Talmud Bava Metzia, Chapitre 6 (ו) · Daf 65a à 73b

Daf 65a

1. דְּנִיחָא לֵיהּ דְּלָא נִסְתְּרֵי עַבְדֵּיהּ. deni'ha léh dela nisteré avdéh.
2. אֲמַר לֵיהּ: הָנֵי מִילֵּי הֵיכָא דְּלָא מַסֵּיק בֵּיהּ זוּזֵי. מָר כֵּיוָן דְּמַסֵּיק בְּהוּ זוּזֵי מִחֲזֵי כְּרִבִּית. דְּאָמַר רַב יוֹסֵף בַּר מִנְיוֹמֵי אָמַר רַב נַחְמָן: אַף עַל פִּי שֶׁאָמְרוּ הַדָּר בַּחֲצַר חֲבֵירוֹ שֶׁלֹּא מִדַּעְתּוֹ אֵינוֹ צָרִיךְ לְהַעֲלוֹת לוֹ שָׂכָר. הִלְוָהוּ וְדָר בַּחֲצֵירוֹ צָרִיךְ לְהַעֲלוֹת לוֹ שָׂכָר. אֲמַר לֵיהּ: הֲדַרִי בִּי. amar léh: hané milé hékha dela masék béh zouzé. mar kévan demasék beou zouzé mi'hazé keribit. deamar rav yoséf bar minomé amar rav na'hman: af al pi cheamrou hadar ba'hatsar 'havéro chelo midato éno tsarikh lehaalot lo sakhar. hilvaou vedar ba'hatséro tsarikh lehaalot lo sakhar. amar léh: hadari bi.
3. אָמַר אַבָּיֵי: הַאי מַאן דְּמַסֵּיק זוּזֵי דְרִיבִּיתָא בְּחַבְרֵיהּ וְקָא אָזְלִי חִטֵּי אַרְבְּעָה גְּרִיוֵי בְּזוּזָא בְּשׁוּקָא, וְיָהֵיב לֵיהּ אִיהוּ חַמְשָׁה, כִּי מַפְּקִינַן מִינֵּיהּ – אַרְבְּעָה מַפְּקִינַן מִינֵּיהּ. אִידַּךְ – אוֹזוֹלֵי הוּא דְּקָא מוֹזֵיל גַּבֵּיהּ. רָבָא אָמַר: חַמְשָׁה מַפְּקִינַן מִינֵּיהּ, דְּמֵעִיקָּרָא בְּתוֹרַת רִיבִּיתָא אֲתַאי לִידֵיהּ. amar abayé: ha man demasék zouzé deribita be'havréh veka azli 'hité arbea gerivé bezouza bechouka, veyahév léh iou 'hamcha, ki mapekinan minéh – arbea mapekinan minéh. idakh – ozolé hou deka mozél gabéh. rava amar: 'hamcha mapekinan minéh, deméikara betorat ribita ata lidéh.
4. וְאָמַר אַבָּיֵי: הַאי מַאן דְּמַסֵּיק אַרְבְּעָה זוּזֵי דְרִיבִּיתָא בְּחַבְרֵיהּ וְיָהֵיב לֵיהּ גְּלִימָא בְּגַוַּיְיהוּ, כִּי מַפְּקִינַן מִינֵּיהּ – אַרְבְּעָה מַפְּקִינַן מִינֵּיהּ, גְּלִימָא לָא מַפְּקִינַן מִינֵּיהּ. רָבָא אָמַר: גְּלִימָא מַפְּקִינַן מִינֵּיהּ. מַאי טַעְמָא, כִּי הֵיכִי דְּלָא לֵימְרוּ: גְּלִימָא דִּמְכַסֵּי וְקָאֵי – גְּלִימָא דְרִיבִּיתָא הוּא. veamar abayé: ha man demasék arbea zouzé deribita be'havréh veyahév léh gelima begavayou, ki mapekinan minéh – arbea mapekinan minéh, gelima la mapekinan minéh. rava amar: gelima mapekinan minéh. ma tama, ki hékhi dela lémrou: gelima dimkhasé vekaé – gelima deribita hou.
5. אָמַר רָבָא: הַאי מַאן דְּמַסֵּיק תְּרֵיסַר זוּזֵי דְּרִיבִּיתָא בְּחַבְרֵיהּ וְאֹגַר לֵיהּ חָצֵר דְּמִתַּגְרָא בְּעַשְׂרָה וְאוֹגְרַיהּ נִהֲלֵיהּ בִּתְרֵיסַר, כִּי מַפְּקִינַן מִינֵּיהּ – תְּרֵיסַר מַפְּקִינַן מִינֵּיהּ. amar rava: ha man demasék terésar zouzé deribita be'havréh veogar léh 'hatsér demitagra beasra veograh nihaléh bitrésar, ki mapekinan minéh – terésar mapekinan minéh.
6. אֲמַר לֵיהּ רַב אַחָא מִדִּפְתִּי לְרָבִינָא: וְלֵימָא לֵיהּ, כִּי (אַגְרָא) [אֲגַרִי] הָכִי – דַּהֲוָה קָא מִשְׁתָּרְשִׁי לִי, הַשְׁתָּא דְּלָא מִשְׁתָּרְשִׁי לִי – כִּדְאָגְרִי כּוּלֵּי עָלְמָא הוּא דְּאָגַרְנָא, מִשּׁוּם דַּאֲמַר לֵיהּ: סְבַרְתְּ וְקַבֵּלְתְּ. amar léh rav a'ha midifti leravina: veléma léh, ki (agra) [agari] hakhi – dahava ka michtarchi li, hachta dela michtarchi li – kidagri koulé alma hou deagarna, michoum daamar léh: sevarte vekabélte.
7. מַתְנִי׳ מַרְבִּין עַל הַשָּׂכָר וְאֵין מַרְבִּין עַל הַמֶּכֶר. כֵּיצַד? הִשְׂכִּיר לוֹ אֶת חֲצֵרוֹ, וְאָמַר לוֹ: ״אִם מֵעַכְשָׁיו אַתָּה נוֹתֵן לִי – הֲרֵי הוּא לְךָ בְּעֶשֶׂר סְלָעִים לַשָּׁנָה, וְאִם שֶׁל חוֹדֶשׁ בַּחוֹדֶשׁ – סֶלַע לַחוֹדֶשׁ״, מוּתָּר. מָכַר לוֹ אֶת שָׂדֵהוּ, וְאָמַר לוֹ: ״אִם מֵעַכְשָׁיו אַתָּה נוֹתֵן לִי – הֲרֵי הִיא שֶׁלְּךָ בְּאֶלֶף זוּז, אִם לַגּוֹרֶן – בִּשְׁנֵים עָשָׂר מָנֶה״, אָסוּר. matni' marbin al hasakhar veén marbin al hamekher. kétsad? hiskir lo et 'hatséro, veamar lo: "im méakhcha ata notén li – haré hou lekha beeser selaim lachana, veim chel 'hodech ba'hodech – sela la'hodech", moutar. makhar lo et sadéou, veamar lo: "im méakhcha ata notén li – haré hi chelekha beelef zouz, im lagoren – bichném asar mane", asour.
8. גְּמָ׳ מַאי שְׁנָא רֵישָׁא וּמַאי שְׁנָא סֵיפָא? רַבָּה וְרַב יוֹסֵף דְּאָמְרִי תַּרְוַיְיהוּ: שְׂכִירוּת אֵינָהּ מִשְׁתַּלֶּמֶת אֶלָּא בַּסּוֹף, וְהַאי כֵּיוָן דְּלָא מְטָא זִמְנֵיהּ לְמִיגְבֵּא – לָאו אֲגַר נְטַר לֵיהּ, מִשְׁווֹא הוּא דְּהָכִי שָׁוְיָא, וְהַאי דְּקָאָמַר לֵיהּ ״אִם מֵעַכְשָׁיו אַתָּה נוֹתֵן לִי הֲרֵי הוּא לְךָ בְּעֶשֶׂר סְלָעִים לְשָׁנָה״ – אוֹזוֹלֵי הוּא דְּקָא מוֹזֵיל גַּבֵּיהּ. gema' ma chena récha ouma chena séfa? raba verav yoséf deamri tarvayou: sekhirout énah michtalemet ela basof, veha kévan dela meta zimnéh lemigbé – la agar netar léh, micho hou dehakhi chavya, veha dekaamar léh "im méakhcha ata notén li haré hou lekha beeser selaim lechana" – ozolé hou deka mozél gabéh.
9. סֵיפָא: כֵּיוָן דִּזְבִינֵי נִינְהוּ וּבָעֵי לְמִשְׁקַל דְּמֵי מֵעַכְשָׁיו, הִלְכָּךְ אֲגַר נְטַר לֵיהּ הוּא, וְאָסוּר. אָמַר רָבָא: דָּקוּ בַּהּ רַבָּנַן בְּהָא מִילְּתָא וְאוֹקְמוּהָ אַקְּרָא: ״כִּשְׂכִיר שָׁנָה בְּשָׁנָה״, שְׂכִירוּת שֶׁל שָׁנָה זוֹ אֵינָהּ מִשְׁתַּלֶּמֶת אֶלָּא בְּשָׁנָה אַחֶרֶת. séfa: kévan dizviné ninou ouvaé lemichkal demé méakhcha, hilkakh agar netar léh hou, veasour. amar rava: dakou bah rabanan beha mileta veokmouha akera: "kiskhir chana bechana", sekhirout chel chana zo énah michtalemet ela bechana a'heret.
10. וְאִם לַגּוֹרֶן בִּשְׁנֵים עָשָׂר מָנֶה – אָסוּר. אָמַר רַב נַחְמָן: טַרְשָׁא שְׁרֵי. veim lagoren bichném asar mane – asour. amar rav na'hman: tarcha cheré.
11. אֵיתִיבֵיהּ רָמֵי בַּר חָמָא לְרַב נַחְמָן, וְאָמְרִי לַהּ רַב עוּקְבָא בַּר חָמָא לְרַב נַחְמָן: וְאִם לַגּוֹרֶן בִּשְׁנֵים עָשָׂר מָנֶה – אָסוּר! אֲמַר לֵיהּ: הָתָם – קַץ לֵיהּ, הָכָא – לָא קַץ לֵיהּ. étivéh ramé bar 'hama lerav na'hman, veamri lah rav oukva bar 'hama lerav na'hman: veim lagoren bichném asar mane – asour! amar léh: hatam – kats léh, hakha – la kats léh.
12. אָמַר רַב פָּפָּא: טַרְשָׁא דִּידִי שְׁרֵי, מַאי טַעְמָא – שִׁכְרַאי לָא פָּסֵיד, זוּזֵי לָא צְרִיכְנָא, אֲנָא הוּא דְּקָא עָבֵידְנָא מִילְּתָא גַּבֵּי לוֹקֵחַ. amar rav papa: tarcha didi cheré, ma tama – chikhra la paséd, zouzé la tserikhna, ana hou deka avédna mileta gabé loké'ha.
13. אֲמַר לֵיהּ רַב שֵׁשֶׁת בְּרֵיהּ דְּרַב אִידִי לְרַב פָּפָּא: מַאי חָזֵי מָר דְּקָא אָזְלַתְּ בָּתַר דִּידָךְ? זִיל בָּתַר דִּידְהוּ, דְּאִילּוּ הֲווֹ לְהוּ זוּזֵי – הֲווֹ שָׁקְלִי כִּי הַשְׁתָּא, הַשְׁתָּא דְּלֵית לְהוּ זוּזֵי – שָׁקְלִי כְּיוּקְרָא דִּלְקַמֵּיהּ! amar léh rav chéchet beréh derav idi lerav papa: ma 'hazé mar deka azlate batar didakh? zil batar didou, deilou hao leou zouzé – hao chakli ki hachta, hachta delét leou zouzé – chakli keoukra dilkaméh!
14. אָמַר רַב חָמָא: טַרְשָׁא דִּידִי וַדַּאי שְׁרֵי. amar rav 'hama: tarcha didi vada cheré.
15. מַאי טַעְמָא – נִיחָא לְהוּ דְּלֵיקוּ בִּרְשׁוּתִי, דְּכֹל הֵיכָא דְּקָא אָזְלִי – שָׁבְקִי לְהוּ מִכְסָא (וּנְקוּט) [וְנָקְטִי] לְהוּ שׁוּקָא. ma tama – ni'ha leou delékou birchouti, dekhol hékha deka azli – chavki leou mikhsa (ounkout) [venakti] leou chouka.

