, divré rabi méir.
8. רַבִּי יְהוּדָה אוֹמֵר, יְכוֹלָה הִיא שֶׁתֹּאמַר: ״נַחַת רוּחַ עָשִׂיתִי לְבַעְלִי, אַתֶּם מַה לָּכֶם עָלַי״? rabi yeouda omér, yekhola hi chetomar: "na'hat rou'ha asiti levali, atem ma lakhem ala"?
9. וְרַבִּי, סָתֵם לַהּ הָכָא כְּרַבִּי מֵאִיר וְסָתֵם לַהּ הָתָם כְּרַבִּי יְהוּדָה?! verabi, satém lah hakha kerabi méir vesatém lah hatam kerabi yeouda?!
10. אָמַר רַב פָּפָּא: בִּגְרוּשָׁה, וְדִבְרֵי הַכֹּל. amar rav papa: bigroucha, vedivré hakol.
11. רַב אָשֵׁי אָמַר: כּוּלַּהּ רַבִּי מֵאִיר הִיא, וְעַד כָּאן לָא קָאָמַר רַבִּי מֵאִיר הָתָם, אֶלָּא בִּשְׁנֵי לָקוֹחוֹת, דְּאָמְרִי לַהּ: אִי אִיתָא דְּנַחַת רוּחַ עֲבַדְתְּ — לְקַמָּא אִיבְּעִי לָךְ לְמִיעְבַּד. אֲבָל בְּלוֹקֵחַ אֶחָד, אֲפִילּוּ רַבִּי מֵאִיר מוֹדֶה. וּמַתְנִיתִין דִּכְתַב לֵיהּ לְאַחֵר. rav aché amar: koulah rabi méir hi, vead kan la kaamar rabi méir hatam, ela bichné lako'hot, deamri lah: i ita dena'hat rou'ha avadte — lekama ibei lakh lemibad. aval beloké'ha e'had, afilou rabi méir mode. oumatnitin dikhtav léh lea'hér.
12. תְּנַן הָתָם: אֵין נִפְרָעִין מִנְּכָסִים מְשׁוּעְבָּדִים בִּמְקוֹם שֶׁיֵּשׁ נְכָסִים בְּנֵי חוֹרִין, וַאֲפִילּוּ הֵן זִיבּוּרִית. אִיבַּעְיָא לְהוּ: אִישְׁתְּדוּף בְּנֵי חָרֵי, מַהוּ דְּלִיטְרוֹף מִמְּשַׁעְבְּדִי? tenan hatam: én nifrain minekhasim mechoubadim bimkom cheyéch nekhasim bené 'horin, vaafilou hén zibourit. ibaya leou: ichtedouf bené 'haré, maou delitrof mimechabedi?
13. תָּא שְׁמַע: כָּתַב לָרִאשׁוֹן וְלֹא חָתְמָה לוֹ, לַשֵּׁנִי וְחָתְמָה לוֹ — אִיבְּדָה כְּתוּבָּתָהּ, דִּבְרֵי רַבִּי מֵאִיר. ta chema: katav larichon velo 'hatma lo, lachéni ve'hatma lo — ibeda ketoubatah, divré rabi méir.
14. וְאִי סָלְקָא דַּעְתָּךְ אִישְׁתְּדוּף בְּנֵי חָרֵי טָרֵיף מִמְּשַׁעְבְּדִי, נְהִי דְּאִיבְּדָה כְּתוּבָּתָהּ מִשֵּׁנִי — מֵרִאשׁוֹן מִיהָא תִּיגְבֵּי. vei salka datakh ichtedouf bené 'haré taréf mimechabedi, nehi deibeda ketoubatah michéni — mérichon miha tigbé.
15. אָמַר רַב נַחְמָן בַּר יִצְחָק: מַאי ״אִיבְּדָה״ — אִיבְּדָה מִשֵּׁנִי. amar rav na'hman bar yits'hak: ma "ibeda" — ibeda michéni.
16. אָמַר רָבָא: שְׁתֵּי תְּשׁוּבוֹת בַּדָּבָר, חֲדָא: דְּ״אִיבְּדָה״ לִגְמָרֵי מַשְׁמַע. וְעוֹד, תַּנְיָא: לָוָה מִן הָאֶחָד וּמָכַר נְכָסָיו לִשְׁנַיִם, וְכָתַב בַּעַל חוֹב לְלוֹקֵחַ שֵׁנִי: ״דִּין וּדְבָרִים אֵין לִי עִמָּךְ״ — אֵין לוֹ עַל לוֹקֵחַ רִאשׁוֹן כְּלוּם. מִפְּנֵי שֶׁיָּכוֹל לוֹמַר: הִנַּחְתִּי לְךָ מָקוֹם לִגְבּוֹת הֵימֶנּוּ. amar rava: cheté techouvot badavar, 'hada: de"ibeda" ligmaré machma. veod, tanya: lava min hae'had oumakhar nekhasa lichnayim, vekhatav baal 'hov leloké'ha chéni: "din oudvarim én li imakh" — én lo al loké'ha richon keloum. mipené cheyakhol lomar: hina'hti lekha makom ligbot hémenou.
17. הָתָם אִיהוּ דְּאַפְסֵיד נַפְשֵׁיהּ בְּיָדַיִם. hatam iou deafséd nafchéh beyadayim.
18. אֲמַר לֵיהּ רַב יֵימַר לְרַב אָשֵׁי: amar léh rav yémar lerav aché:

Daf 95b

1. וְהָא מַעֲשִׂים בְּכׇל יוֹם, דְּהָהוּא גַּבְרָא דְּמַישְׁכֵּן לֵיהּ פַּרְדֵּיסָא לְחַבְרֵיהּ לַעֲשַׂר שְׁנִין, וְקַשׁ לַחֲמֵשׁ שְׁנִין, וַאֲתָא לְקַמַּיְיהוּ דְּרַבָּנַן וּכְתַבוּ לֵיהּ טִירְפָא! veha maasim bekhol yom, dehaou gavra demachkén léh pardésa le'havréh laasar chenin, vekach la'haméch chenin, vaata lekamayou derabanan oukhtavou léh tirfa!