Daf 65b

1. וְהִלְכְתָא כְּרַב חָמָא, וְהִלְכְתָא כְּרַבִּי אֶלְעָזָר, וְהִלְכְתָא כְּרַבִּי יַנַּאי, דְּאָמַר: מָה לִי הֵן וּמָה לִי דְּמֵיהֶן. vehilkheta kerav 'hama, vehilkheta kerabi elazar, vehilkheta kerabi yana, deamar: ma li hén ouma li deméhen.
2. מַתְנִי׳ מָכַר לוֹ אֶת הַשָּׂדֶה, וְנָתַן לוֹ מִקְצָת דָּמִים, וְאָמַר לוֹ: אֵימָתַי שֶׁתִּרְצֶה הָבֵא מָעוֹת וְטוֹל אֶת שֶׁלְּךָ – אָסוּר. הִלְוָהוּ עַל שָׂדֵהוּ, וְאָמַר לוֹ: אִם אִי אַתָּה נוֹתֵן לִי מִכָּאן וְעַד שָׁלֹשׁ שָׁנִים – הֲרֵי הִיא שֶׁלִּי, הֲרֵי הִיא שֶׁלּוֹ. וְכָךְ הָיָה בַּיְתוֹס בֶּן זוֹנִין עוֹשֶׂה עַל פִּי חֲכָמִים. matni' makhar lo et hasade, venatan lo miktsat damim, veamar lo: émata chetirtse havé maot vetol et chelekha – asour. hilvaou al sadéou, veamar lo: im i ata notén li mikan vead chaloch chanim – haré hi cheli, haré hi chelo. vekhakh haya baytos ben zonin ose al pi 'hakhamim.
3. גְּמָ׳ מִי אוֹכֵל פֵּירוֹת? רַב הוּנָא אָמַר: מוֹכֵר אוֹכֵל פֵּירוֹת. רַב עָנָן אָמַר: מְשַׁלְּשִׁין אֶת הַפֵּירוֹת. וְלָא פְּלִיגִי. הָא דְּאָמַר: לְכִי מַיְיתֵית קְנִי. הָא דְּאָמַר: לְכִי מַיְיתֵית קְנִי מֵעַכְשָׁיו. gema' mi okhél pérot? rav houna amar: mokhér okhél pérot. rav anan amar: mechalechin et hapérot. vela peligi. ha deamar: lekhi maytét keni. ha deamar: lekhi maytét keni méakhcha.
4. תָּנֵי רַב סָפְרָא בְּרִבִּית דְּבֵי רַבִּי חִיָּיא: פְּעָמִים שֶׁשְּׁנֵיהֶם מוּתָּרִין, פְּעָמִים שֶׁשְּׁנֵיהֶם אֲסוּרִין, וּפְעָמִים שֶׁהַמּוֹכֵר מוּתָּר וְלוֹקֵחַ אָסוּר, וּפְעָמִים שֶׁהַלּוֹקֵחַ מוּתָּר וּמוֹכֵר אָסוּר. tané rav safra beribit devé rabi 'hiya: peamim chechenéhem moutarin, peamim chechenéhem asourin, oufamim chehamokhér moutar veloké'ha asour, oufamim chehaloké'ha moutar oumokhér asour.
5. עָנֵי רָבָא בָּתְרֵיהּ: פְּעָמִים שֶׁשְּׁנֵיהֶם מוּתָּרִין, דְּאָמַר לֵיהּ: קְנִי כְּשִׁיעוּר זוּזָךְ. פְּעָמִים שֶׁשְּׁנֵיהֶם אֲסוּרִין, דְּאָמַר לֵיהּ: לְכִי מַיְיתֵית קְנִי מֵעַכְשָׁיו. ané rava batréh: peamim chechenéhem moutarin, deamar léh: keni kechiour zouzakh. peamim chechenéhem asourin, deamar léh: lekhi maytét keni méakhcha.
6. פְּעָמִים מוֹכֵר מוּתָּר וְלוֹקֵחַ אָסוּר, דְּאָמַר לֵיהּ: לְכִי מַיְיתֵית קְנִי. פְּעָמִים שֶׁהַלּוֹקֵחַ מוּתָּר וּמוֹכֵר אָסוּר, דְּאָמַר לֵיהּ: קְנִי מֵעַכְשָׁיו וְזוּזַאי לִהְווֹ הַלְוָאָה גַּבָּךְ. peamim mokhér moutar veloké'ha asour, deamar léh: lekhi maytét keni. peamim chehaloké'ha moutar oumokhér asour, deamar léh: keni méakhcha vezouza liho halvaa gabakh.
7. מַאן תָּנָא שְׁנֵיהֶם אֲסוּרִין? אָמַר רַב הוּנָא בְּרֵיהּ דְּרַב יְהוֹשֻׁעַ, דְּלָא כְּרַבִּי יְהוּדָה. דְּאִי רַבִּי יְהוּדָה, הָאָמַר: צַד אֶחָד בְּרִבִּית – מוּתָּר. man tana chenéhem asourin? amar rav houna beréh derav yeochoua, dela kerabi yeouda. dei rabi yeouda, haamar: tsad e'had beribit – moutar.
8. מִשְׁכֵּן לוֹ בַּיִת, מִשְׁכֵּן לוֹ שָׂדֶה, וְאָמַר לוֹ: ״לִכְשֶׁתִּרְצֶה לְמוֹכְרָם – לֹא תִּמְכְּרֵם אֶלָּא לִי בַּדָּמִים הַלָּלוּ״ – אָסוּר. ״בְּשׇׁוְיֵיהֶן״ – מוּתָּר. michkén lo bayit, michkén lo sade, veamar lo: "likhchetirtse lemokhram – lo timkerém ela li badamim halalou" – asour. "bechovyéhen" – moutar.
9. מַאן תַּנָּא ״בַּדָּמִים הַלָּלוּ״ אָסוּר? אָמַר רַב הוּנָא בְּרֵיהּ דְּרַב יְהוֹשֻׁעַ: דְּלָא כְּרַבִּי יְהוּדָה, דְּאִי רַבִּי יְהוּדָה, הָאָמַר: צַד אֶחָד בְּרִבִּית – מוּתָּר. man tana "badamim halalou" asour? amar rav houna beréh derav yeochoua: dela kerabi yeouda, dei rabi yeouda, haamar: tsad e'had beribit – moutar.
10. מָכַר לוֹ בַּיִת, מָכַר לוֹ שָׂדֶה, וְאָמַר לוֹ: ״לִכְשֶׁיִּהְיוּ לִי מָעוֹת הַחְזִירֵם לִי״ – אָסוּר. ״לִכְשֶׁיִּהְיוּ לְךָ מָעוֹת אַחֲזִירֵם לָךְ״ – מוּתָּר. מַאן תַּנָּא? אָמַר רַב הוּנָא בְּרֵיהּ דְּרַב יְהוֹשֻׁעַ: דְּלָא כְּרַבִּי יְהוּדָה. דְּאִי רַבִּי יְהוּדָה, הָאָמַר צַד אֶחָד בְּרִבִּית – מוּתָּר. makhar lo bayit, makhar lo sade, veamar lo: "likhcheyihou li maot ha'hzirém li" – asour. "likhcheyihou lekha maot a'hazirém lakh" – moutar. man tana? amar rav houna beréh derav yeochoua: dela kerabi yeouda. dei rabi yeouda, haamar tsad e'had beribit – moutar.
11. מַאי שְׁנָא רֵישָׁא וּמַאי שְׁנָא סֵיפָא? אָמַר רָבָא: רֵישָׁא – דְּלָא אֲמַר לֵיהּ מִדַּעְתֵּיהּ. סֵיפָא – דְּאָמַר לֵיהּ מִדַּעְתֵּיהּ. ma chena récha ouma chena séfa? amar rava: récha – dela amar léh midatéh. séfa – deamar léh midatéh.
12. הָהוּא גַּבְרָא דְּזַבֵּין לֵיהּ אַרְעָא לְחַבְרֵיהּ שֶׁלֹּא בְּאַחְרָיוּת, חַזְיֵיהּ דַּהֲוָה (קָא) עֲצִיב. אֲמַר לֵיהּ: אַמַּאי עֲצִיבַתְּ? אִי טָרְפוּ לַהּ מִינָּךְ, מַגְבֵּינָא לָךְ שׁוּפְרָא, שְׁבָחָא, וּפֵירֵי. haou gavra dezabén léh ara le'havréh chelo bea'hraout, 'hazyéh dahava (ka) atsiv. amar léh: ama atsivate? i tarfou lah minakh, magbéna lakh choufra, cheva'ha, ouféré.
13. אָמַר אַמֵּימָר: amar amémar:

Daf 66a

1. פַּטּוֹמֵי מִילֵּי בְּעָלְמָא הוּא. אֲמַר לֵיהּ רַב אָשֵׁי לְאַמֵּימָר: טַעְמָא מַאי – כֵּיוָן דְּלוֹקֵחַ בָּעֵי לְאַתְנוֹיֵי, וְהָכָא מוֹכֵר קָא מַתְנֵי, אָמְרַתְּ פַּטּוֹמֵי מִילֵּי בְּעָלְמָא הוּא. patomé milé bealma hou. amar léh rav aché leamémar: tama ma – kévan deloké'ha baé leatnoyé, vehakha mokhér ka matné, amrate patomé milé bealma hou.
2. אֶלָּא מַתְנִיתָא דְּקָתָנֵי: ״לִכְשֶׁיִּהְיוּ לְךָ מָעוֹת אַחְזִיר לָךְ – מוּתָּר״, דְּמוֹכֵר הוּא דְּבָעֵי לְאַתְנוֹיֵי, מוֹכֵר לָא אַתְנִי וְלוֹקֵחַ קָא מַתְנֵי. ela matnita dekatané: "likhcheyihou lekha maot a'hzir lakh – moutar", demokhér hou devaé leatnoyé, mokhér la atni veloké'ha ka matné.
3. וְאָמְרִינַן: מַאי שְׁנָא רֵישָׁא וּמַאי שְׁנָא סֵיפָא? וְאָמַר רָבָא: סֵיפָא, דַּאֲמַר לֵיהּ מִדַּעְתֵּיהּ. טַעְמָא דַּאֲמַר לֵיהּ מִדַּעְתֵּיהּ, הָא לָא אֲמַר לֵיהּ מִדַּעְתֵּיהּ – לָא אָמְרִינַן פַּטּוֹמֵי מִילֵּי בְּעָלְמָא הוּא. veamrinan: ma chena récha ouma chena séfa? veamar rava: séfa, daamar léh midatéh. tama daamar léh midatéh, ha la amar léh midatéh – la amrinan patomé milé bealma hou.
4. אֲמַר לֵיהּ: נַעֲשֶׂה כְּמַאן דַּאֲמַר לֵיהּ מִדַּעְתֵּיהּ אִתְּמַר. amar léh: naase keman daamar léh midatéh itemar.
5. הָהוּא שְׁכִיב מְרַע, דִּכְתַב לַהּ גִּיטָּא לִדְבֵיתְהוּ, אִנְּגִיד וְאִתְּנַח. אֲמַרָה לֵיהּ: אַמַּאי קָא מִתְּנַחַתְּ? אִי קָיְימַתְּ – דִּידָךְ אֲנָא. אָמַר רַב זְבִיד: פַּטּוֹמֵי מִילֵּי בְּעָלְמָא הוּא. haou chekhiv mera, dikhtav lah gita lidvétou, inegid veitena'h. amara léh: ama ka mitena'hate? i kaymate – didakh ana. amar rav zevid: patomé milé bealma hou.
6. אֲמַר לֵיהּ רַב אַחָא מִדִּפְתִּי לְרָבִינָא: וְאִי לָאו פַּטּוֹמֵי מִילֵּי מַאי? בְּדִידַהּ קָיְימָא לְמִישְׁדֵּי תְּנָאָה בְּגִיטָּא? בְּדִידֵיהּ קָיְימָא לְמִשְׁדֵּי תְּנָאָה! מַהוּ דְּתֵימָא: הוּא גּוּפֵיהּ אַדַּעְתָּא דִידַהּ קָא גָמֵיר וְיָהֵיב גִּיטָּא – קָא מַשְׁמַע לַן. amar léh rav a'ha midifti leravina: vei la patomé milé ma? bedidah kayma lemichdé tenaa begita? bedidéh kayma lemichdé tenaa! maou detéma: hou gouféh adata didah ka gamér veyahév gita – ka machma lan.
7. הִלְוָהוּ עַל שָׂדֵהוּ, אָמַר רַב הוּנָא: בִּשְׁעַת מַתַּן מָעוֹת – קָנָה הַכֹּל. לְאַחַר מַתַּן מָעוֹת – לֹא קָנָה אֶלָּא כְּנֶגֶד מְעוֹתָיו. וְרַב נַחְמָן אָמַר: אֲפִילּוּ לְאַחַר מַתַּן מָעוֹת – קָנָה הַכֹּל. hilvaou al sadéou, amar rav houna: bichat matan maot – kana hakol. lea'har matan maot – lo kana ela keneged meota. verav na'hman amar: afilou lea'har matan maot – kana hakol.
8. עֲבַד רַב נַחְמָן עוֹבָדָא גַּבֵּי רֵישׁ גָּלוּתָא כִּשְׁמַעְתֵּיהּ, קַרְעֵיהּ רַב יְהוּדָה לִשְׁטָרֵיהּ. אֲמַר לֵיהּ רֵישׁ גָּלוּתָא: רַב יְהוּדָה קְרַע לִשְׁטָרָךְ. אֲמַר לֵיהּ: דַּרְדְּקָא קַרְעֵיהּ? גַּבְרָא רַבָּה קַרְעֵיהּ, חֲזָא בֵּיהּ טַעְמָא וְקַרְעֵיהּ! avad rav na'hman ovada gabé réch galouta kichmatéh, karéh rav yeouda lichtaréh. amar léh réch galouta: rav yeouda kera lichtarakh. amar léh: dardeka karéh? gavra raba karéh, 'haza béh tama vekaréh!
9. אִיכָּא דְאָמְרִי, אֲמַר לֵיהּ: דַּרְדְּקָא קַרְעֵיהּ, דְּכוּלֵּי עָלְמָא לְגַבֵּי דִּידִי בְּדִינָא דַּרְדְּקֵי נִינְהוּ. ika deamri, amar léh: dardeka karéh, dekhoulé alma legabé didi bedina dardeké ninou.
10. הֲדַר אָמַר רַב נַחְמָן: אֲפִילּוּ בִּשְׁעַת מַתַּן מָעוֹת – לֹא קָנָה וְלֹא כְּלוּם. אֵיתִיבֵיהּ רָבָא לְרַב נַחְמָן: אִם אִי אַתָּה נוֹתֵן לִי מִכָּאן וְעַד שָׁלֹשׁ שָׁנִים, הֲרֵי הִיא שֶׁלִּי – הֲרֵי הִיא שֶׁלּוֹ! hadar amar rav na'hman: afilou bichat matan maot – lo kana velo keloum. étivéh rava lerav na'hman: im i ata notén li mikan vead chaloch chanim, haré hi cheli – haré hi chelo!
11. אֲמַר לֵיהּ: אֲנִי אוֹמֵר אַסְמַכְתָּא קָנְיָא. וּמִנְיוֹמֵי אָמַר: אַסְמַכְתָּא לָא קָנְיָא. amar léh: ani omér asmakhta kanya. ouminomé amar: asmakhta la kanya.
12. וּלְמִנְיוֹמֵי קַשְׁיָא מַתְנִיתִין! אִיבָּעֵית אֵימָא מַתְנִיתִין רַבִּי יוֹסֵי הִיא, דְּאָמַר אַסְמַכְתָּא קָנְיָא. oulminomé kachya matnitin! ibaét éma matnitin rabi yosé hi, deamar asmakhta kanya.

Daf 66b

1. אִיבָּעֵית אֵימָא: דַּאֲמַר לֵיהּ קְנִי מֵעַכְשָׁיו. ibaét éma: daamar léh keni méakhcha.
2. אֲמַרוּ לֵיהּ מָר יָנוֹקָא וּמָר קַשִּׁישָׁא בְּנֵי דְּרַב חִסְדָּא לְרַב אָשֵׁי, הָכִי אָמְרִי נְהַרְדְּעָאֵי מִשְּׁמֵיהּ דְּרַב נַחְמָן: הַאי אַסְמַכְתָּא, בְּזִמְנֵיהּ קָנְיָא, בְּלָא זִמְנֵיהּ לָא קָנְיָא. amarou léh mar yanoka oumar kachicha bené derav 'hisda lerav aché, hakhi amri nehardeaé micheméh derav na'hman: ha asmakhta, bezimnéh kanya, bela zimnéh la kanya.
3. אֲמַר לְהוּ: כֹּל מִידֵּי, בְּזִמְנֵיהּ קָנֵי, בְּלָא זִמְנֵיהּ לָא קָנֵי. amar leou: kol midé, bezimnéh kané, bela zimnéh la kané.
4. דִּלְמָא הָכִי קָאָמְרִיתוּ: אַשְׁכְּחֵיהּ בְּגוֹ זִמְנֵיהּ וַאֲמַר לֵיהּ קְנִי – קָנֵי, בָּתַר זִמְנֵיהּ וַאֲמַר לֵיהּ קְנִי – לָא קָנֵי. מַאי טַעְמָא – מֵחֲמַת כִּיסּוּפָא הוּא דְּקָאָמַר לֵיהּ. dilma hakhi kaamritou: achke'héh bego zimnéh vaamar léh keni – kané, batar zimnéh vaamar léh keni – la kané. ma tama – mé'hamat kisoufa hou dekaamar léh.
5. וְלָא הִיא, דַּאֲפִילּוּ בְּגוֹ זִמְנֵיהּ נָמֵי לָא קָנֵי, וְהַאי דְּקָאָמַר לֵיהּ ״קְנִי״ – קָא סָבַר: כִּי מָטֵי זִמְנֵיהּ, לָא לַיְתֵי לִיטְרְדַן. vela hi, daafilou bego zimnéh namé la kané, veha dekaamar léh "keni" – ka savar: ki maté zimnéh, la layté litredan.
6. אָמַר רַב פָּפָּא: הַאי אַסְמַכְתָּא, זִימְנִין קָנְיָא וְזִימְנִין לָא קָנְיָא. אַשְׁכְּחֵיהּ דְּקָא שָׁתֵי שִׁכְרָא – קָנֵי. דְּקָא מְהַפֵּךְ אַזּוּזֵי – לָא קָנֵי. amar rav papa: ha asmakhta, zimnin kanya vezimnin la kanya. achke'héh deka chaté chikhra – kané. deka mehapékh azouzé – la kané.
7. אֲמַר לֵיהּ רַב אַחָא מִדִּפְתִּי לְרָבִינָא: דִּלְמָא לְפַכּוֹחֵי פַּחְדֵּיהּ קָא שָׁתֵי, אִי נָמֵי: אִינִישׁ אַחֲרִינָא אַסְמְכֵיהּ אַזּוּזֵי! אֶלָּא אָמַר רָבִינָא: אִי קָפֵיד בִּדְמֵי – וַדַּאי קָנֵי. amar léh rav a'ha midifti leravina: dilma lefako'hé pa'hdéh ka chaté, i namé: inich a'harina asmekhéh azouzé! ela amar ravina: i kaféd bidmé – vada kané.
8. אֲמַר לֵיהּ רַב אַחָא מִדִּפְתִּי לְרָבִינָא: דִּלְמָא סָבַר כִּי הֵיכִי דְּלָא תִּיתְּזִיל אַרְעֵיהּ, אֶלָּא אָמַר רַב פָּפָּא: אִי קָפֵיד בְּאַרְעָא, וַדַּאי קָנֵי. amar léh rav a'ha midifti leravina: dilma savar ki hékhi dela titezil aréh, ela amar rav papa: i kaféd beara, vada kané.
9. וְאָמַר רַב פָּפָּא: אַף עַל גַּב דַּאֲמוּר רַבָּנַן אַסְמַכְתָּא לָא קָנְיָא, אַפּוֹתֵיקֵי הָוְיָא לְמִיגְבֵּא מִינַּהּ. veamar rav papa: af al gav daamour rabanan asmakhta la kanya, apotéké havya lemigbé minah.
10. אֲמַר לֵיהּ רַב הוּנָא בְּרֵיהּ דְּרַב נָתָן לְרַב פָּפָּא: מִי קָאָמַר לֵיהּ קְנִי לְגוּבְיָינָא? אֲמַר לֵיהּ מָר זוּטְרָא בְּרֵיהּ דְּרַב מָרִי לְרָבִינָא: וְאִי אָמַר קְנִי לְמִיגְבֵּא מִינֵּיהּ – קָנֵי? סוֹף סוֹף אַסְמַכְתָּא הִיא, וְאַסְמַכְתָּא לָא קָנְיָא. amar léh rav houna beréh derav natan lerav papa: mi kaamar léh keni legouvyana? amar léh mar zoutra beréh derav mari leravina: vei amar keni lemigbé minéh – kané? sof sof asmakhta hi, veasmakhta la kanya.
11. אֶלָּא אַפּוֹתֵיקֵי דְּאָמַר רַב פָּפָּא, מַאי הִיא: דַּאֲמַר לֵיהּ לֹא יְהֵא לְךָ פֵּרָעוֹן אֶלָּא מִזּוֹ. ela apotéké deamar rav papa, ma hi: daamar léh lo yehé lekha péraon ela mizo.
12. הָהוּא גַּבְרָא דְּזַבֵּין לֵיהּ אַרְעָא לְחַבְרֵיהּ בְּאַחְרָיוּת. אֲמַר לֵיהּ: אִי טָרְפוּ לַיהּ מִנַּאי מַגְבֵּית לִי מֵעִידֵּי עִידִּית דְּאִית לָךְ. אֲמַר לֵיהּ: מֵעִידֵּי עִידִּית לָא מַגְבֵּינָא לָךְ, דְּבָעֵינָא לְמֵיקַם קַמַּאי, אֶלָּא מַגְבֵּינָא לָךְ מֵעִידִּית אַחֲרִיתִ[י] דְּאִית לִי. לְסוֹף טַרְפוּהָ מִינֵּיהּ, אֲתָא בִּדְקָא שְׁקֵיל לְעִידֵּי עִידִּית. haou gavra dezabén léh ara le'havréh bea'hraout. amar léh: i tarfou lah mina magbét li méidé idit deit lakh. amar léh: méidé idit la magbéna lakh, devaéna lemékam kama, ela magbéna lakh méidit a'hariti[y] deit li. lesof tarfouha minéh, ata bidka chekél leidé idit.
13. סְבַר רַב פָּפָּא לְמֵימַר: מֵעִידִּית אֲמַר לֵיהּ, וְהָא קָיְימָא. sevar rav papa lemémar: méidit amar léh, veha kayma.
14. אֲמַר לֵיהּ רַב אַחָא מִדִּפְתִּי לְרָבִינָא: וְלֵימָא לֵיהּ, כִּי אֲמַרִי לָךְ אֲנָא מַגְבֵּינָא לָךְ – דַּהֲוָה עִידֵּי עִידִּית קָיְימָא, הַשְׁתָּא קָיְימָא לֵיהּ עִידִּית בִּמְקוֹם עִידֵּי עִידִּית. amar léh rav a'ha midifti leravina: veléma léh, ki amari lakh ana magbéna lakh – dahava idé idit kayma, hachta kayma léh idit bimkom idé idit.
15. רַב בַּר שְׁבָא הֲוָה מַסֵּיק בֵּיהּ רַב כָּהֲנָא זוּזֵי. אֲמַר לֵיהּ: אִי לָא פָּרַעְנָא לָךְ לְיוֹם פְּלוֹנִי – גְּבִי מֵהַאי חַמְרָא. סְבַר רַב פָּפָּא לְמֵימַר: כִּי אָמְרִינַן אַסְמַכְתָּא לָא קָנְיָא – הָנֵי מִילֵּי בְּאַרְעָא, דְּלָאו לְזַבּוֹנֵי קָיְימָא. אֲבָל חַמְרָא כֵּיוָן דִּלְזַבּוֹנֵי קָאֵי – כְּזוּזֵי דָּמֵי. rav bar cheva hava masék béh rav kahana zouzé. amar léh: i la parana lakh leom peloni – gevi méha 'hamra. sevar rav papa lemémar: ki amrinan asmakhta la kanya – hané milé beara, dela lezaboné kayma. aval 'hamra kévan dilzaboné kaé – kezouzé damé.
16. אֲמַר לֵיהּ רַב הוּנָא בְּרֵיהּ דְּרַב יְהוֹשֻׁעַ לְרַב פָּפָּא, הָכִי אָמְרִינַן מִשְּׁמֵיהּ דְּרַבָּה: כֹּל דְּאִי – לָא קָנֵי. amar léh rav houna beréh derav yeochoua lerav papa, hakhi amrinan micheméh deraba: kol dei – la kané.
17. אָמַר רַב נַחְמָן: הַשְׁתָּא דַּאֲמוּר רַבָּנַן אַסְמַכְתָּא לָא קָנְיָא, הָדְרָא אַרְעָא וְהָדְרִי פֵּירֵי. לְמֵימְרָא דְּסָבַר רַב נַחְמָן מְחִילָה בְּטָעוּת לָא הָוְיָא מְחִילָה? amar rav na'hman: hachta daamour rabanan asmakhta la kanya, hadra ara vehadri péré. lemémra desavar rav na'hman me'hila betaout la havya me'hila?
18. וְהָאִיתְּמַר: הַמּוֹכֵר פֵּירוֹת דֶּקֶל לַחֲבֵירוֹ. אָמַר רַב הוּנָא: עַד שֶׁלֹּא בָּאוּ לָעוֹלָם – יָכוֹל לַחְזוֹר בּוֹ. מִשֶּׁבָּאוּ לָעוֹלָם – אֵין יָכוֹל לַחְזוֹר בּוֹ. וְרַב נַחְמָן אָמַר: אַף מִשֶּׁבָּאוּ לָעוֹלָם יָכוֹל לַחְזוֹר בּוֹ, vehaitemar: hamokhér pérot dekel la'havéro. amar rav houna: ad chelo baou laolam – yakhol la'hzor bo. michebaou laolam – én yakhol la'hzor bo. verav na'hman amar: af michebaou laolam yakhol la'hzor bo,
19. וְאָמַר רַב נַחְמָן: מוֹדֵינָא דְּאִי שָׁמֵיט וְאָכֵיל – לָא מַפְּקִינַן מִינֵּיהּ! הָתָם זְבִינֵי, הָכָא הַלְוָאָה. veamar rav na'hman: modéna dei chamét veakhél – la mapekinan minéh! hatam zeviné, hakha halvaa.
20. אָמַר רָבָא: amar rava:

Daf 67a

1. הֲוָה יָתֵיבְנָא קַמֵּיהּ דְּרַב נַחְמָן, וּבְעַי לְאוֹתֹבֵיהּ אוֹנָאָה, וְאוֹדֵיק, חֲזִיתַן אַיְילוֹנִית. וַהֲרֵי אוֹנָאָה דִּמְחִילָה בְּטָעוּת הִיא, וְלָא הָוְיָא מְחִילָה! וְאוֹדֵיק, חֲזִיתַן אַיְילוֹנִית: הֲרֵי אַיְילוֹנִית דִּמְחִילָה בְּטָעוּת הִיא, וְהָוְיָא מְחִילָה. hava yatévna kaméh derav na'hman, ouva leotovéh onaa, veodék, 'hazitan aylonit. vaharé onaa dim'hila betaout hi, vela havya me'hila! veodék, 'hazitan aylonit: haré aylonit dim'hila betaout hi, vehavya me'hila.
2. דִּתְנַן: הַמְמָאֶנֶת וְהַשְּׁנִיָּיה וְהָאַיְילוֹנִית, אֵין לָהֶן לֹא כְּתוּבָּה וְלֹא פֵּירוֹת וְלֹא מְזוֹנוֹת וְלֹא בְּלָאוֹת. ditnan: hammaenet vehacheniya vehaaylonit, én lahen lo ketouba velo pérot velo mezonot velo belaot.
3. וְלָא הִיא: לָא אוֹנָאָה הָוְיָא תְּיוּבְתֵּיהּ, וְלָא אַיְילוֹנִית מְסַיַּיע לֵיהּ. vela hi: la onaa havya teouvtéh, vela aylonit mesaya léh.
4. לָא אוֹנָאָה תְּיוּבְתֵּיהּ: דְּלָא יָדַע דְּאִיתֵיהּ אוֹנָאָה דְּמָחֵיל גַּבֵּיהּ. וְלָא אַיְילוֹנִית מְסַיַּיע לֵיהּ, דְּנִיחָא לַהּ (דְּתִיפּוֹק) [דְּנִיפּוֹק] עֲלַהּ שְׁמָא דְאִישׁוּת. la onaa teouvtéh: dela yada deitéh onaa dema'hél gabéh. vela aylonit mesaya léh, deni'ha lah (detipok) [denipok] alah chema deichout.
5. הָהִיא אִיתְּתָא דַּאֲמַרָה לֵיהּ לְהָהוּא גַּבְרָא: זִיל זְבֵין לִי אַרְעָא מִקָּרִיבַיי. אֲזַל זְבַן לַהּ. אֲמַר לֵיהּ: אִי הָווּ לִי זוּזֵי מַהְדְּרַתְּ לַהּ נִיהֲלִי? אֲמַר לֵיהּ: אַתְּ וְנַוְולָא אַחֵי. hahi iteta daamara léh lehaou gavra: zil zevén li ara mikariva. azal zevan lah. amar léh: i haou li zouzé mahderate lah nihali? amar léh: ate venavla a'hé.
6. אָמַר רַבָּה בַּר רַב הוּנָא: כֹּל ״אַתְּ וְנַוְולָא אַחֵי״ (אָמַר) סָמְכָא דַּעְתֵּיהּ, וְלָא גָּמַר וּמַקְנֵי. amar raba bar rav houna: kol "ate venavla a'hé" (amar) samkha datéh, vela gamar oumakné.
7. אַרְעָא הָדְרָה, פֵּירֵי מַאי? רִבִּית קְצוּצָה הָווּ וְיוֹצְאִין בְּדַיָּינִין, אוֹ דִילְמָא כִּי אֲבַק רִבִּית הָווּ וְאֵין יוֹצְאִין? ara hadra, péré ma? ribit ketsoutsa haou veotsin bedayanin, o dilma ki avak ribit haou veén yotsin?
8. אָמַר רַבָּה בַּר רַב הוּנָא: מִסְתַּבְּרָא כִּי אֲבַק רִבִּית הָווּ, וְאֵין יוֹצְאִין בְּדַיָּינִין. וְכֵן אָמַר רָבָא: כִּי אֲבַק רִבִּית הָווּ, וְאֵין יוֹצְאִין בְּדַיָּינִין. amar raba bar rav houna: mistabera ki avak ribit haou, veén yotsin bedayanin. vekhén amar rava: ki avak ribit haou, veén yotsin bedayanin.
9. אֲמַר לֵיהּ אַבָּיֵי לְרַבָּה: מַשְׁכַּנְתָּא, מַאי? הָתָם טַעְמָא מַאי – מִשּׁוּם דְּלָא קַץ לֵיהּ, הָכָא נָמֵי לָא קַץ לֵיהּ. אוֹ דִילְמָא הָתָם זְבִינֵי, הָכָא הַלְוָאָה? amar léh abayé leraba: machkanta, ma? hatam tama ma – michoum dela kats léh, hakha namé la kats léh. o dilma hatam zeviné, hakha halvaa?
10. אֲמַר לֵיהּ: הָתָם טַעְמָא מַאי – מִשּׁוּם דְּלָא קַץ לֵיהּ, הָכָא נָמֵי לָא קַץ לֵיהּ. amar léh: hatam tama ma – michoum dela kats léh, hakha namé la kats léh.
11. אָמַר רַב פַּפִּי: עֲבַד רָבִינָא עוֹבָדָא, וְחַשֵּׁיב וְאַפֵּיק פֵּירֵי, דְּלָא כְּרַבָּה בַּר רַב הוּנָא. amar rav papi: avad ravina ovada, ve'hachév veapék péré, dela keraba bar rav houna.
12. אָמַר מָר בְּרֵיהּ דְּרַב יוֹסֵף מִשְּׁמֵיהּ דְּרָבָא: הָא מַשְׁכַּנְתָּא בְּאַתְרָא דִּמְסַלְּקִי, אֲכַל שִׁיעוּר זוּזֵי – מְסַלְּקִינַן לֵיהּ. amar mar beréh derav yoséf micheméh derava: ha machkanta beatra dimsaleki, akhal chiour zouzé – mesalekinan léh.
13. אֲכַל טְפֵי – לָא מַפְּקִינַן מִינֵּיהּ, וְלָא מְחַשְּׁבִינַן מִשְּׁטָרָא לִשְׁטָרָא. akhal tefé – la mapekinan minéh, vela me'hachevinan michetara lichtara.
14. וּבִדְיַתְמֵי אֲכַל שִׁיעוּר זוּזֵי, מְסַלְּקִינַן לֵיהּ. אֲכַל טְפֵי – מַפְּקִינַן מִינֵּיהּ, וּמְחַשְּׁבִינַן מִשְּׁטָרָא לִשְׁטָרָא. ouvidyatmé akhal chiour zouzé, mesalekinan léh. akhal tefé – mapekinan minéh, oum'hachevinan michetara lichtara.
15. אָמַר רַב אָשֵׁי: הַשְׁתָּא דְּאָמְרַתְּ אֲכַל טְפֵי – לָא מַפְּקִינַן מִינֵּיהּ. אֲכַל שִׁיעוּר זוּזֵי נָמֵי – לָא מְסַלְּקִינַן לֵיהּ בְּלָא זוּזֵי, מַאי טַעְמָא: סַלּוֹקֵי בְּלָא זוּזֵי – אַפּוֹקֵי מִינֵּיהּ הוּא. הָוֵי אֲבַק רִבִּית, וַאֲבַק רִבִּית אֵינָהּ יוֹצְאָה בְּדַיָּינִין. amar rav aché: hachta deamrate akhal tefé – la mapekinan minéh. akhal chiour zouzé namé – la mesalekinan léh bela zouzé, ma tama: saloké bela zouzé – apoké minéh hou. havé avak ribit, vaavak ribit énah yotsa bedayanin.
16. עֲבַד רַב אָשֵׁי עוֹבָדָא בִּיתוֹמִים קְטַנִּים avad rav aché ovada bitomim ketanim