2. הָתָם נָמֵי, אִינְהוּ הוּא דְּאַפְסִידוּ אַנַּפְשַׁיְיהוּ, כֵּיוָן דַּהֲווֹ יָדְעִי דְּפַרְדֵּיסָא עָבֵיד דְּקִישׁ, לָא אִיבְּעִי לְהוּ לְמִיזְבַּן. hatam namé, inou hou deafsidou anafchayou, kévan dahao yadi defardésa avéd dekich, la ibei leou lemizban.
3. וְהִלְכְתָא: אִישְׁתְּדוּף בְּנֵי חָרֵי — טָרְפָא מִמְּשַׁעְבְּדִי. vehilkheta: ichtedouf bené 'haré — tarfa mimechabedi.
4. אָמַר אַבָּיֵי: ״נְכָסַי לִיךְ וְאַחֲרַיִךְ לִפְלוֹנִי״, וְעָמְדָה וְנִיסֵּת — בַּעַל לוֹקֵחַ הָוֵי, וְאֵין לְ״אַחֲרַיִךְ״ בִּמְקוֹם בַּעַל כְּלוּם. amar abayé: "nekhasa likh vea'harayikh lifloni", veamda venisét — baal loké'ha havé, veén le"a'harayikh" bimkom baal keloum.
5. כְּמַאן — כִּי הַאי תַּנָּא, דְּתַנְיָא: ״נְכָסַי לִיךְ וְאַחֲרַיִךְ לִפְלוֹנִי״, יָרַד הָרִאשׁוֹן וּמָכַר — הַשֵּׁנִי מוֹצִיא מִיַּד הַלָּקוֹחוֹת, דִּבְרֵי רַבִּי. רַבָּן שִׁמְעוֹן בֶּן גַּמְלִיאֵל אוֹמֵר: אֵין לַשֵּׁנִי אֶלָּא מַה שֶּׁשִּׁיֵּיר רִאשׁוֹן. keman — ki ha tana, detanya: "nekhasa likh vea'harayikh lifloni", yarad harichon oumakhar — hachéni motsi miyad halako'hot, divré rabi. raban chimon ben gamliél omér: én lachéni ela ma chechiyér richon.
6. וּמִי אָמַר אַבָּיֵי הָכִי? וְהָאָמַר אַבָּיֵי: אֵיזֶהוּ רָשָׁע עָרוּם — זֶה הַמַּשִּׂיא עֵצָה לִמְכּוֹר בִּנְכָסִים כְּרַבָּן שִׁמְעוֹן בֶּן גַּמְלִיאֵל! oumi amar abayé hakhi? vehaamar abayé: ézeou racha aroum — ze hamasi étsa limkor binkhasim keraban chimon ben gamliél!
7. מִי קָאָמַר תִּינָּשֵׂא? ״נִשֵּׂאת״ קָאָמַר. mi kaamar tinasé? "nisét" kaamar.
8. וְאָמַר אַבָּיֵי: ״נְכָסַי לִיךְ וְאַחֲרַיִךְ לִפְלוֹנִי״ וּמָכְרָה וָמֵתָה — הַבַּעַל מוֹצִיא מִיַּד הַלָּקוֹחוֹת, וְ״אַחֲרַיִךְ״ מִיַּד בַּעַל, וְלוֹקֵחַ מִיַּד ״אַחֲרַיִךְ״. וּמוֹקְמִינַן לְכוּלְּהוּ בִּידָא דְלוֹקֵחַ. veamar abayé: "nekhasa likh vea'harayikh lifloni" oumakhra vaméta — habaal motsi miyad halako'hot, ve"a'harayikh" miyad baal, veloké'ha miyad "a'harayikh". oumokminan lekhouleou bida deloké'ha.
9. מַאי שְׁנָא מֵהָא דִּתְנַן: וְחוֹזְרוֹת חֲלִילָה עַד שֶׁיַּעֲשׂוּ פְּשָׁרָה בֵּינֵיהֶן? הָתָם אִית לְהוּ פְּסֵידָא לְכוּלְּהוּ, הָכָא לוֹקֵחַ הוּא דְּאִית לֵיהּ פְּסֵידָא. ma chena méha ditnan: ve'hozrot 'halila ad cheyaasou pechara bénéhen? hatam it leou peséda lekhouleou, hakha loké'ha hou deit léh peséda.
10. אֲזַל רַפְרָם אֲמַר לִשְׁמַעְתָּא קַמֵּיהּ דְּרַב אָשֵׁי. מִי אָמַר אַבָּיֵי הָכִי? וְהָאָמַר אַבָּיֵי: ״נְכָסַי לִיךְ וְאַחֲרַיִךְ לִפְלוֹנִי״, עָמְדָה וְנִיסֵּת — בַּעַל לוֹקֵחַ הָוֵי, וְאֵין לְ״אַחֲרַיִךְ״ בִּמְקוֹם בַּעַל כְּלוּם. azal rafram amar lichmata kaméh derav aché. mi amar abayé hakhi? vehaamar abayé: "nekhasa likh vea'harayikh lifloni", amda venisét — baal loké'ha havé, veén le"a'harayikh" bimkom baal keloum.
11. אֲמַר לֵיהּ: הָתָם דְּאָמַר לַהּ כְּשֶׁהִיא פְּנוּיָה, הָכָא דְּאָמַר לַהּ כְּשֶׁהִיא נְשׂוּאָה. מַאי קָאָמַר לַהּ — ״אַחֲרַיִךְ״ לִיקְנֵי, בַּעַל לָא לִיקְנֵי. amar léh: hatam deamar lah kechehi penouya, hakha deamar lah kechehi nesoua. ma kaamar lah — "a'harayikh" likné, baal la likné.
12. וְכֵן בַּעַל חוֹב. תָּנָא: וְכֵן בַּעַל חוֹב וּשְׁנֵי לָקוֹחוֹת. vekhén baal 'hov. tana: vekhén baal 'hov ouchné lako'hot.
13. וְכֵן אִשָּׁה בַּעֲלַת חוֹב וּשְׁנֵי לָקוֹחוֹת. vekhén icha baalat 'hov ouchné lako'hot.
14. הֲדַרַן עֲלָךְ מִי שֶׁהָיָה נָשׂוּי hadaran alakh mi chehaya nasou
15. אַלְמָנָה נִיזּוֹנֶת מִנִּכְסֵי יְתוֹמִים — מַעֲשֵׂה יָדֶיהָ שֶׁלָּהֶן, וְאֵין חַיָּיבִין בִּקְבוּרָתָהּ. יוֹרְשֶׁיהָ יוֹרְשֵׁי כְתוּבָּתָהּ חַיָּיבִין בִּקְבוּרָתָהּ. almana nizonet minikhsé yetomim — maasé yadeha chelahen, veén 'hayavin bikvouratah. yorcheha yorché khetoubatah 'hayavin bikvouratah.
16. גְּמָ׳ אִיבַּעְיָא לְהוּ: ״נִיזּוֹנֶת״ תְּנַן אוֹ ״הַנִּיזּוֹנֶת״ תְּנַן? נִיזּוֹנֶת תְּנַן, וּכְאַנְשֵׁי גָלִיל, וְלָא סַגִּי דְּלָא יָהֲבִי לַהּ, gema' ibaya leou: "nizonet" tenan o "hanizonet" tenan? nizonet tenan, oukhanché galil, vela sagi dela yahavi lah,
17. אוֹ דִלְמָא ״הַנִּיזּוֹנֶת״ תְּנַן, וּכְאַנְשֵׁי יְהוּדָה, וְאִי בָּעוּ לָא יָהֲבִי לַהּ. o dilma "hanizonet" tenan, oukhanché yeouda, vei baou la yahavi lah.

Daf 96a

1. תָּא שְׁמַע, אָמַר רַבִּי זֵירָא אָמַר שְׁמוּאֵל: מְצִיאַת אַלְמָנָה לְעַצְמָהּ. אִי אָמְרַתְּ בִּשְׁלָמָא ״הַנִּיזּוֹנֶת״ תְּנַן — שַׁפִּיר. אֶלָּא אִי אָמְרַתְּ ״נִיזּוֹנֶת״ תְּנַן, נִיהְווֹ כְּבַעַל: מָה בַּעַל מְצִיאַת אִשָּׁה לְבַעְלָהּ, הָכָא נָמֵי מְצִיאַת אִשָּׁה לַיּוֹרְשִׁים! ta chema, amar rabi zéra amar chemouél: metsiat almana leatsmah. i amrate bichlama "hanizonet" tenan — chapir. ela i amrate "nizonet" tenan, niho kevaal: ma baal metsiat icha levalah, hakha namé metsiat icha layorchim!
2. לְעוֹלָם אֵימָא לָךְ: ״נִיזּוֹנֶת״ תְּנַן: טַעְמָא מַאי אֲמוּר רַבָּנַן מְצִיאַת אִשָּׁה לְבַעְלָהּ — דְּלָא תֶּיהְוֵי לַהּ אֵיבָה. הָנֵי — תֶּיהְוֵי לְהוּ אֵיבָה. leolam éma lakh: "nizonet" tenan: tama ma amour rabanan metsiat icha levalah — dela tehvé lah éva. hané — tehvé leou éva.
3. אָמַר רַבִּי יוֹסֵי בַּר חֲנִינָא: כׇּל מְלָאכוֹת שֶׁהָאִשָּׁה עוֹשָׂה לְבַעְלָהּ, אַלְמָנָה עוֹשָׂה לַיּוֹרְשִׁים, חוּץ מִמְּזִיגַת הַכּוֹס וְהַצָּעַת הַמִּטָּה וְהַרְחָצַת פָּנָיו יָדָיו וְרַגְלָיו. amar rabi yosé bar 'hanina: kol melakhot chehaicha osa levalah, almana osa layorchim, 'houts mimezigat hakos vehatsaat hamita vehar'hatsat pana yada veragla.
4. אָמַר רַבִּי יְהוֹשֻׁעַ בֶּן לֵוִי: כׇּל מְלָאכוֹת שֶׁהָעֶבֶד עוֹשֶׂה לְרַבּוֹ — תַּלְמִיד עוֹשֶׂה לְרַבּוֹ, חוּץ מֵהַתָּרַת (לוֹ) מִנְעָל. amar rabi yeochoua ben lévi: kol melakhot chehaeved ose lerabo — talmid ose lerabo, 'houts méhatarat (lo) minal.
5. אָמַר רָבָא: לָא אֲמַרַן אֶלָּא בִּמְקוֹם שֶׁאֵין מַכִּירִין אוֹתוֹ, אֲבָל בִּמְקוֹם שֶׁמַּכִּירִין אוֹתוֹ לֵית לַן בַּהּ. אָמַר רַב אָשֵׁי: וּבִמְקוֹם שֶׁאֵין מַכִּירִין אוֹתוֹ נָמֵי, לָא אֲמַרַן אֶלָּא דְּלָא מַנַּח תְּפִלִּין, אֲבָל מַנַּח תְּפִלִּין — לֵית לַן בַּהּ. amar rava: la amaran ela bimkom cheén makirin oto, aval bimkom chemakirin oto lét lan bah. amar rav aché: ouvimkom cheén makirin oto namé, la amaran ela dela mana'h tefilin, aval mana'h tefilin — lét lan bah.
6. אָמַר רַבִּי חִיָּיא בַּר אַבָּא אָמַר רַבִּי יוֹחָנָן: כׇּל הַמּוֹנֵעַ תַּלְמִידוֹ מִלְּשַׁמְּשׁוֹ — כְּאִילּוּ מוֹנֵעַ מִמֶּנּוּ חֶסֶד, שֶׁנֶּאֱמַר: ״לַמָּס מֵרֵעֵהוּ חָסֶד״. רַב נַחְמָן בַּר יִצְחָק אוֹמֵר: אַף פּוֹרֵק מִמֶּנּוּ יִרְאַת שָׁמַיִם, שֶׁנֶּאֱמַר: ״וְיִרְאַת שַׁדַּי יַעֲזוֹב״. amar rabi 'hiya bar aba amar rabi yo'hanan: kol hamonéa talmido milechamecho — keilou monéa mimenou 'hesed, cheneemar: "lamas mérééou 'hased". rav na'hman bar yits'hak omér: af porék mimenou yirat chamayim, cheneemar: "veyirat chada yaazov".