Daf 67b

1. כִּגְדוֹלִים, kigdolim,
2. אָמַר רָבָא בְּרֵיהּ דְּרַב יוֹסֵף מִשְּׁמֵיהּ דְּרָבָא: הַאי מַשְׁכַּנְתָּא, בְּאַתְרָא דִּמְסַלְּקִי – לָא נֵיכוֹל אֶלָּא בְּנַכְיְיתָא. וְצוּרְבָּא מִדְּרַבָּנַן – אֲפִילּוּ בְּנַכְיְיתָא לָא נֵיכוֹל. אֶלָּא בְּמַאי נֵיכוֹל? בְּקִיצּוּתָא. amar rava beréh derav yoséf micheméh derava: ha machkanta, beatra dimsaleki – la nékhol ela benakhyeta. vetsourba miderabanan – afilou benakhyeta la nékhol. ela bema nékhol? bekitsouta.
3. הָנִיחָא לְמַאן דְּאָמַר קִיצּוּתָא שַׁרְיָא, אֶלָּא לְמַאן דְּאָמַר קִיצּוּתָא אֲסִירָא, מַאי אִיכָּא לְמֵימַר? דְּאִתְּמַר: קִיצּוּתָא, פְּלִיגָא בַּהּ רַב אַחָא וְרָבִינָא. חַד אָמַר: קִיצּוּתָא שַׁרְיָא, וְחַד אָמַר: קִיצּוּתָא אֲסִירָא. הֵיכִי דָּמֵי קִיצּוּתָא? דְּאָמַר לֵיהּ: עַד חֲמֵשׁ שְׁנִין אָכֵילְנָא לַהּ בְּלָא נַכְיְיתָא, מִכָּאן וְאֵילָךְ שָׁיֵימְנָא לָךְ כּוּלְּהוּ פֵּירֵי. hani'ha leman deamar kitsouta charya, ela leman deamar kitsouta asira, ma ika lemémar? deitemar: kitsouta, peliga bah rav a'ha veravina. 'had amar: kitsouta charya, ve'had amar: kitsouta asira. hékhi damé kitsouta? deamar léh: ad 'haméch chenin akhélna lah bela nakhyeta, mikan veélakh chayémna lakh kouleou péré.
4. אִיכָּא דְאָמְרִי: כֹּל בְּלָא נַכְיְיתָא – אָסוּר, אֲבָל הֵיכִי דָּמֵי קִיצּוּתָא – דְּאָמַר לֵיהּ: עַד חֲמֵשׁ שְׁנִין אָכֵילְנָא בְּנַכְיְיתָא, מִכָּאן וְאֵילָךְ שָׁיֵימְנָא לָךְ כּוּלְּהוּ פֵּירֵי. ika deamri: kol bela nakhyeta – asour, aval hékhi damé kitsouta – deamar léh: ad 'haméch chenin akhélna benakhyeta, mikan veélakh chayémna lakh kouleou péré.
5. מַאן דְּאָסַר בְּקַמַּיְיתָא שָׁרֵי בְּבָתְרַיְיתָא, מַאן דְּאָסַר בְּבָתְרַיְיתָא, הֵיכִי שְׁרֵי לְמֵיכַל? שְׁרֵי כִּי מַשְׁכַּנְתָּא דְסוּרָא, דְּכָתְבִי בַּהּ הָכִי: בְּמִשְׁלָם שְׁנַיָּא אִילֵּין תִּיפּוֹק אַרְעָא דָּא בְּלָא כְּסַף. man deasar bekamayta charé bevatrayta, man deasar bevatrayta, hékhi cheré lemékhal? cheré ki machkanta desoura, dekhatvi bah hakhi: bemichlam chenaya ilén tipok ara da bela kesaf.
6. רַב פָּפָּא וְרַב הוּנָא בְּרֵיהּ דְּרַב יְהוֹשֻׁעַ אָמְרִי תַּרְוַיְיהוּ: הַאי מַשְׁכַּנְתָּא, בְּאַתְרָא דִּמְסַלְּקִי – אֵין בַּעַל חוֹב גּוֹבֶה הֵימֶנָּה, וְאֵין הַבְּכוֹר נוֹטֵל בָּהּ פִּי שְׁנַיִם, וּשְׁבִיעִית מְשַׁמַּטְתָּהּ. rav papa verav houna beréh derav yeochoua amri tarvayou: ha machkanta, beatra dimsaleki – én baal 'hov gove hémena, veén habekhor notél bah pi chenayim, ouchviit mechamattah.
7. וּבְאַתְרָא דְּלָא מְסַלְּקִי – בַּעַל חוֹב גּוֹבֶה הֵימֶנָּה וּבְכוֹר נוֹטֵל בָּהּ פִּי שְׁנַיִם, וְאֵין שְׁבִיעִית מְשַׁמַּטְתָּהּ. ouvatra dela mesaleki – baal 'hov gove hémena ouvkhor notél bah pi chenayim, veén cheviit mechamattah.
8. וְאָמַר מָר זוּטְרָא מִשְּׁמֵיהּ דְּרַב פָּפָּא: הַאי מַשְׁכַּנְתָּא, בְּאַתְרָא דִּמְסַלְּקִי – מְסַלְּקִי לֵיהּ וַאֲפִילּוּ מִתַּמְרֵי דְּאַבּוּדְיָא. וְאִי אַגְבְּהִנְהוּ בְּסִיסָנֵי, קְנָנְהוּ. וּלְמַאן דְּאָמַר כִּלְיוֹ שֶׁל לוֹקֵחַ בִּרְשׁוּת מוֹכֵר קָנָה לוֹקֵחַ – אֲפִילּוּ דְּלָא אַגְבְּהִנְהוּ בְּסִיסָנֵי, קְנָנְהוּ. veamar mar zoutra micheméh derav papa: ha machkanta, beatra dimsaleki – mesaleki léh vaafilou mitamré deaboudya. vei agbehinou besisané, kenanou. oulman deamar kilo chel loké'ha birchout mokhér kana loké'ha – afilou dela agbehinou besisané, kenanou.
9. פְּשִׁיטָא: בְּאַתְרָא דִּמְסַלְּקִי וְאָמַר ״לָא מִסְתַּלַּקְנָא״ – הָא קָאָמַר דְּלָא מִסְתַּלַּקְנָא. אֶלָּא בְּאַתְרָא דְּלָא מְסַלְּקִי, וְאָמַר ״מִסְתַּלַּקְנָא״ – מַאי: צָרִיךְ לְמִיקְנֵא מִינֵּיהּ, אוֹ לָא? pechita: beatra dimsaleki veamar "la mistalakna" – ha kaamar dela mistalakna. ela beatra dela mesaleki, veamar "mistalakna" – ma: tsarikh lemikné minéh, o la?
10. רַב פָּפָּא אָמַר: לָא צְרִיךְ לְמִקְנֵא מִינֵּיהּ. רַב שֵׁשֶׁת בְּרֵיהּ דְּרַב אִידִי אָמַר: צְרִיךְ לְמִקְנֵא מִינֵּיהּ. וְהִלְכְתָא: צְרִיךְ לְמִקְנֵא מִינֵּיהּ. rav papa amar: la tserikh lemikné minéh. rav chéchet beréh derav idi amar: tserikh lemikné minéh. vehilkheta: tserikh lemikné minéh.
11. אָמַר: ״אֵיזִיל וְאַיְיתֵי זוּזֵי״ – לָא אָכֵיל. ״אֵיזִיל וְאֶטְרַח וְאַיְיתֵי זוּזֵי״, רָבִינָא אָמַר: אָכֵיל, וּמָר זוּטְרָא בְּרֵיהּ דְּרַב מָרִי אָמַר: לָא אָכֵיל. וְהִלְכְתָא: לָא אָכֵיל. amar: "ézil veayté zouzé" – la akhél. "ézil veetra'h veayté zouzé", ravina amar: akhél, oumar zoutra beréh derav mari amar: la akhél. vehilkheta: la akhél.
12. רַב כָּהֲנָא וְרַב פָּפָּא וְרַב אָשֵׁי לָא אָכְלִי בְּנַכְיְיתָא. רָבִינָא אָכֵיל בְּנַכְיְיתָא. rav kahana verav papa verav aché la akhli benakhyeta. ravina akhél benakhyeta.
13. אָמַר מָר זוּטְרָא: מַאי טַעְמָא דְּמַאן דְּאָכֵיל בְּנַכְיְיתָא – מִידֵּי דְּהָוֵה אַשְּׂדֵה אֲחוּזָּה. שְׂדֵה אֲחוּזָּה, לָאו אַף עַל גַּב דְּקָא אָכֵיל פֵּירֵי טוּבָא, אָמַר רַחֲמָנָא amar mar zoutra: ma tama deman deakhél benakhyeta – midé dehavé asedé a'houza. sedé a'houza, la af al gav deka akhél péré touva, amar ra'hamana

Daf 68a

1. קָא פָרֵיק לַהּ בְּאַרְבְּעָה זוּזֵי, הָכָא נָמֵי לָא שְׁנָא. ka farék lah bearbea zouzé, hakha namé la chena.
2. וּמַאן דְּאָסַר – אָמַר לָךְ: שְׂדֵה אֲחוּזָּה הֶקְדֵּשׁ הִיא, וְרַחֲמָנָא אוֹקְמֵיהּ אַפִּדְיוֹן. הָכָא – הַלְוָאָה הִיא וּמִיחֲזֵי כְּרִבִּית. ouman deasar – amar lakh: sedé a'houza hekdéch hi, vera'hamana okméh apidon. hakha – halvaa hi oumi'hazé keribit.
3. אָמַר רַב אָשֵׁי: אֲמַרוּ לִי סָבֵי דְּמָתָא מַחְסֵיָא: סְתַם מַשְׁכַּנְתָּא – שַׁתָּא. לְמַאי נָפְקָא מִינַּהּ? דְּאִי אָכֵיל לַהּ שַׁתָּא – מָצֵי מְסַלֵּק לֵיהּ, וְאִי לָא – לָא מָצֵי מְסַלֵּק לֵיהּ. amar rav aché: amarou li savé demata ma'hséya: setam machkanta – chata. lema nafka minah? dei akhél lah chata – matsé mesalék léh, vei la – la matsé mesalék léh.
4. וְאָמַר רַב אָשֵׁי: אֲמַרוּ לִי סָבֵי דְּמָתָא מַחְסֵיָא, מַאי ״מַשְׁכַּנְתָּא״ – דִּשְׁכוּנָה גַּבֵּיהּ. לְמַאי נָפְקָא מִינַּהּ? לְדִינָא דְּבַר מִצְרָא. veamar rav aché: amarou li savé demata ma'hséya, ma "machkanta" – dichkhouna gabéh. lema nafka minah? ledina devar mitsra.
5. אָמַר רָבָא: לֵית הִלְכְתָא לָא כְּטַרְשֵׁי פַּפּוּנָאֵי, וְלָא כִּשְׁטָרֵי מָחוֹזְנָאֵי, וְלָא כַּחֲכִירֵי נַרְשָׁאֵי. amar rava: lét hilkheta la ketarché papounaé, vela kichtaré ma'hoznaé, vela ka'hakhiré narchaé.
6. כְּטַרְשֵׁי פַּפּוּנָאֵי – כְּטַרְשֵׁי דְּרַב פָּפָּא. ketarché papounaé – ketarché derav papa.
7. שְׁטָרֵי מָחוֹזְנָאֵי – דְּזָקְפִי לֵיהּ לְרַוְוחָא אַקַּרְנָא, וְכָתְבִי לֵיהּ בִּשְׁטָרָא. מִי יֵימַר דְּהָוֵה רַוְוחָא? chetaré ma'hoznaé – dezakfi léh lerav'ha akarna, vekhatvi léh bichtara. mi yémar dehavé rav'ha?
8. אֲמַר לֵיהּ מָר בַּר אַמֵּימָר לְרַב אָשֵׁי: אַבָּא עָבֵיד הָכִי, וְכִי אָתוּ לְקַמֵּיהּ מְהֵימַן לְהוּ. אֲמַר לֵיהּ: תִּינַח הֵיכָא דְּאִיתֵיהּ לְדִידֵיהּ, אִי שָׁכֵיב וְנָפֵל שְׁטָרָא קַמֵּי יַתְמֵי, מַאי? הָוֵי ״כִּשְׁגָגָה שֶׁיֹּצָא מִלִּפְנֵי הַשַּׁלִּיט״ וְנָח נַפְשֵׁיהּ דְּאַמֵּימָר. amar léh mar bar amémar lerav aché: aba avéd hakhi, vekhi atou lekaméh mehéman leou. amar léh: tina'h hékha deitéh ledidéh, i chakhév venafél chetara kamé yatmé, ma? havé "kichgaga cheyotsa milifné hachalit" vena'h nafchéh deamémar.
9. חֲכִירֵי נַרְשָׁאֵי, דְּכָתְבִי הָכִי: מִשְׁכֵּן לֵיהּ פְּלָנְיָא אַרְעֵיהּ לִפְלָנְיָא, וַהֲדַר חַכְרַהּ מִינֵּיהּ. אֵימַת קְנָאָהּ דְּאַקְנְיַיהּ נִהֲלֵיהּ? 'hakhiré narchaé, dekhatvi hakhi: michkén léh pelanya aréh liflanya, vahadar 'hakhrah minéh. émat kenaah deakneyah nihaléh?
10. וְהָאִידָּנָא דְּקָא כָתְבִי הָכִי: ״קְנֵינָא מִינֵּיהּ וּשְׁהֵינָא כַּמָּה עִידָּנֵי, וַהֲדַר חַכְרַהּ״, כְּדֵי שֶׁלֹּא תִּנְעוֹל דֶּלֶת בִּפְנֵי לוֹוִין – שַׁפִּיר דָּמֵי. וְלָאו מִלְּתָא הִיא. vehaidana deka khatvi hakhi: "kenéna minéh ouchhéna kama idané, vahadar 'hakhrah", kedé chelo tinol delet bifné lovin – chapir damé. vela mileta hi.
11. מַתְנִי׳ אֵין מוֹשִׁיבִין חֶנְוָנִי לְמַחֲצִית שָׂכָר, וְלֹא יִתֵּן מָעוֹת לִיקַּח בָּהֶן פֵּירוֹת לְמַחֲצִית שָׂכָר, אֶלָּא אִם כֵּן נוֹתֵן לוֹ שְׂכָרוֹ כְּפוֹעֵל. matni' én mochivin 'henvani lema'hatsit sakhar, velo yitén maot lika'h bahen pérot lema'hatsit sakhar, ela im kén notén lo sekharo kefoél.
12. אֵין מוֹשִׁיבִין תַּרְנְגוֹלִין לְמֶחֱצָה, וְאֵין שָׁמִין עֲגָלִין וּסְיָיחִין לְמֶחֱצָה, אֶלָּא אִם כֵּן נוֹתֵן לוֹ שְׂכַר עֲמָלוֹ וּמְזוֹנוֹ. én mochivin tarnegolin leme'hetsa, veén chamin agalin ousya'hin leme'hetsa, ela im kén notén lo sekhar amalo oumzono.
13. אֲבָל מְקַבְּלִין עֲגָלִין וּסְיָיחִין לְמֶחֱצָה, וּמְגַדְּלִין אוֹתָן עַד שֶׁיְּהוּ מְשׁוּלָּשִׁין. וַחֲמוֹר עַד שֶׁתְּהֵא טוֹעֶנֶת. aval mekabelin agalin ousya'hin leme'hetsa, oumgadelin otan ad cheyeou mechoulachin. va'hamor ad chetehé toenet.
14. גְּמָ׳ תָּנָא: כְּפוֹעֵל בָּטֵל. מַאי כְּפוֹעֵל בָּטֵל? gema' tana: kefoél batél. ma kefoél batél?