7. אָמַר רַבִּי אֶלְעָזָר: אַלְמָנָה שֶׁתָּפְסָה מִטַּלְטְלִין בִּמְזוֹנוֹתֶיהָ — מַה שֶּׁתָּפְסָה תָּפְסָה. תַּנְיָא נָמֵי הָכִי: אַלְמָנָה שֶׁתָּפְסָה מִטַּלְטְלִין בִּמְזוֹנוֹתֶיהָ — מַה שֶּׁתָּפְסָה תָּפְסָה. amar rabi elazar: almana chetafsa mitaltelin bimzonoteha — ma chetafsa tafsa. tanya namé hakhi: almana chetafsa mitaltelin bimzonoteha — ma chetafsa tafsa.
8. וְכֵן כִּי אֲתָא רַב דִּימִי, אָמַר: מַעֲשֶׂה בְּכַלָּתוֹ שֶׁל רַבִּי שַׁבְּתַי שֶׁתָּפְסָה דִּסַקַּיָּא מְלֵאָה מָעוֹת, וְלֹא הָיָה כֹּחַ בְּיַד חֲכָמִים לְהוֹצִיא מִיָּדָהּ. vekhén ki ata rav dimi, amar: maase bekhalato chel rabi chabeta chetafsa disakaya meléa maot, velo haya ko'ha beyad 'hakhamim leotsi miyadah.
9. אָמַר רָבִינָא: וְלָא אֲמַרַן אֶלָּא לִמְזוֹנֵי, אֲבָל לִכְתוּבָּה — מַפְּקִינַן מִינַּהּ. amar ravina: vela amaran ela limzoné, aval likhtouba — mapekinan minah.
10. מַתְקֵיף לַהּ מָר בַּר רַב אָשֵׁי: מַאי שְׁנָא לִכְתוּבָּה, דְּמִמְּקַרְקְעֵי וְלָא מִמִּטַּלְטְלִי? מְזוֹנוֹת נָמֵי מִמְּקַרְקְעֵי וְלָא מִמִּטַּלְטְלִי! אֶלָּא לִמְזוֹנֵי — מַאי דְּתָפְסָה תָּפְסָה, הָכִי נָמֵי לִכְתוּבָּה! matkéf lah mar bar rav aché: ma chena likhtouba, demimekarkeé vela mimitalteli? mezonot namé mimekarkeé vela mimitalteli! ela limzoné — ma detafsa tafsa, hakhi namé likhtouba!
11. אֲמַר לֵיהּ רַב יִצְחָק בַּר נַפְתָּלִי לְרָבִינָא: הָכִי אָמְרִינַן מִשְּׁמֵיהּ דְּרָבָא כְּווֹתָיךְ. amar léh rav yits'hak bar naftali leravina: hakhi amrinan micheméh derava keotakh.
12. אָמַר רַבִּי יוֹחָנָן מִשְּׁמֵיהּ דְּרַבִּי יוֹסֵי בֶּן זִימְרָא: אַלְמָנָה שֶׁשָּׁהֲתָה שְׁתַּיִם וְשָׁלֹשׁ שָׁנִים וְלֹא תָּבְעָה מְזוֹנוֹת — אִיבְּדָה מְזוֹנוֹת. amar rabi yo'hanan micheméh derabi yosé ben zimra: almana chechahata chetayim vechaloch chanim velo tava mezonot — ibeda mezonot.
13. הַשְׁתָּא שְׁתַּיִם — אִיבְּדָה, שָׁלֹשׁ מִיבַּעְיָא?! לָא קַשְׁיָא: כָּאן בַּעֲנִיָּה, כָּאן בַּעֲשִׁירָה. hachta chetayim — ibeda, chaloch mibaya?! la kachya: kan baaniya, kan baachira.
14. אִי נָמֵי: כָּאן בִּפְרוּצָה, כָּאן בִּצְנוּעָה. i namé: kan bifroutsa, kan bitsnoua.
15. אָמַר רָבָא: לָא אֲמַרַן אֶלָּא לְמַפְרֵעַ, אֲבָל לְהַבָּא יֵשׁ לָהּ. amar rava: la amaran ela lemafréa, aval lehaba yéch lah.
16. בָּעֵי רַבִּי יוֹחָנָן: יְתוֹמִים אוֹמְרִים נָתַנְנוּ, וְהִיא אוֹמֶרֶת לֹא נָטַלְתִּי, עַל מִי לְהָבִיא רְאָיָה? baé rabi yo'hanan: yetomim omrim natannou, vehi omeret lo natalti, al mi lehavi reaya?

Daf 96b

1. נִכְסֵי בְּחֶזְקַת יַתְמֵי קָיְימִי וְעַל אַלְמָנָה לְהָבִיא רְאָיָה, אוֹ דִלְמָא נִכְסֵי בְּחֶזְקַת אַלְמָנָה קָיְימִי, וְעַל הַיְּתוֹמִים לְהָבִיא רְאָיָה. nikhsé be'hezkat yatmé kaymi veal almana lehavi reaya, o dilma nikhsé be'hezkat almana kaymi, veal hayetomim lehavi reaya.
2. תָּא שְׁמַע, דְּתָנֵי לֵוִי: אַלְמָנָה, כׇּל זְמַן שֶׁלֹּא נִיסֵּת — עַל הַיְּתוֹמִים לְהָבִיא רְאָיָה. נִיסֵּת — עָלֶיהָ לְהָבִיא רְאָיָה. ta chema, detané lévi: almana, kol zeman chelo nisét — al hayetomim lehavi reaya. nisét — aleha lehavi reaya.
3. אָמַר רַב שִׁימִי בַּר אָשֵׁי, כְּתַנָּאֵי: מוֹכֶרֶת, וְכוֹתֶבֶת: ״אֵלּוּ לִמְזוֹנוֹת מָכַרְתִּי״ וְ״אֵלּוּ לִכְתוּבָּה מָכַרְתִּי״, דִּבְרֵי רַבִּי יְהוּדָה. רַבִּי יוֹסֵי אוֹמֵר: מוֹכֶרֶת וְכוֹתֶבֶת סְתָם, וְכֵן כֹּחָהּ יָפֶה. amar rav chimi bar aché, ketanaé: mokheret, vekhotevet: "élou limzonot makharti" ve"élou likhtouba makharti", divré rabi yeouda. rabi yosé omér: mokheret vekhotevet setam, vekhén ko'hah yafe.
4. מַאי לָאו בְּהָא קָמִיפַּלְגִי, לְרַבִּי יְהוּדָה דְּאָמַר בָּעֵי לְפָרוֹשֵׁי, סָבַר: נִכְסֵי בְּחֶזְקַת יַתְמֵי קָיְימִי, וְעַל הָאַלְמָנָה לְהָבִיא רְאָיָה. וְרַבִּי יוֹסֵי סָבַר: לָא בָּעֵי לְפָרוֹשֵׁי, נִכְסֵי בְּחֶזְקַת אַלְמָנָה קָיְימִי, וְעַל הַיְּתוֹמִים לְהָבִיא רְאָיָה. ma la beha kamipalgi, lerabi yeouda deamar baé lefaroché, savar: nikhsé be'hezkat yatmé kaymi, veal haalmana lehavi reaya. verabi yosé savar: la baé lefaroché, nikhsé be'hezkat almana kaymi, veal hayetomim lehavi reaya.
5. מִמַּאי? דִּלְמָא דְּכוּלֵּי עָלְמָא נִכְסֵי בְּחֶזְקַת אַלְמָנָה קָיְימִי, וְעַל הַיְּתוֹמִים לְהָבִיא רְאָיָה, וְרַבִּי יְהוּדָה עֵצָה טוֹבָה קָא מַשְׁמַע לַן — דְּלָא לִיקְרוֹ לַהּ רַעַבְתָנוּתָא. mima? dilma dekhoulé alma nikhsé be'hezkat almana kaymi, veal hayetomim lehavi reaya, verabi yeouda étsa tova ka machma lan — dela likro lah raavtanouta.
6. דְּאִי לָא תֵּימָא הָכִי, הָא דְּבָעֵי רַבִּי יוֹחָנָן, תִּפְשׁוֹט לֵיהּ מִמַּתְנִיתִין: מוֹכֶרֶת לִמְזוֹנוֹת שֶׁלֹּא בְּבֵית דִּין, וְכוֹתֶבֶת: ״אֵלּוּ לִמְזוֹנוֹת מָכַרְתִּי״! אֶלָּא מִמַּתְנִיתִין לֵיכָּא לְמִשְׁמַע מִינַּהּ, דְּעֵצָה טוֹבָה קָא מַשְׁמַע לַן. הָכִי נָמֵי עֵצָה טוֹבָה קָא מַשְׁמַע לַן. dei la téma hakhi, ha devaé rabi yo'hanan, tifchot léh mimatnitin: mokheret limzonot chelo bevét din, vekhotevet: "élou limzonot makharti"! ela mimatnitin léka lemichma minah, deétsa tova ka machma lan. hakhi namé étsa tova ka machma lan.
7. אִי נָמֵי: דְּכוּלֵּי עָלְמָא נִכְסֵי בְּחֶזְקַת יַתְמֵי קָיְימִי, וְהַיְינוּ טַעְמָא דְּרַבִּי יוֹסֵי — כִּדְאַבָּיֵי קַשִּׁישָׁא. דְּאָמַר אַבָּיֵי קַשִּׁישָׁא, מָשָׁל דְּרַבִּי יוֹסֵי לְמָה הַדָּבָר דּוֹמֶה? לִשְׁכִיב מְרַע שֶׁאָמַר ״תְּנוּ מָאתַיִם זוּז לִפְלוֹנִי בַּעַל חוֹבִי״, רָצָה — בְּחוֹבוֹ נוֹטְלָן, רָצָה — בְּמַתָּנָה נוֹטְלָן. i namé: dekhoulé alma nikhsé be'hezkat yatmé kaymi, vehaynou tama derabi yosé — kidabayé kachicha. deamar abayé kachicha, machal derabi yosé lema hadavar dome? lichkhiv mera cheamar "tenou matayim zouz lifloni baal 'hovi", ratsa — be'hovo notlan, ratsa — bematana notlan.

Daf 97a

1. אִם בְּמַתָּנָה נוֹטְלָן לֹא כָּךְ יָפֶה כֹּחוֹ. im bematana notlan lo kakh yafe ko'ho.
2. כֵּיצַד מוֹכֶרֶת? אָמַר רַבִּי דָּנִיאֵל בַּר רַב קַטִּינָא אָמַר רַב הוּנָא: מוֹכֶרֶת אַחַת לִשְׁנֵים עָשָׂר חֹדֶשׁ, וְלוֹקֵחַ מְפַרְנֵס אַחַת לִשְׁלשִׁים יוֹם. וְרַב יְהוּדָה אָמַר: מוֹכֶרֶת לְשִׁשָּׁה חֳדָשִׁים, וְלוֹקֵחַ מְפַרְנֵס אַחַת לִשְׁלשִׁים יוֹם. kétsad mokheret? amar rabi daniél bar rav katina amar rav houna: mokheret a'hat lichném asar 'hodech, veloké'ha mefarnés a'hat lichlchim yom. verav yeouda amar: mokheret lechicha 'hodachim, veloké'ha mefarnés a'hat lichlchim yom.
3. תַּנְיָא כְּווֹתֵיהּ דְּרַב הוּנָא: מוֹכֶרֶת לִשְׁנֵים עָשָׂר חֹדֶשׁ, וְלוֹקֵחַ מְפַרְנֵס אַחַת לִשְׁלשִׁים יוֹם. תַּנְיָא כְּווֹתֵיהּ דְּרַב יְהוּדָה: מוֹכֶרֶת לְשִׁשָּׁה חֳדָשִׁים, וְלוֹקֵחַ מְפַרְנֵס אַחַת לִשְׁלשִׁים יוֹם. tanya keotéh derav houna: mokheret lichném asar 'hodech, veloké'ha mefarnés a'hat lichlchim yom. tanya keotéh derav yeouda: mokheret lechicha 'hodachim, veloké'ha mefarnés a'hat lichlchim yom.
4. אָמַר אַמֵּימָר, הִלְכְתָא: מוֹכֶרֶת לְשִׁשָּׁה חֳדָשִׁים וְלוֹקֵחַ מְפַרְנֵס אַחַת לִשְׁלשִׁים יוֹם. אֲמַר לֵיהּ רַב אָשֵׁי לְאַמֵּימָר: דְּרַב הוּנָא מַאי? אֲמַר לֵיהּ: לָא שְׁמִיעַ לִי, כְּלוֹמַר: לָא סְבִירָא לִי. amar amémar, hilkheta: mokheret lechicha 'hodachim veloké'ha mefarnés a'hat lichlchim yom. amar léh rav aché leamémar: derav houna ma? amar léh: la chemia li, kelomar: la sevira li.