Daf 68b

1. אָמַר אַבָּיֵי: כְּפוֹעֵל בָּטֵל שֶׁל אוֹתָהּ מְלָאכָה דִּבְטַל מִינַּהּ. amar abayé: kefoél batél chel otah melakha divtal minah.
2. וּצְרִיכָא, דְּאִי תְּנָא חֶנְוָנִי: חֶנְוָנִי הוּא דְּסַגִּי לֵיהּ כְּפוֹעֵל בָּטֵל, מִשּׁוּם דְּלָא נְפִישׁ טִרְחֵיהּ. אֲבָל מָעוֹת לִיקַּח בָּהֶן פֵּירוֹת, דִּנְפִישׁ טִרְחֵיהּ – אֵימָא לָא סַגִּי לֵיהּ כְּפוֹעֵל בָּטֵל. outsrikha, dei tena 'henvani: 'henvani hou desagi léh kefoél batél, michoum dela nefich tir'héh. aval maot lika'h bahen pérot, dinfich tir'héh – éma la sagi léh kefoél batél.
3. וְאִי תְּנָא מָעוֹת לִיקַּח בָּהֶן פֵּירוֹת – הֲוָה אָמֵינָא: הָתָם הוּא דְּבָעֵי כְּפוֹעֵל בָּטֵל, מִשּׁוּם דִּנְפִישׁ טִרְחֵיהּ. אֲבָל חֶנְוָנִי, דְּלָא נְפִישׁ טִרְחֵיהּ – אֵימָא סַגִּי לֵיהּ בְּמַשֶּׁהוּ בְּעָלְמָא, דַּאֲפִילּוּ לֹא טִבֵּל עִמּוֹ אֶלָּא בְּצִיר, וְלֹא אָכַל עִמּוֹ אֶלָּא גְּרוֹגֶרֶת אַחַת – זֶהוּ שְׂכָרוֹ, צְרִיכָא. vei tena maot lika'h bahen pérot – hava aména: hatam hou devaé kefoél batél, michoum dinfich tir'héh. aval 'henvani, dela nefich tir'héh – éma sagi léh bemacheou bealma, daafilou lo tibél imo ela betsir, velo akhal imo ela gerogeret a'hat – zeou sekharo, tserikha.
4. (כַּמָּה עִיזֵּי וְתַרְנְגוֹלִין מַעֲלִין סִימָן) (kama izé vetarnegolin maalin siman)
5. תָּנוּ רַבָּנַן: כַּמָּה הוּא שְׂכָרוֹ? בֵּין מְרוּבֶּה וּבֵין מוּעָט, דִּבְרֵי רַבִּי מֵאִיר. רַבִּי יְהוּדָה אוֹמֵר: אֲפִילּוּ לֹא טִבֵּל עִמּוֹ אֶלָּא בְּצִיר, וְלֹא אָכַל עִמּוֹ אֶלָּא גְּרוֹגֶרֶת אַחַת – זֶהוּ שְׂכָרוֹ. רַבִּי שִׁמְעוֹן בֶּן יוֹחַאי אוֹמֵר: נוֹתֵן לוֹ שְׂכָרוֹ מְשַׁלֵּם. tanou rabanan: kama hou sekharo? bén meroube ouvén mouat, divré rabi méir. rabi yeouda omér: afilou lo tibél imo ela betsir, velo akhal imo ela gerogeret a'hat – zeou sekharo. rabi chimon ben yo'ha omér: notén lo sekharo mechalém.
6. תָּנוּ רַבָּנַן: אֵין שָׁמִין לֹא אֶת הָעִזִּים וְלֹא אֶת הָרְחֵלִים, וְלֹא כׇּל דָּבָר שֶׁאֵינוֹ עוֹשֶׂה וְאוֹכֵל לְמֶחֱצָה. tanou rabanan: én chamin lo et haizim velo et har'hélim, velo kol davar cheéno ose veokhél leme'hetsa.
7. רַבִּי יוֹסֵי בְּרַבִּי יְהוּדָה אוֹמֵר: שָׁמִין אֶת הָעִזִּים מִפְּנֵי שֶׁחוֹלְבוֹת, וְאֶת הָרְחֵלִים מִפְּנֵי שֶׁגּוֹזְזוֹת וְשׁוֹטְפוֹת וּמוֹרְטוֹת, וְאֶת הַתַּרְנְגוֹלֶת מִפְּנֵי שֶׁהִיא עוֹשָׂה וְאוֹכֶלֶת. rabi yosé berabi yeouda omér: chamin et haizim mipené che'holvot, veet har'hélim mipené chegozzot vechotfot oumortot, veet hatarnegolet mipené chehi osa veokhelet.
8. וְתַנָּא קַמָּא: גִּיזָּה וְחָלָב לָא סָפֵק שְׂכַר עֲמָלוֹ וּמְזוֹנוֹ? בְּגִיזָּה וְחָלָב – כּוּלֵּי עָלְמָא לָא פְּלִיגִי, כִּי פְלִיגִי בְּנַסְיוֹבֵי וְתוּתְרֵי. vetana kama: giza ve'halav la safék sekhar amalo oumzono? begiza ve'halav – koulé alma la peligi, ki feligi benasové vetoutré.
9. תַּנָּא קַמָּא סָבַר לַהּ כְּרַבִּי שִׁמְעוֹן בֶּן יוֹחַי, דְּאָמַר: נוֹתֵן לוֹ שְׂכָרוֹ מִשָּׁלֵם. רַבִּי יוֹסֵי בְּרַבִּי יְהוּדָה סָבַר לַהּ כַּאֲבוּהּ, דְּאָמַר: אֲפִילּוּ לֹא טִבֵּל עִמּוֹ אֶלָּא בְּצִיר, וְלֹא אָכַל עִמּוֹ אֶלָּא גְּרוֹגֶרֶת אַחַת – זֶהוּ שְׂכָרוֹ. tana kama savar lah kerabi chimon ben yo'ha, deamar: notén lo sekharo michalém. rabi yosé berabi yeouda savar lah kaavouh, deamar: afilou lo tibél imo ela betsir, velo akhal imo ela gerogeret a'hat – zeou sekharo.
10. תָּנוּ רַבָּנַן: מַשְׂכֶּרֶת אִשָּׁה לַחֲבֶרְתָּהּ תַּרְנְגוֹלֶת בִּשְׁנֵי אֶפְרוֹחִין. אִשָּׁה שֶׁאָמְרָה לַחֲבֶרְתָּהּ: ״תַּרְנְגוֹלֶת שֶׁלִּי וּבֵיצִים שֶׁלִּיכִי, וַאֲנִי וְאַתְּ נַחְלוֹק בָּאֶפְרוֹחִין״ – רַבִּי יְהוּדָה מַתִּיר, רַבִּי שִׁמְעוֹן אוֹסֵר. tanou rabanan: maskeret icha la'havertah tarnegolet bichné efro'hin. icha cheamra la'havertah: "tarnegolet cheli ouvétsim chelikhi, vaani veate na'hlok baefro'hin" – rabi yeouda matir, rabi chimon osér.
11. וְרַבִּי יְהוּדָה לָא בָּעֵי שְׂכַר עֲמָלוֹ וּמְזוֹנוֹ? אִיכָּא בֵּיצִים מוּזָרוֹת. verabi yeouda la baé sekhar amalo oumzono? ika bétsim mouzarot.
12. תָּנוּ רַבָּנַן: מָקוֹם שֶׁנָּהֲגוּ לְהַעֲלוֹת שְׂכַר כַּתָּף לְמָעוֹת לִבְהֵמָה – מַעֲלִין, וְאֵין מְשַׁנִּין מִמִּנְהַג הַמְּדִינָה. רַבָּן שִׁמְעוֹן בֶּן גַּמְלִיאֵל אוֹמֵר: שָׁמִין עֵגֶל עִם אִמּוֹ, וּסְיָח עִם אִמּוֹ, וַאֲפִילּוּ בִּמְקוֹם שֶׁנָּהֲגוּ לְהַעֲלוֹת שְׂכַר כַּתָּף לְמָעוֹת. tanou rabanan: makom chenahagou lehaalot sekhar kataf lemaot livhéma – maalin, veén mechanin miminhag hamedina. raban chimon ben gamliél omér: chamin égel im imo, ousya'h im imo, vaafilou bimkom chenahagou lehaalot sekhar kataf lemaot.
13. וְרַבָּן שִׁמְעוֹן בֶּן גַּמְלִיאֵל לָא בָּעֵי שְׂכַר עֲמָלוֹ וּמְזוֹנוֹ? אִיכָּא גְּלָלִים. וְאִידַּךְ: גְּלָלִים – אַפְקוֹרֵי מַפְקֵיר לְהוּ. veraban chimon ben gamliél la baé sekhar amalo oumzono? ika gelalim. veidakh: gelalim – afkoré mafkér leou.
14. אָמַר רַב נַחְמָן: הֲלָכָה כְּרַבִּי יְהוּדָה, וַהֲלָכָה כְּרַבִּי יוֹסֵי בְּרַבִּי יְהוּדָה, וַהֲלָכָה כְּרַבָּן שִׁמְעוֹן בֶּן גַּמְלִיאֵל. amar rav na'hman: halakha kerabi yeouda, vahalakha kerabi yosé berabi yeouda, vahalakha keraban chimon ben gamliél.
15. בְּנֵי רַב עִילִישׁ נְפַק עֲלַיְיהוּ הָהוּא שְׁטָרָא דַּהֲוָה כְּתִיב בֵּיהּ ״פַּלְגָא בַּאֲגַר, פַּלְגָא בְּהֶפְסֵד״. אָמַר רָבָא: רַב עִילִישׁ גַּבְרָא רַבָּה הוּא, וְאִיסּוּרָא לְאִינָשֵׁי לָא הָוֵי סָפֵי. מָה נַפְשָׁךְ? אִי פַּלְגָא בַּאֲגַר – תְּרֵי תִּילְתֵי בְּהֶפְסֵד, bené rav ilich nefak alayou haou chetara dahava ketiv béh "palga baagar, palga behefséd". amar rava: rav ilich gavra raba hou, veisoura leinaché la havé safé. ma nafchakh? i palga baagar – teré tilté behefséd,