5. בְּעוֹ מִינֵּיהּ מֵרַב שֵׁשֶׁת: מוֹכֶרֶת לִמְזוֹנוֹת, מַהוּ שֶׁתַּחֲזוֹר וְתִטְרוֹף לִכְתוּבָּה? beo minéh mérav chéchet: mokheret limzonot, maou cheta'hazor vetitrof likhtouba?
6. קָמִיבַּעְיָא לְהוּ בִּדְרַב יוֹסֵף. דְּאָמַר רַב יוֹסֵף: אַרְמַלְתָּא דְּזַבֵּין — אַחְרָיוּת אַיַּתְמֵי, וּבֵי דִינָא דְּזַבֵּין — אַחְרָיוּת אַיַּתְמֵי. מַאי? kamibaya leou bidrav yoséf. deamar rav yoséf: armalta dezabén — a'hraout ayatmé, ouvé dina dezabén — a'hraout ayatmé. ma?
7. כֵּיוָן דְּאַחְרָיוּת אַיַּתְמֵי, טָרְפָא, אוֹ דִלְמָא מָצֵי אָמְרִי לַהּ: נְהִי דְּאַחְרָיוּת דְּעָלְמָא לָא קַבֵּילְתְּ עִילָּוָךְ, אַחְרָיוּת דְּנַפְשָׁךְ מִי לָא קַבּוֹלֵי קַבֵּילְתְּ? kévan dea'hraout ayatmé, tarfa, o dilma matsé amri lah: nehi dea'hraout dealma la kabélte ilavakh, a'hraout denafchakh mi la kabolé kabélte?
8. אֲמַר לֵיהּ, תְּנֵיתוּהָ: מוֹכֶרֶת וְהוֹלֶכֶת עַד כְּדֵי כְתוּבָּתָהּ, וְסֶמֶךְ לָהּ שֶׁתִּגְבֶּה כְּתוּבָּתָהּ מִן הַשְּׁאָר. שְׁמַע מִינַּהּ: שַׁיַּירָא — אִין, לָא שַׁיַּירָא — לָא. amar léh, tenétouha: mokheret veolekhet ad kedé khetoubatah, vesemekh lah chetigbe ketoubatah min hachear. chema minah: chayara — in, la chayara — la.
9. וְדִלְמָא עֵצָה טוֹבָה קָא מַשְׁמַע לַן, דְּלָא לִיקְרוֹ לַהּ הַדְרָנִיתָא. אִם כֵּן, לִיתְנֵי: ״גּוֹבָה כְּתוּבָּתָהּ מִן הַשְּׁאָר״, מַאי ״סֶמֶךְ לָהּ״? שְׁמַע מִינַּהּ: שַׁיַּירָא — אִין, לָא שַׁיַּירָא — לָא. vedilma étsa tova ka machma lan, dela likro lah hadranita. im kén, litné: "gova ketoubatah min hachear", ma "semekh lah"? chema minah: chayara — in, la chayara — la.
10. אִיבַּעְיָא לְהוּ: זַבֵּין וְלָא אִיצְטְרִיכוּ לֵיהּ זוּזֵי, הָדְרִי זְבִינֵי, אוֹ לָא הָדְרִי זְבִינֵי? ibaya leou: zabén vela itsterikhou léh zouzé, hadri zeviné, o la hadri zeviné?
11. תָּא שְׁמַע: דְּהָהוּא גַּבְרָא דְּזַבֵּין אַרְעָא לְרַב פָּפָּא, דְּאִצְטְרִיכוּ לֵיהּ זוּזֵי לְמִיזְבַּן תּוֹרֵי. לְסוֹף לָא אִיצְטְרִיכוּ לֵיהּ, וְאַהְדְּרַיהּ נִיהֲלֵיהּ רַב פָּפָּא לְאַרְעֵיהּ. רַב פָּפָּא לִפְנִים מִשּׁוּרַת הַדִּין הוּא דַּעֲבַד. ta chema: dehaou gavra dezabén ara lerav papa, deitsterikhou léh zouzé lemizban toré. lesof la itsterikhou léh, veahderah nihaléh rav papa learéh. rav papa lifnim michourat hadin hou daavad.
12. תָּא שְׁמַע: דְּהָהוּא בִּצּוּרְתָּא דַּהֲוָת בִּנְהַרְדְּעָא, זַבְּנִינְהוּ כּוּלֵּי עָלְמָא לְאַפַּדְנַיְיהוּ, לְסוֹף אֲתוֹ חִיטֵּי. אֲמַר לְהוּ רַב נַחְמָן: דִּינָא הוּא דְּהָדְרִי אַפַּדְנֵי לְמָרַיְיהוּ. ta chema: dehaou bitsourta dahavat binhardea, zabeninou koulé alma leapadnayou, lesof ato 'hité. amar leou rav na'hman: dina hou dehadri apadné lemarayou.
13. הָתָם נָמֵי: זְבִינֵי בְּטָעוּת הֲווֹ, דְּאִיגַּלַּאי מִילְּתָא דְּאַרְבָּא בְּעִקּוּלֵי הֲוָה קָיְימָא. hatam namé: zeviné betaout hao, deigala mileta dearba beikoulé hava kayma.
14. אִי הָכִי, הַיְינוּ דַּאֲמַר לֵיהּ רָמֵי בַּר שְׁמוּאֵל לְרַב נַחְמָן: אִם כֵּן נִמְצֵאתָ מַכְשִׁילָן לֶעָתִיד לָבֹא! אֲמַר לֵיהּ: אַטּוּ כׇּל יוֹמָא בִּצּוּרְתָּא שְׁכִיחָא? אֲמַר לֵיהּ: אִין, בִּצּוּרְתָּא בִּנְהַרְדְּעָא מִשְׁכָּח שְׁכִיחָא. i hakhi, haynou daamar léh ramé bar chemouél lerav na'hman: im kén nimtséta makhchilan leatid lavo! amar léh: atou kol yoma bitsourta chekhi'ha? amar léh: in, bitsourta binhardea michka'h chekhi'ha.
15. וְהִלְכְתָא: זַבֵּין וְלָא אִיצְטְרִיכוּ לֵיהּ זוּזֵי — הָדְרִי זְבִינֵי. vehilkheta: zabén vela itsterikhou léh zouzé — hadri zeviné.
16. מַתְנִי׳ אַלְמָנָה, בֵּין מִן הָאֵירוּסִין בֵּין מִן הַנִּשּׂוּאִין — מוֹכֶרֶת שֶׁלֹּא בְּבֵית דִּין. matni' almana, bén min haérousin bén min hanisouin — mokheret chelo bevét din.
17. רַבִּי שִׁמְעוֹן אוֹמֵר: מִן הַנִּשּׂוּאִין מוֹכֶרֶת שֶׁלֹּא בְּבֵית דִּין, מִן הָאֵירוּסִין לֹא תִּמְכּוֹר אֶלָּא בְּבֵית דִּין, מִפְּנֵי שֶׁאֵין לָהּ מְזוֹנוֹת. וְכֹל שֶׁאֵין לָהּ מְזוֹנוֹת — לֹא תִּמְכּוֹר אֶלָּא בְּבֵית דִּין. rabi chimon omér: min hanisouin mokheret chelo bevét din, min haérousin lo timkor ela bevét din, mipené cheén lah mezonot. vekhol cheén lah mezonot — lo timkor ela bevét din.
18. גְּמָ׳ בִּשְׁלָמָא מִן הַנִּשּׂוּאִין — מִשּׁוּם מְזוֹנֵי, gema' bichlama min hanisouin — michoum mezoné,

Daf 97b

1. אֶלָּא מִן הָאֵירוּסִין מַאי טַעְמָא? אָמַר עוּלָּא: מִשּׁוּם חִינָּא. רַבִּי יוֹחָנָן אָמַר: לְפִי שֶׁאֵין אָדָם רוֹצֶה שֶׁתִּתְבַּזֶּה אִשְׁתּוֹ בְּבֵית דִּין. ela min haérousin ma tama? amar oula: michoum 'hina. rabi yo'hanan amar: lefi cheén adam rotse chetitbaze ichto bevét din.
2. מַאי בֵּינַיְיהוּ? אִיכָּא בֵּינַיְיהוּ גְּרוּשָׁה. לְמַאן דְּאָמַר מִשּׁוּם חִינָּא — גְּרוּשָׁה נָמֵי בָּעֲיָא חֵן, לְמַאן דְּאָמַר לְפִי שֶׁאֵין אָדָם רוֹצֶה שֶׁתִּתְבַּזֶּה אִשְׁתּוֹ בְּבֵית דִּין — גְּרוּשָׁה לָא אִיכְפַּת לֵיהּ. ma bénayou? ika bénayou geroucha. leman deamar michoum 'hina — geroucha namé baaya 'hén, leman deamar lefi cheén adam rotse chetitbaze ichto bevét din — geroucha la ikhpat léh.
3. תְּנַן: וּגְרוּשָׁה לֹא תִּמְכּוֹר אֶלָּא בְּבֵית דִּין. בִּשְׁלָמָא לְמַאן דְּאָמַר לְפִי שֶׁאֵין אָדָם רוֹצֶה שֶׁתִּתְבַּזֶּה אִשְׁתּוֹ בְּבֵית דִּין — גְּרוּשָׁה לָא אִיכְפַּת לֵיהּ. אֶלָּא לְמַאן דְּאָמַר מִשּׁוּם חִינָּא, גְּרוּשָׁה נָמֵי בָּעֲיָא חֵן! tenan: ougroucha lo timkor ela bevét din. bichlama leman deamar lefi cheén adam rotse chetitbaze ichto bevét din — geroucha la ikhpat léh. ela leman deamar michoum 'hina, geroucha namé baaya 'hén!
4. הָא מַנִּי — רַבִּי שִׁמְעוֹן הִיא. ha mani — rabi chimon hi.
5. אִי רַבִּי שִׁמְעוֹן, הָא תְּנָא לֵיהּ רֵישָׁא: מִן הָאֵירוּסִין לֹא תִּמְכּוֹר כּוּ׳? i rabi chimon, ha tena léh récha: min haérousin lo timkor kou'?
6. מַהוּ דְּתֵימָא: אַלְמָנָה מִן הָאֵירוּסִין הוּא דְּלָא נְפִישׁ חֵן דִּידַהּ, אֲבָל גְּרוּשָׁה דִּנְפִישׁ חֵן דִּידַהּ, אֵימָא תִּיבְּעֵי חֵן. maou detéma: almana min haérousin hou dela nefich 'hén didah, aval geroucha dinfich 'hén didah, éma tibeé 'hén.
7. הָא נָמֵי תְּנֵינָא: ״כֹּל שֶׁאֵין לָהּ מְזוֹנוֹת״. לְאֵתוֹיֵי מַאי? לָאו לְאֵתוֹיֵי גְּרוּשָׁה? ha namé tenéna: "kol cheén lah mezonot". leétoyé ma? la leétoyé geroucha?
8. לָא, לְאֵתוֹיֵי ״מְגוֹרֶשֶׁת וְאֵינָהּ מְגוֹרֶשֶׁת״ — כִּדְרַבִּי זֵירָא. דְּאָמַר רַבִּי זֵירָא: כׇּל מָקוֹם שֶׁאָמְרוּ מְגוֹרֶשֶׁת וְאֵינָהּ מְגוֹרֶשֶׁת — בַּעַל חַיָּיב בִּמְזוֹנוֹתֶיהָ. la, leétoyé "megorechet veénah megorechet" — kidrabi zéra. deamar rabi zéra: kol makom cheamrou megorechet veénah megorechet — baal 'hayav bimzonoteha.