Daf 69a

1. אִי פַּלְגָא בְּהֶפְסֵד – תְּרֵי תִּילְתֵי בַּאֲגַר. i palga behefséd – teré tilté baagar.
2. אָמַר רַב כָּהֲנָא: אַמְרִיתָא לִשְׁמַעְתָּא קַמֵּיהּ דְּרַב זְבִיד מִנְּהַרְדְּעָא, וַאֲמַר לִי: דִּלְמָא רַב עִילִישׁ טוֹבֵל עִמּוֹ בְּצִיר הֲוָה. וְאָמַר רַב נַחְמָן: הֲלָכָה כְּרַבִּי יְהוּדָה! אֲמַר לֵיהּ: לָאו הִלְכְתָא אִיתְּמַר, אֶלָּא שִׁיטָה אִיתְּמַר. amar rav kahana: amrita lichmata kaméh derav zevid minehardea, vaamar li: dilma rav ilich tovél imo betsir hava. veamar rav na'hman: halakha kerabi yeouda! amar léh: la hilkheta itemar, ela chita itemar.
3. הָכִי נָמֵי מִסְתַּבְּרָא, דְּאִי לָא תֵּימָא הָכִי – לְמָה לֵיהּ לְמִיחְשַׁב וּלְמֵימַר הֲלָכָה הֲלָכָה? לֵימָא הֲלָכָה כְּרַבִּי יְהוּדָה, דְּמֵיקֵל מִכּוּלְּהוּ. hakhi namé mistabera, dei la téma hakhi – lema léh lemi'hchav oulmémar halakha halakha? léma halakha kerabi yeouda, demékél mikouleou.
4. אָמַר רַב: מוֹתַר שְׁלִישׁ בִּשְׂכָרְךָ – הֲרֵי זֶה מוּתָּר. וּשְׁמוּאֵל אָמַר: לֹא מָצָא מוֹתַר שְׁלִישׁ, יֵלֵךְ לְבֵיתוֹ רֵיקָן! אֶלָּא אָמַר שְׁמוּאֵל: קוֹצֵץ לוֹ דִּינָר. amar rav: motar chelich biskharkha – haré ze moutar. ouchmouél amar: lo matsa motar chelich, yélékh levéto rékan! ela amar chemouél: kotséts lo dinar.
5. וְסָבַר רַב אֵין קוֹצְצִין לוֹ דִּינָר? וְהָאָמַר רַב: רֵישׁ עִגְלָא לְפָטוֹמָא, מַאי לָאו דְּאָמַר לֵיהּ: מוֹתַר שְׁלִישׁ בִּשְׂכָרְךָ? vesavar rav én kotstsin lo dinar? vehaamar rav: réch igla lefatoma, ma la deamar léh: motar chelich biskharkha?
6. לֹא, דְּקָאָמַר לֵיהּ: אִי מוֹתַר שְׁלִישׁ, אִי רֵישׁ עִגְלָא לְפָטוֹמָא. אִיבָּעֵית אֵימָא: כִּי קָאָמַר רַב מוֹתַר שְׁלִישׁ בִּשְׂכָרְךָ מוּתָּר – כְּגוֹן דְּאִית לֵיהּ בְּהֵמָה לְדִידֵיהּ. דְּאָמְרִי אִינָשֵׁי: גַּבֵּיל לְתוֹרָא, גַּבֵּיל לְתוֹרֵי. lo, dekaamar léh: i motar chelich, i réch igla lefatoma. ibaét éma: ki kaamar rav motar chelich biskharkha moutar – kegon deit léh behéma ledidéh. deamri inaché: gabél letora, gabél letoré.
7. רַבִּי אֶלְעָזָר מֵהַגְרוֹנְיָא זָבֵין בְּהֵמָה, וְיָהֵיב לֵיהּ לַאֲרִיסֵיהּ מְפַטֵּים לֵיהּ, וְיָהֵיב לֵיהּ רֵישָׁא בְּאַגְרֵיהּ, וְיָהֵיב פַּלְגָא רַוְוחָא. אֲמַרָה לֵיהּ דְּבֵיתְהוּ: אִי מִשְׁתַּתְּפַתְּ בַּהֲדֵיהּ יָהֵיב לָךְ נָמֵי אַלְיְתָא. אֲזַל זָבֵין בַּהֲדֵיהּ, פְּלֵיג לֵיהּ מֵאַלְיְתָא. אֲמַר לֵיהּ: תָּא נִפְלְגֵיהּ לְרֵישָׁא. אֲמַר לֵיהּ: הַשְׁתָּא כְּמֵעִיקָּרָא נָמֵי לָא? rabi elazar méhagronya zavén behéma, veyahév léh laariséh mefatém léh, veyahév léh récha beagréh, veyahév palga rav'ha. amara léh devétou: i michtatefate bahadéh yahév lakh namé alyeta. azal zavén bahadéh, pelég léh méalyeta. amar léh: ta niflegéh lerécha. amar léh: hachta keméikara namé la?
8. אֲמַר לֵיהּ: עַד הָאִידָּנָא זוּזֵי דִּידִי הֲווֹ, אִי לָא הֲוָה יָהֵיבְנָא לָךְ טְפֵי פּוּרְתָּא – מִיחֲזֵי כְּרִבִּית, הַשְׁתָּא שׁוּתָּפֵי אֲנַן, מַאי קָאָמְרַתְּ טָרַחְנָא טְפֵי פּוּרְתָּא, אָמְרִי אִינָשֵׁי: סְתַם אֲרִיסָא לְמָרֵי אַרְעָא קָמְשַׁעְבֵּד נַפְשֵׁיהּ לְאֵתוֹיֵי לֵיהּ רִעְיָא. amar léh: ad haidana zouzé didi hao, i la hava yahévna lakh tefé pourta – mi'hazé keribit, hachta choutafé anan, ma kaamrate tara'hna tefé pourta, amri inaché: setam arisa lemaré ara kamchabéd nafchéh leétoyé léh riya.
9. תָּנוּ רַבָּנַן: הַשָּׁם בְּהֵמָה לַחֲבֵירוֹ, עַד מָתַי חַיָּיב לִטַּפֵּל בָּהּ? סוֹמְכוֹס אוֹמֵר: בַּאֲתוֹנוֹת שְׁמוֹנָה עָשָׂר חֹדֶשׁ, בְּגוֹדְרוֹת עֶשְׂרִים וְאַרְבָּעָה חֹדֶשׁ. וְאִם בָּא לַחֲלוֹק בְּתוֹךְ זְמַנּוֹ – חֲבֵרוֹ מְעַכֵּב עָלָיו, אֲבָל אֵינוֹ דּוֹמֶה טִיפּוּלָהּ שֶׁל שָׁנָה זוֹ לְטִיפּוּלָהּ שֶׁל שָׁנָה אַחֶרֶת. tanou rabanan: hacham behéma la'havéro, ad mata 'hayav litapél bah? somkhos omér: baatonot chemona asar 'hodech, begodrot esrim vearbaa 'hodech. veim ba la'halok betokh zemano – 'havéro meakév ala, aval éno dome tipoulah chel chana zo letipoulah chel chana a'heret.
10. ״אֲבָל״ מַאי קָאָמַר? אֶלָּא: לְפִי שֶׁאֵינוֹ דּוֹמֶה טִיפּוּלָהּ שֶׁל שָׁנָה זוֹ לְטִיפּוּלָהּ שֶׁל שָׁנָה אַחֶרֶת. "aval" ma kaamar? ela: lefi cheéno dome tipoulah chel chana zo letipoulah chel chana a'heret.
11. תַּנְיָא אִידַּךְ: הַשָּׁם בְּהֵמָה לַחֲבֵירוֹ, עַד מָתַי חַיָּיב לִטַּפֵּל בַּוְּלָדוֹת? בַּדַּקָּה – שְׁלֹשִׁים יוֹם, וּבַגַּסָּה – חֲמִשִּׁים יוֹם. רַבִּי יוֹסֵי אוֹמֵר: בַּדַּקָּה שְׁלֹשָׁה חֳדָשִׁים, מִפְּנֵי שֶׁטִּיפּוּלָהּ מְרוּבֶּה. מַאי טִיפּוּלָהּ מְרוּבֶּה – מִפְּנֵי שֶׁשִּׁינֶּיהָ דַּקּוֹת. מִכָּאן וְאֵילָךְ נוֹטֵל מֶחֱצָה שֶׁלּוֹ, וַחֲצִי מֶחֱצָה בְּשֶׁל חֲבֵירוֹ. tanya idakh: hacham behéma la'havéro, ad mata 'hayav litapél baouladot? badaka – chelochim yom, ouvagasa – 'hamichim yom. rabi yosé omér: badaka chelocha 'hodachim, mipené chetipoulah meroube. ma tipoulah meroube – mipené chechineha dakot. mikan veélakh notél me'hetsa chelo, va'hatsi me'hetsa bechel 'havéro.
12. רַב מְנַשְּׁיָא בַּר גַּדָּא שְׁקַל מֶחֱצָה שֶׁלּוֹ וַחֲצִי מֶחֱצָה בְּשֶׁל חֲבֵירוֹ. אֲתָא לְקַמֵּיהּ דְּאַבָּיֵי. אֲמַר לֵיהּ: מַאן פְּלַג לָךְ? וְעוֹד: מָקוֹם שֶׁנָּהֲגוּ לְגַדֵּל הוּא, וּתְנַן: מָקוֹם שֶׁנָּהֲגוּ לְגַדֵּל – יְגַדֵּילוּ. rav menacheya bar gada chekal me'hetsa chelo va'hatsi me'hetsa bechel 'havéro. ata lekaméh deabayé. amar léh: man pelag lakh? veod: makom chenahagou legadél hou, outnan: makom chenahagou legadél – yegadélou.
13. הָנְהוּ תְּרֵי כּוּתָאֵי דַּעֲבוּד עִסְקָא בַּהֲדֵי הֲדָדֵי. אֲזַל חַד מִנַּיְיהוּ פְּלַיג זוּזֵי בְּלָא דַּעְתֵּיהּ דְּחַבְרֵיהּ. אֲתוֹ לְקַמֵּיהּ דְּרַב פָּפָּא. אֲמַר לֵיהּ: מַאי נָפְקָא מִינַּהּ? הָכִי אָמַר רַב נַחְמָן: זוּזֵי כְּמַאן דִּפְלִיגִי דָּמוּ. hanou teré koutaé daavoud iska bahadé hadadé. azal 'had minayou pelag zouzé bela datéh de'havréh. ato lekaméh derav papa. amar léh: ma nafka minah? hakhi amar rav na'hman: zouzé keman difligi damou.
14. לְשָׁנָה זְבוּן חַמְרָא בַּהֲדֵי הֲדָדֵי. קָם אִידַּךְ פְּלַיג לֵיהּ בְּלָא דַּעְתֵּיהּ דְּחַבְרֵיהּ, אֲתוֹ לְקַמֵּיהּ דְּרַב פָּפָּא. אֲמַר לֵיהּ: מַאן פְּלַג לָךְ? אֲמַר לֵיהּ: קָא חָזֵינָא דְּבָתַר דִּידִי קָא אָתֵי מָר! אֲמַר רַב פָּפָּא: lechana zevoun 'hamra bahadé hadadé. kam idakh pelag léh bela datéh de'havréh, ato lekaméh derav papa. amar léh: man pelag lakh? amar léh: ka 'hazéna devatar didi ka até mar! amar rav papa:

Daf 69b

1. כְּהַאי גַּוְנָא וַדַּאי צְרִיךְ לְאוֹדוֹעֵיהּ: זוּזֵי, מִי שָׁקֵיל טָבֵי וְשָׁבֵיק חַסִּרֵי? keha gavna vada tserikh leodoéh: zouzé, mi chakél tavé vechavék 'hasiré?
2. אֲמַר לֵיהּ: לָא. אֲמַר לֵיהּ: חַמְרָא, כּוּלֵּי עָלְמָא יָדְעִי דְּאִיכָּא דִּבְסִים וְאִיכָּא דְּלָא בְּסִים. amar léh: la. amar léh: 'hamra, koulé alma yadi deika divsim veika dela besim.
3. גּוּפָא, אָמַר רַב נַחְמָן: זוּזֵי, כְּמַאן דִּפְלִיגִי דָּמוּ. הָנֵי מִילֵּי טָבֵי וְטָבֵי, תְּקוּלֵי וּתְקוּלֵי. אֲבָל טָבֵי וּתְקוּלֵי – לָא. goufa, amar rav na'hman: zouzé, keman difligi damou. hané milé tavé vetavé, tekoulé outkoulé. aval tavé outkoulé – la.
4. רַב חָמָא הֲוָה מוֹגַר זוּזֵי בִּפְשִׁיטָא בְּיוֹמָא. כְּלוֹ זוּזֵי דְּרַב חָמָא. הוּא סָבַר: מַאי שְׁנָא מִמָּרָא? וְלָא הִיא מָרָא הָדְרָא בָּעֵינָא וִידִיעַ פְּחָתֵיהּ, זוּזֵי לָא הָדְרִי בְּעֵינַיְיהוּ וְלָא יְדִיעַ פְּחָתֵיהּ. rav 'hama hava mogar zouzé bifchita beoma. kelo zouzé derav 'hama. hou savar: ma chena mimara? vela hi mara hadra baéna vidia pe'hatéh, zouzé la hadri beénayou vela yedia pe'hatéh.
5. אָמַר רָבָא: שְׁרֵי לֵיהּ לְאִינִישׁ לְמֵימַר לֵיהּ לְחַבְרֵיהּ: הֵילָךְ אַרְבְּעָה זוּזֵי וְאוֹזְפֵיהּ לִפְלָנְיָא זוּזֵי, לֹא אָסְרָה תּוֹרָה אֶלָּא רִבִּית הַבָּאָה מִלֹּוֶה לְמַלְוֶה. וְאָמַר רָבָא: שְׁרֵי לֵיהּ לְאִינִישׁ לְמֵימַר לֵיהּ לְחַבְרֵיהּ ״שְׁקֹל לָךְ אַרְבְּעָה זוּזֵי וֶאֱמוֹר לֵיהּ לִפְלוֹנִי לְאוֹזֹפַן זוּזֵי״. מַאי טַעְמָא – שְׂכַר אֲמִירָה קָא שָׁקֵיל. amar rava: cheré léh leinich lemémar léh le'havréh: hélakh arbea zouzé veozféh liflanya zouzé, lo asra tora ela ribit habaa milove lemalve. veamar rava: cheré léh leinich lemémar léh le'havréh "chekol lakh arbea zouzé veemor léh lifloni leozofan zouzé". ma tama – sekhar amira ka chakél.
6. כִּי הָא דְּאַבָּא מָר בְּרֵיהּ דְּרַב פָּפָּא הֲוָה שָׁקֵיל אוּגְנָא דְקִירָא מִקִּירָאֵי, וַאֲמַר לֵיהּ לַאֲבוּהּ: אוֹזְפִינְהוּ זוּזֵי. אֲמַרוּ לֵיהּ רַבָּנַן לְרַב פָּפָּא: אָכֵיל בְּרֵיהּ דְּמָר רִבִּיתָא! אֲמַר לְהוּ: כֹּל כִּי הַאי רִבִּיתָא נֵיכוֹל, לֹא אָסְרָה תּוֹרָה אֶלָּא רִבִּית הַבָּאָה מִלֹּוֶה לְמַלְוֶה. הָכָא – שְׂכַר אֲמִירָה קָא שָׁקֵיל, וּשְׁרֵי. ki ha deaba mar beréh derav papa hava chakél ougna dekira mikiraé, vaamar léh laavouh: ozfinou zouzé. amarou léh rabanan lerav papa: akhél beréh demar ribita! amar leou: kol ki ha ribita nékhol, lo asra tora ela ribit habaa milove lemalve. hakha – sekhar amira ka chakél, ouchré.
7. מַתְנִי׳ שָׁמִין פָּרָה וַחֲמוֹר וְכׇל דָּבָר שֶׁהוּא עוֹשֶׂה וְאוֹכֵל לְמֶחֱצָה. מָקוֹם שֶׁנָּהֲגוּ לַחְלוֹק אֶת הַוְּלָדוֹת מִיָּד – חוֹלְקִין. מָקוֹם שֶׁנָּהֲגוּ לְגַדֵּל – יְגַדֵּילוּ. matni' chamin para va'hamor vekhol davar cheou ose veokhél leme'hetsa. makom chenahagou la'hlok et haouladot miyad – 'holkin. makom chenahagou legadél – yegadélou.
8. רַבָּן שִׁמְעוֹן בֶּן גַּמְלִיאֵל אוֹמֵר: שָׁמִין עֵגֶל עִם אִמּוֹ, וּסְיָח עִם אִמּוֹ, וּמַפְרִיז עַל שָׂדֵהוּ, וְאֵינוֹ חוֹשֵׁשׁ מִשּׁוּם רִבִּית. raban chimon ben gamliél omér: chamin égel im imo, ousya'h im imo, oumafriz al sadéou, veéno 'hochéch michoum ribit.
9. גְּמָ׳ תָּנוּ רַבָּנַן: מַפְרִיז עַל שָׂדֵהוּ וְאֵינוֹ חוֹשֵׁשׁ מִשּׁוּם רִבִּית, כֵּיצַד? הַשּׂוֹכֵר אֶת הַשָּׂדֶה מֵחֲבֵירוֹ בַּעֲשָׂרָה כּוֹרִים חִטִּין לְשָׁנָה, וְאוֹמֵר לוֹ: תֵּן לִי מָאתַיִם זוּז וַאֲפַרְנְסֶנָּה, וַאֲנִי אַעֲלֶה לְךָ שְׁנֵים עָשָׂר כּוֹרִין לְשָׁנָה – מוּתָּר. gema' tanou rabanan: mafriz al sadéou veéno 'hochéch michoum ribit, kétsad? hasokhér et hasade mé'havéro baasara korim 'hitin lechana, veomér lo: tén li matayim zouz vaafarnesena, vaani aale lekha cheném asar korin lechana – moutar.
10. אֲבָל אֵין מַפְרִיז לֹא עַל חֲנוּת וְלֹא עַל סְפִינָה. aval én mafriz lo al 'hanout velo al sefina.
11. אָמַר רַב נַחְמָן אָמַר רַבָּה בַּר אֲבוּהּ: פְּעָמִים שֶׁמַּפְרִיז עַל חֲנוּת לָצוֹר בָּהּ צוּרָה, סְפִינָה לַעֲשׂוֹת לָהּ אִיסְקַרְיָא. חֲנוּת לָצוֹר בָּהּ צוּרְתָּא: דְּצָבוּ בַּהּ אִינָשֵׁי וְהָוֵי אַגְרָא טְפֵי. סְפִינָה לַעֲשׂוֹת לָהּ אִיסְקַרְיָא: כֵּיוָן דְּשַׁפִּירָא אִיסְקַרְיָא טְפֵי – אַגְרָא טְפֵי. amar rav na'hman amar raba bar avouh: peamim chemafriz al 'hanout latsor bah tsoura, sefina laasot lah iskarya. 'hanout latsor bah tsourta: detsavou bah inaché vehavé agra tefé. sefina laasot lah iskarya: kévan dechapira iskarya tefé – agra tefé.
12. סְפִינְתָּא, אָמַר רַב: אַגְרָא וּפַגְרָא. אֲמַרוּ לֵיהּ רַב כָּהֲנָא וְרַב אַסִּי לְרַב: אִי אַגְרָא – לָא פַּגְרָא, אִי פַּגְרָא – לָא אַגְרָא. שְׁתֵיק רַב. sefinta, amar rav: agra oufagra. amarou léh rav kahana verav asi lerav: i agra – la pagra, i pagra – la agra. cheték rav.
13. אָמַר רַב שֵׁשֶׁת: מַאי טַעְמָא שְׁתֵיק רַב? לָא שְׁמִיעָא לֵיהּ הָא דְּתַנְיָא: אַף עַל פִּי שֶׁאָמְרוּ אֵין מְקַבְּלִין צֹאן בַּרְזֶל מִיִּשְׂרָאֵל, אֲבָל מְקַבְּלִין צֹאן בַּרְזֶל מִן הַגּוֹיִם. אֲבָל אָמְרוּ: הַשָּׁם פָּרָה לַחֲבֵירוֹ, וְאָמַר לוֹ: הֲרֵי פָּרָתְךָ עֲשׂוּיָה עָלַי בִּשְׁלֹשִׁים דִּינָר, וַאֲנִי אַעֲלֶה לְךָ סֶלַע בְּחֹדֶשׁ – מוּתָּר, לְפִי שֶׁלֹּא עֲשָׂאָהּ דָּמִים. amar rav chéchet: ma tama cheték rav? la chemia léh ha detanya: af al pi cheamrou én mekabelin tson barzel miyisraél, aval mekabelin tson barzel min hagoyim. aval amrou: hacham para la'havéro, veamar lo: haré paratkha asouya ala bichlochim dinar, vaani aale lekha sela be'hodech – moutar, lefi chelo asaah damim.
14. וְלֹא עֲשָׂאָהּ?! אָמַר רַב שֵׁשֶׁת: לֹא עֲשָׂאָהּ דָּמִים מֵחַיִּים, אֶלָּא לְאַחַר מִיתָה. velo asaah?! amar rav chéchet: lo asaah damim mé'hayim, ela lea'har mita.
15. אָמַר רַב פָּפָּא, הִלְכְתָא: סְפִינָה אַגְרָא וּפַגְרָא. amar rav papa, hilkheta: sefina agra oufagra.