9. תָּא שְׁמַע: כְּשֵׁם שֶׁמּוֹכֶרֶת שֶׁלֹּא בְּבֵית דִּין, כָּךְ יוֹרְשֶׁיהָ יוֹרְשֵׁי כְתוּבָּתָהּ מוֹכְרִים שֶׁלֹּא בְּבֵית דִּין. בִּשְׁלָמָא לְמַאן דְּאָמַר לְפִי שֶׁאֵין אָדָם רוֹצֶה שֶׁתִּתְבַּזֶּה אִשְׁתּוֹ בְּבֵית דִּין, כִּי הֵיכִי דְּאִיהִי לָא נִיחָא לֵיהּ דְּתִתְבַּזֵּי — יוֹרְשֶׁיהָ נָמֵי לָא נִיחָא לֵיהּ דְּלִיבַּזּוּ, אֶלָּא לְמַאן דְּאָמַר מִשּׁוּם חִינָּא, יוֹרְשֶׁיהָ מַאי חֵן אִיכָּא? תַּרְגְּמַהּ עוּלָּא: כְּגוֹן שֶׁיְּרָשַׁתָּה בִּתָּהּ אוֹ אֲחוֹתָהּ. ta chema: kechém chemokheret chelo bevét din, kakh yorcheha yorché khetoubatah mokhrim chelo bevét din. bichlama leman deamar lefi cheén adam rotse chetitbaze ichto bevét din, ki hékhi deihi la ni'ha léh detitbazé — yorcheha namé la ni'ha léh delibazou, ela leman deamar michoum 'hina, yorcheha ma 'hén ika? targemah oula: kegon cheyerachata bitah o a'hotah.
10. מַתְנִי׳ מָכְרָה כְּתוּבָּתָהּ אוֹ מִקְצָתָהּ, מִשְׁכְּנָה כְּתוּבָּתָהּ אוֹ מִקְצָתָהּ, נָתְנָה כְּתוּבָּתָהּ לְאַחֵר אוֹ מִקְצָתָהּ — לֹא תִּמְכּוֹר אֶת הַשְּׁאָר אֶלָּא בְּבֵית דִּין. וַחֲכָמִים אוֹמְרִים: מוֹכֶרֶת הִיא אֲפִילּוּ אַרְבָּעָה וַחֲמִשָּׁה פְּעָמִים. וּמוֹכֶרֶת לִמְזוֹנוֹת שֶׁלֹּא בְּבֵית דִּין, וְכוֹתֶבֶת ״לִמְזוֹנוֹת מָכַרְתִּי״. וּגְרוּשָׁה לֹא תִּמְכּוֹר אֶלָּא בְּבֵית דִּין. matni' makhra ketoubatah o miktsatah, michkena ketoubatah o miktsatah, natna ketoubatah lea'hér o miktsatah — lo timkor et hachear ela bevét din. va'hakhamim omrim: mokheret hi afilou arbaa va'hamicha peamim. oumokheret limzonot chelo bevét din, vekhotevet "limzonot makharti". ougroucha lo timkor ela bevét din.
11. גְּמָ׳ מַתְנִיתִין מַנִּי? רַבִּי שִׁמְעוֹן הִיא. דְּתַנְיָא: מָכְרָה כְּתוּבָּתָהּ, מִשְׁכְּנָה כְּתוּבָּתָהּ, עָשְׂתָה כְּתוּבָּתָהּ אַפּוֹתֵיקֵי לְאַחֵר — אֵין לָהּ מְזוֹנוֹת, דִּבְרֵי רַבִּי מֵאִיר. רַבִּי שִׁמְעוֹן אוֹמֵר: אַף עַל פִּי שֶׁלֹּא מָכְרָה וְלֹא מִשְׁכְּנָה כְּתוּבָּתָהּ אֶלָּא מַחֲצִיתָהּ — אִבְּדָה מְזוֹנוֹתֶיהָ. gema' matnitin mani? rabi chimon hi. detanya: makhra ketoubatah, michkena ketoubatah, asta ketoubatah apotéké lea'hér — én lah mezonot, divré rabi méir. rabi chimon omér: af al pi chelo makhra velo michkena ketoubatah ela ma'hatsitah — ibeda mezonoteha.
12. לְמֵימְרָא דְּרַבִּי שִׁמְעוֹן סָבַר דְּלָא אָמְרִינַן מִקְצָת כֶּסֶף כְּכׇל כֶּסֶף, וְרַבָּנַן סָבְרִי אָמְרִינַן מִקְצָת כֶּסֶף כְּכׇל כֶּסֶף? lemémra derabi chimon savar dela amrinan miktsat kesef kekhol kesef, verabanan savri amrinan miktsat kesef kekhol kesef?
13. הָא אִיפְּכָא שָׁמְעִינַן לְהוּ! דְּתַנְיָא: ״וְהוּא אִשָּׁה בִּבְתוּלֶיהָ״ — פְּרָט לְבוֹגֶרֶת שֶׁכָּלוּ בְּתוּלֶיהָ, דִּבְרֵי רַבִּי מֵאִיר. רַבִּי אֶלְעָזָר וְרַבִּי שִׁמְעוֹן מַכְשִׁירִין בְּבוֹגֶרֶת. ha ipekha chaminan leou! detanya: "veou icha bivtouleha" — perat levogeret chekalou betouleha, divré rabi méir. rabi elazar verabi chimon makhchirin bevogeret.
14. הָתָם בִּקְרָאֵי פְּלִיגִי. רַבִּי מֵאִיר סָבַר: ״בְּתוּלָה״ — אֲפִילּוּ מִקְצָת בְּתוּלִים. ״בְּתוּלֶיהָ״ — עַד דְּאִיכָּא כּוּלְּהוּ בְּתוּלִים. ״בִּבְתוּלֶיהָ״, בִּכְדַרְכָּהּ — אִין, שֶׁלֹּא כְּדַרְכָּהּ — לָא. hatam bikraé peligi. rabi méir savar: "betoula" — afilou miktsat betoulim. "betouleha" — ad deika kouleou betoulim. "bivtouleha", bikhdarkah — in, chelo kedarkah — la.
15. רַבִּי אֶלְעָזָר וְרַבִּי שִׁמְעוֹן סָבְרִי: ״בְּתוּלָה״ — שְׁלֵמָה מַשְׁמַע, ״בְּתוּלֶיהָ״ — אֲפִילּוּ מִקְצָת בְּתוּלִים. rabi elazar verabi chimon savri: "betoula" — cheléma machma, "betouleha" — afilou miktsat betoulim.

Aller plus loin

• Tous les chapitres de Ketubot
• Bibliothèque (Tehilim, Michna, Talmud, Tanakh)