Daf 70a

1. וְנָהֲגוּ בְּנֵי כוּפְרָא אַגְרָא בִּשְׁעַת מְשִׁיכָה, פַּגְרָא בִּשְׁעַת שְׁבִירָה. אַטּוּ בְּמִנְהָגָא תַּלְיָא מִילְּתָא? מִשּׁוּם דְּמַתְנִיתָא תַּנְיָא – מִנְהָגָא. venahagou bené khoufra agra bichat mechikha, pagra bichat chevira. atou beminhaga talya mileta? michoum dematnita tanya – minhaga.
2. אָמַר רַב עָנָן אָמַר שְׁמוּאֵל: מָעוֹת שֶׁל יְתוֹמִים מוּתָּר לְהַלְווֹתָן בְּרִבִּית. אֲמַר לֵיהּ רַב נַחְמָן: מִשּׁוּם דְּיַתְמֵי נִינְהוּ (סָפֵינָא) [סָפֵינַן] לְהוּ אִיסּוּרָא?! יַתְמֵי דְּאָכְלִי דְּלָאו דִּידְהוּ לֵיזְלוּ בָּתַר שָׁבְקַיְיהוּ! אֲמַר לֵיהּ: אֵימָא לִי אִיזִי גּוּפָא דְעוֹבָדָא הֵיכִי הֲוָה? amar rav anan amar chemouél: maot chel yetomim moutar lehalotan beribit. amar léh rav na'hman: michoum deyatmé ninou (saféna) [safénan] leou isoura?! yatmé deakhli dela didou lézlou batar chavkayou! amar léh: éma li izi goufa deovada hékhi hava?
3. אֲמַר לֵיהּ: הָהוּא דּוּדָא דִּבְנֵי מָר עוּקְבָא דַּהֲוָה בֵּי מָר שְׁמוּאֵל, תָּקֵיל וְיָהֵיב לֵיהּ, תָּקֵיל וְשָׁקֵיל לֵיהּ. שָׁקֵיל אַגְרָא וְשָׁקֵיל פַּחֲתָא. אִי אַגְרָא – לָא פַּחֲתָא, וְאִי פַּחֲתָא – לָא אַגְרָא. amar léh: haou douda divné mar oukva dahava bé mar chemouél, takél veyahév léh, takél vechakél léh. chakél agra vechakél pa'hata. i agra – la pa'hata, vei pa'hata – la agra.
4. אֲמַר לֵיהּ: כִּי הָא – אֲפִילּוּ בְּדִקְנָנֵי נָמֵי שְׁרֵי לְמִיעְבַּד, דְּהָא מְקַבְּלִי עֲלַיְיהוּ חוּסְכָא דִנְחָשָׁא, דְּכַמָּה דְּמִקְּלֵי נְחָשָׁא בְּצִיר דְּמֵיהּ. amar léh: ki ha – afilou bediknané namé cheré lemibad, deha mekabeli alayou 'houskha din'hacha, dekhama demikelé ne'hacha betsir deméh.
5. אָמַר רַבָּה בַּר שֵׁילָא אָמַר רַב חִסְדָּא, וְאָמְרִי לַהּ, אָמַר רַבָּה בַּר יוֹסֵף בַּר חָמָא אָמַר רַב שֵׁשֶׁת: מָעוֹת שֶׁל יְתוֹמִים מוּתָּר לְהַלְווֹתָן קָרוֹב לְשָׂכָר וְרָחוֹק לְהֶפְסֵד. amar raba bar chéla amar rav 'hisda, veamri lah, amar raba bar yoséf bar 'hama amar rav chéchet: maot chel yetomim moutar lehalotan karov lesakhar vera'hok lehefséd.
6. תָּנוּ רַבָּנַן: קָרוֹב לְשָׂכָר וְרָחוֹק לְהֶפְסֵד – רָשָׁע. קָרוֹב לְהֶפְסֵד וְרָחוֹק לְשָׂכָר – חָסִיד. קָרוֹב לָזֶה וְלָזֶה, רָחוֹק מִזֶּה וּמִזֶּה – זוֹ הִיא מִדַּת כׇּל אָדָם. tanou rabanan: karov lesakhar vera'hok lehefséd – racha. karov lehefséd vera'hok lesakhar – 'hasid. karov laze velaze, ra'hok mize oumize – zo hi midat kol adam.
7. אֲמַר לֵיהּ רַבָּה לְרַב יוֹסֵף: הָנֵי זוּזֵי דְיַתְמֵי הֵיכִי עָבְדִינַן לְהוּ? אֲמַר לֵיהּ: מוֹתְבִינַן לְהוּ בֵּי דִינָא וְיָהֲבִינַן לְהוּ זוּזָא זוּזָא. אֲמַר לֵיהּ: וְהָא קָא כָלְיָא קַרְנָא. amar léh raba lerav yoséf: hané zouzé deyatmé hékhi avdinan leou? amar léh: motvinan leou bé dina veyahavinan leou zouza zouza. amar léh: veha ka khalya karna.
8. אֲמַר לֵיהּ מָר: הֵיכִי עָבֵיד? אֲמַר לֵיהּ: בָּדְקִינַן גַּבְרָא דְּאִית לֵיהּ דַּהֲבָא פְּרִיכָא, וְנָקְטִינַן דַּהֲבָא מִינֵּיהּ, וְיָהֲבִינַן לְהוּ נִיהֲלֵיהּ קָרוֹב לְשָׂכָר וְרָחוֹק לְהֶפְסֵד. אֲבָל דָּבָר מְסוּיָּם – לָא, דִּלְמָא פִּקָּדוֹן נִינְהוּ, וְאָתֵי מָרֵיהּ יָהֵיב סִימָנִין וְשָׁקֵיל לֵיהּ. amar léh mar: hékhi avéd? amar léh: badkinan gavra deit léh dahava perikha, venaktinan dahava minéh, veyahavinan leou nihaléh karov lesakhar vera'hok lehefséd. aval davar mesouyam – la, dilma pikadon ninou, veaté maréh yahév simanin vechakél léh.
9. אָמַר רַב אָשֵׁי: תִּינַח אִי מִשְׁתְּכַח גַּבְרָא דְּאִית לֵיהּ דַּהֲבָא פְּרִיכָא, אִי לָא מִשְׁתְּכַח גַּבְרָא דְּאִית לֵיהּ דַּהֲבָא פְּרִיכָא נֵיכְלוּ זוּזֵי דְיַתְמֵי? אֶלָּא אָמַר רַב אָשֵׁי: חָזֵינַן גַּבְרָא דִּמְשַׁפּוּ נִכְסֵיהּ, וּמְהֵימַן, וְשָׁמַע דִּינָא דְאוֹרָיְיתָא וְלָא מְקַבֵּל שַׁמְתָּא דְרַבָּנַן, וְיָהֲבִינַן לְהוּ נִיהֲלֵיהּ בְּבֵי דִינָא. amar rav aché: tina'h i michtekha'h gavra deit léh dahava perikha, i la michtekha'h gavra deit léh dahava perikha nékhlou zouzé deyatmé? ela amar rav aché: 'hazénan gavra dimchapou nikhséh, oumhéman, vechama dina deorayta vela mekabél chamta derabanan, veyahavinan leou nihaléh bevé dina.

Daf 70b

1. מַתְנִי׳ אֵין מְקַבְּלִין צֹאן בַּרְזֶל מִיִּשְׂרָאֵל – מִפְּנֵי שֶׁהוּא רִבִּית. אֲבָל מְקַבְּלִין צֹאן בַּרְזֶל מִן הַגּוֹיִם, matni' én mekabelin tson barzel miyisraél – mipené cheou ribit. aval mekabelin tson barzel min hagoyim,
2. וְלֹוִין מֵהֶן וּמַלְוִין אוֹתָן בְּרִבִּית. וְכֵן בְּגֵר תּוֹשָׁב. מַלְוֶה יִשְׂרָאֵל מְעוֹתָיו שֶׁל נׇכְרִי – מִדַּעַת הַנׇּכְרִי, אֲבָל לֹא מִדַּעַת יִשְׂרָאֵל. velovin méhen oumalvin otan beribit. vekhén begér tochav. malve yisraél meota chel nokhri – midaat hanokhri, aval lo midaat yisraél.
3. גְּמָ׳ לְמֵימְרָא דְּבִרְשׁוּתָא דִּמְקַבֵּל קָיְימָא? וּרְמִינְהוּ: הַמְקַבֵּל צֹאן בַּרְזֶל מִן הַגּוֹיִם – וְלָדוֹת פְּטוּרִין מִן הַבְּכוֹרָה! gema' lemémra devirchouta dimkabél kayma? ourminou: hamkabél tson barzel min hagoyim – veladot petourin min habekhora!
4. אָמַר אַבָּיֵי, לָא קַשְׁיָא: הָא דִּמְקַבֵּל עֲלֵיהּ אוּנְסָא וְזוֹלָא, הָא דְּלָא קַבֵּיל עֲלֵיהּ אוּנְסָא וְזוֹלָא. amar abayé, la kachya: ha dimkabél aléh ounsa vezola, ha dela kabél aléh ounsa vezola.
5. אֲמַר לֵיהּ רָבָא: אִי דְּקַבֵּיל עֲלֵיהּ מָרַהּ אוּנְסָא וְזוֹלָא – צֹאן בַּרְזֶל קָרֵית לֵיהּ? amar léh rava: i dekabél aléh marah ounsa vezola – tson barzel karét léh?
6. וְעוֹד אַדְּתָנֵי סֵיפָא: אֲבָל מְקַבְּלִין צֹאן בַּרְזֶל מִן הַגּוֹיִם לִיפְלוֹג בְּדִידֵיהּ: בַּמֶּה דְּבָרִים אֲמוּרִים – דְּלָא קַבֵּיל עֲלֵיהּ אוּנְסָא וְזוֹלָא, אֲבָל קַבֵּיל מָרַהּ אוּנְסָא וְזוֹלָא – שַׁפִּיר דָּמֵי! veod adetané séfa: aval mekabelin tson barzel min hagoyim liflog bedidéh: bame devarim amourim – dela kabél aléh ounsa vezola, aval kabél marah ounsa vezola – chapir damé!
7. אֶלָּא אָמַר רָבָא: אִידֵּי וְאִידֵּי דְּלָא קַבֵּיל עֲלֵיהּ מָרַהּ אוּנְסָא וְזוֹלָא, וְגַבֵּי בְּכוֹרוֹת הַיְינוּ טַעַם דִּוְלָדוֹת פְּטוּרִין מִן הַבְּכוֹרָה: כֵּיוָן דְּאִי לָא יָהֵיב זוּזֵי, אָתֵי גּוֹי תָּפֵיס לַהּ לִבְהֵמָה. וְאִי לָא מַשְׁכַּח לַהּ לִבְהֵמָה, תָּפֵיס לְהוּ לִוְלָדוֹת, וְהָוֵי לַיהּ יַד גּוֹי בָּאֶמְצַע. ela amar rava: idé veidé dela kabél aléh marah ounsa vezola, vegabé bekhorot haynou taam divladot petourin min habekhora: kévan dei la yahév zouzé, até go tafés lah livhéma. vei la machka'h lah livhéma, tafés leou livladot, vehavé lah yad go baemtsa.
8. וְכׇל יָד גּוֹי בָּאֶמְצַע – פָּטוּר מִן הַבְּכוֹרָה. vekhol yad go baemtsa – patour min habekhora.
9. ״מַרְבֶּה הוֹנוֹ בְּנֶשֶׁךְ וְתַרְבִּית לְחוֹנֵן דַּלִּים יִקְבְּצֶנּוּ״. מַאי לְחוֹנֵן דַּלִּים? אָמַר רַב: כְּגוֹן שַׁבּוּר מַלְכָּא. "marbe hono benechekh vetarbit le'honén dalim yikbetsenou". ma le'honén dalim? amar rav: kegon chabour malka.
10. אָמַר רַב נַחְמָן, אָמַר לִי הוּנָא: לֹא נִצְרְכָה אֶלָּא דַּאֲפִילּוּ רִבִּית דְּגוֹי. אֵיתִיבֵיהּ רָבָא לְרַב נַחְמָן: ״לַנׇּכְרִי תַשִּׁיךְ״, מַאי תַשִּׁיךְ – לָאו תִּשּׁוֹךְ? לָא, תַּשִּׁיךְ. amar rav na'hman, amar li houna: lo nitsrekha ela daafilou ribit dego. étivéh rava lerav na'hman: "lanokhri tachikh", ma tachikh – la tichokh? la, tachikh.
11. לָא סַגִּי דְּלָאו הָכִי? לְאַפּוֹקֵי אָחִיךָ דְּלָא. la sagi dela hakhi? leapoké a'hikha dela.
12. אָחִיךָ בְּהֶדְיָא כְּתִב בֵּיהּ: ״וּלְאָחִיךְ לֹא תַשִּׁיךְ״! לַעֲבוֹר עָלָיו בַּעֲשֵׂה וְלֹא תַעֲשֶׂה. a'hikha behedya ketiv béh: "oula'hikh lo tachikh"! laavor ala baasé velo taase.
13. אֵיתִיבֵיהּ: לֹוִין מֵהֶן וּמַלְוִין אוֹתָם בְּרִבִּית, וְכֵן בְּגֵר תּוֹשָׁב! אָמַר רַב חִיָּיא בְּרֵיהּ דְּרַב הוּנָא: לֹא נִצְרְכָה אֶלָּא étivéh: lovin méhen oumalvin otam beribit, vekhén begér tochav! amar rav 'hiya beréh derav houna: lo nitsrekha ela

Daf 71a

1. בִּכְדֵי חַיָּיו. bikhdé 'haya.
2. רָבִינָא אָמַר: הָכָא בְּתַלְמִידֵי חֲכָמִים עָסְקִינַן. טַעְמָא מַאי גְּזוּר רַבָּנַן – שֶׁמָּא יִלְמוֹד מִמַּעֲשָׂיו, וְכֵיוָן דְּתַלְמִיד חָכָם הוּא – לֹא יִלְמוֹד מִמַּעֲשָׂיו. ravina amar: hakha betalmidé 'hakhamim askinan. tama ma gezour rabanan – chema yilmod mimaasa, vekhévan detalmid 'hakham hou – lo yilmod mimaasa.
3. אִיכָּא דְּמַתְנֵי לַהּ לְהָא דְּרַב הוּנָא אַהָא דְּתָנֵי רַב יוֹסֵף: ״אִם כֶּסֶף תַּלְוֶה אֶת עַמִּי אֶת הֶעָנִי עִמָּךְ״. עַמִּי וְגוֹי – עַמִּי קוֹדֵם, עָנִי וְעָשִׁיר – עָנִי קוֹדֵם. ״עֲנִיֶּיךָ וַעֲנִיֵּי עִירֶךָ״ – עֲנִיֶּיךָ קוֹדְמִין, עֲנִיֵּי עִירֶךָ וַעֲנִיֵּי עִיר אַחֶרֶת – עֲנִיֵּי עִירֶךָ קוֹדְמִין. ika dematné lah leha derav houna aha detané rav yoséf: "im kesef talve et ami et heani imakh". ami vego – ami kodém, ani veachir – ani kodém. "aniyekha vaaniyé irekha" – aniyekha kodmin, aniyé irekha vaaniyé ir a'heret – aniyé irekha kodmin.
4. אָמַר מָר: עַמִּי וְגוֹי עַמִּי קוֹדֵם, פְּשִׁיטָא! אָמַר רַב נַחְמָן אָמַר לִי הוּנָא: לָא נִצְרְכָא, דַּאֲפִילּוּ לְגוֹי בְּרִבִּית וּלְיִשְׂרָאֵל בְּחִנָּם. amar mar: ami vego ami kodém, pechita! amar rav na'hman amar li houna: la nitsrekha, daafilou lego beribit oulyisraél be'hinam.
5. תַּנְיָא, אָמַר רַבִּי יוֹסֵי: בֹּא וּרְאֵה סַמְיוּת עֵינֵיהֶם שֶׁל מַלְוֵי בְּרִבִּית. אָדָם קוֹרֵא לַחֲבֵירוֹ ״רָשָׁע״ – יוֹרֵד עִמּוֹ לְחַיָּיו. וְהֵם מְבִיאִין עֵדִים וְלַבְלָר וְקוּלְמוֹס וּדְיוֹ, וְכוֹתְבִין וְחוֹתְמִין: פְּלוֹנִי זֶה כָּפַר בֵּאלֹהֵי יִשְׂרָאֵל. tanya, amar rabi yosé: bo ouré samout énéhem chel malvé beribit. adam koré la'havéro "racha" – yoréd imo le'haya. vehém meviin édim velavlar vekoulmos oudo, vekhotvin ve'hotmin: peloni ze kafar bélohé yisraél.
6. תַּנְיָא, רַבִּי שִׁמְעוֹן בֶּן אֶלְעָזָר אוֹמֵר: כָּל מִי שֶׁיֵּשׁ לוֹ מָעוֹת וּמַלְוֶה אוֹתָם שֶׁלֹּא בְּרִבִּית, עָלָיו הַכָּתוּב אוֹמֵר ״כַּסְפּוֹ לֹא נָתַן בְּנֶשֶׁךְ וְשֹׁחַד עַל נָקִי לֹא לָקָח עֹשֵׂה אֵלֶּה לֹא יִמּוֹט לְעוֹלָם״. הָא לָמַדְתָּ שֶׁכׇּל הַמַּלְוֶה בְּרִבִּית נְכָסָיו מִתְמוֹטְטִין. וְהָא קָא חָזֵינַן דְּלָא מוֹזְפִי בְּרִבִּית וְקָא מִתְמוֹטְטִין! אָמַר רַבִּי אֶלְעָזָר: הַלָּלוּ מִתְמוֹטְטִין וְעוֹלִין, וְהַלָּלוּ מִתְמוֹטְטִין וְאֵינָן עוֹלִין. tanya, rabi chimon ben elazar omér: kal mi cheyéch lo maot oumalve otam chelo beribit, ala hakatouv omér "kaspo lo natan benechekh vecho'had al naki lo laka'h osé éle lo yimot leolam". ha lamadta chekol hamalve beribit nekhasa mitmottin. veha ka 'hazénan dela mozfi beribit veka mitmottin! amar rabi elazar: halalou mitmottin veolin, vehalalou mitmottin veénan olin.
7. ״לָמָּה תַבִּיט בּוֹגְדִים תַּחֲרִישׁ כְּבַלַּע רָשָׁע צַדִּיק מִמֶּנּוּ״. אָמַר רַב הוּנָא: צַדִּיק מִמֶּנּוּ – בּוֹלֵעַ, צַדִּיק גָּמוּר – אֵינוֹ בּוֹלֵעַ. "lama tabit bogdim ta'harich kevala racha tsadik mimenou". amar rav houna: tsadik mimenou – boléa, tsadik gamour – éno boléa.
8. תַּנְיָא, רַבִּי אוֹמֵר: גֵּר צֶדֶק הָאָמוּר לְעִנְיַן מְכִירָה, וְגֵר תּוֹשָׁב הָאָמוּר לְעִנְיַן רִבִּית, אֵינִי יוֹדֵעַ מַה הוּא. tanya, rabi omér: gér tsedek haamour leinyan mekhira, vegér tochav haamour leinyan ribit, éni yodéa ma hou.
9. גֵּר צֶדֶק הָאָמוּר לְעִנְיַן מְכִירָה, דִּכְתִיב: ״וְכִי יָמוּךְ אָחִיךָ עִמָּךְ וְנִמְכַּר לָךְ״. וְלֹא לְךָ, אֶלָּא לְגֵר, שֶׁנֶּאֱמַר: ״לְגֵר״. gér tsedek haamour leinyan mekhira, dikhtiv: "vekhi yamoukh a'hikha imakh venimkar lakh". velo lekha, ela legér, cheneemar: "legér".
10. וְלֹא לְגֵר צֶדֶק אֶלָּא לְגֵר תּוֹשָׁב, שֶׁנֶּאֱמַר: ״לְגֵר תּוֹשָׁב״. ״מִשְׁפַּחַת גֵּר״ – זֶה הַגּוֹי. כְּשֶׁהוּא אוֹמֵר ״אוֹ לְעֵקֶר״ – זֶה הַנִּמְכָּר לַעֲבוֹדָה זָרָה עַצְמָהּ. velo legér tsedek ela legér tochav, cheneemar: "legér tochav". "michpa'hat gér" – ze hago. kecheou omér "o leéker" – ze hanimkar laavoda zara atsmah.
11. אָמַר מָר: וְלֹא לְךָ אֶלָּא לְגֵר, שֶׁנֶּאֱמַר: ״לְגֵר״, לְמֵימְרָא דְּגֵר קָנֵי עֶבֶד עִבְרִי? ורְמִינְהִי: אֵין הַגֵּר נִקְנֶה בְּעֶבֶד עִבְרִי, וְאֵין אִשָּׁה וְגֵר קוֹנִין עֶבֶד עִבְרִי. amar mar: velo lekha ela legér, cheneemar: "legér", lemémra degér kané eved ivri? vrminhi: én hagér nikne beeved ivri, veén icha vegér konin eved ivri.
12. גֵּר לֹא נִקְנֶה בְּעֶבֶד עִבְרִי: ״וְשָׁב אֶל מִשְׁפַּחְתּוֹ״ בָּעֵינַן, וְהָא לֵיכָּא. וְאֵין אִשָּׁה וְגֵר קוֹנִין עֶבֶד עִבְרִי: אִשָּׁה – לָאו אוֹרַח אַרְעָא. גֵּר נָמֵי גְּמִירִי: דְּמִקְּנֵי – קָנֵי, דְּלָא מִקְּנֵי – לָא קָנֵי. gér lo nikne beeved ivri: "vechav el michpa'hto" baénan, veha léka. veén icha vegér konin eved ivri: icha – la ora'h ara. gér namé gemiri: demikené – kané, dela mikené – la kané.
13. אָמַר רַב נַחְמָן בַּר יִצְחָק: אֵינוֹ קוֹנֶה וְדִינוֹ כְּיִשְׂרָאֵל, אֲבָל קוֹנֶה וְדִינוֹ כְּגוֹי. amar rav na'hman bar yits'hak: éno kone vedino keyisraél, aval kone vedino kego.
14. דְּתַנְיָא: הַנִּרְצָע וְהַנִּמְכָּר לְגוֹי אֵינוֹ עוֹבֵד לֹא אֶת הַבֵּן וְלֹא אֶת הַבַּת. detanya: hanirtsa vehanimkar lego éno ovéd lo et habén velo et habat.
15. אָמַר מָר: וְאֵין אִשָּׁה וְגֵר קוֹנִין עֶבֶד עִבְרִי. נֵימָא דְּלָא כְּרַבָּן שִׁמְעוֹן בֶּן גַּמְלִיאֵל? דְּתַנְיָא: אִשָּׁה קוֹנָה אֶת הַשְּׁפָחוֹת, וְאֵינָהּ קוֹנָה אֶת הָעֲבָדִים. רַבָּן שִׁמְעוֹן בֶּן גַּמְלִיאֵל אוֹמֵר: אַף קוֹנָה אֶת הָעֲבָדִים! אֲפִילּוּ תֵּימָא רַבָּן שִׁמְעוֹן בֶּן גַּמְלִיאֵל, וְלָא קַשְׁיָא: כָּאן – בְּעֶבֶד עִבְרִי, כָּאן – בְּעֶבֶד כְּנַעֲנִי. amar mar: veén icha vegér konin eved ivri. néma dela keraban chimon ben gamliél? detanya: icha kona et hachefa'hot, veénah kona et haavadim. raban chimon ben gamliél omér: af kona et haavadim! afilou téma raban chimon ben gamliél, vela kachya: kan – beeved ivri, kan – beeved kenaani.
16. עֶבֶד עִבְרִי צְנִיעַ לַהּ, עֶבֶד כְּנַעֲנִי פְּרִיץ לַהּ. eved ivri tsenia lah, eved kenaani perits lah.
17. אֶלָּא הָא דְּתָנֵי רַב יוֹסֵף: אַרְמַלְתָּא לָא תְּרַבֵּי כַּלְבָּא, וְלָא תַּשְׁרֵי בַּר בֵּי רַב בְּאוּשְׁפִּיזָא. בִּשְׁלָמָא בַּר בֵּי רַב צְנִיעַ לַהּ, אֶלָּא כַּלְבָּא, כֵּיוָן דִּמְסָרֵיךְ בַּהּ מִירַתְּתָא! אָמְרִי: כֵּיוָן דְּכִי שָׁדְיָא לֵיהּ אוּמְצָא מְסָרֵיךְ בָּתְרַהּ, אָמְרִי אִינָשֵׁי: מִשּׁוּם אוּמְצָא דְּשָׁדְיָא לֵיהּ הוּא דִּמְסָרֵיךְ. ela ha detané rav yoséf: armalta la terabé kalba, vela tachré bar bé rav beouchpiza. bichlama bar bé rav tsenia lah, ela kalba, kévan dimsarékh bah mirateta! amri: kévan dekhi chadya léh oumtsa mesarékh batrah, amri inaché: michoum oumtsa dechadya léh hou dimsarékh.
18. גֵּר תּוֹשָׁב הָאָמוּר לְעִנְיַן רִבִּית מַאי הִיא, דִּכְתִיב: ״וְכִי יָמוּךְ אָחִיךָ וּמָטָה יָדוֹ עִמָּךְ וְהֶחֱזַקְתָּ בּוֹ גֵּר וְתוֹשָׁב וָחַי עִמָּךְ. אַל תִּקַּח מֵאִתּוֹ נֶשֶׁךְ וְתַרְבִּית וְיָרֵאתָ מֵאֱלֹהֶיךָ וְחֵי אָחִיךָ עִמָּךְ״. וּרְמִינְהִי: לֹוִין מֵהֶן וּמַלְוִין אוֹתָן בְּרִבִּית, וְכֵן בְּגֵר תּוֹשָׁב! gér tochav haamour leinyan ribit ma hi, dikhtiv: "vekhi yamoukh a'hikha oumata yado imakh vehe'hezakta bo gér vetochav va'ha imakh. al tika'h méito nechekh vetarbit veyaréta méelohekha ve'hé a'hikha imakh". ourminhi: lovin méhen oumalvin otan beribit, vekhén begér tochav!
19. אָמַר רַב נַחְמָן בַּר יִצְחָק: מִי כְּתִיב ״אַל תִּקַּח מֵאִתָּם״? ״מֵאִתּוֹ״ כְּתִיב, מִיִּשְׂרָאֵל. amar rav na'hman bar yits'hak: mi ketiv "al tika'h méitam"? "méito" ketiv, miyisraél.
20. תָּנוּ רַבָּנַן: ״אַל תִּקַּח מֵאִתּוֹ נֶשֶׁךְ וְתַרְבִּית״ – אֲבָל אַתָּה נַעֲשֶׂה לוֹ עָרֵב. tanou rabanan: "al tika'h méito nechekh vetarbit" – aval ata naase lo arév.

Daf 71b

1. עָרֵב לְמַאן? אִילֵימָא עָרֵב לְיִשְׂרָאֵל, וְהָא תָּנָא: אֵלּוּ עוֹבְרִין בְּלֹא תַּעֲשֶׂה הַמַּלְוֶה וְהַלֹּוֶה, הֶעָרֵב וְהָעֵדִים! arév leman? iléma arév leyisraél, veha tana: élou ovrin belo taase hamalve vehalove, hearév vehaédim!
2. אֶלָּא לְגוֹי וְכֵיוָן דְּדִינֵיהּ דְּגוֹי דְּאָזֵיל בָּתַר עָרְבָא, אִיהוּ נִיהוּ דְּקָא שָׁקֵיל מִינֵּיהּ רִבִּיתָא! ela lego vekhévan dedinéh dego deazél batar arva, iou niou deka chakél minéh ribita!
3. אָמַר רַב שֵׁשֶׁת: שֶׁקִּיבֵּל עָלָיו לָדוּן בְּדִינֵי יִשְׂרָאֵל. אִי קִיבֵּל עָלָיו לָדוּן בְּדִינֵי יִשְׂרָאֵל – רִבִּית נָמֵי לָא לִשְׁקוֹל! אָמַר רַב שֵׁשֶׁת: שֶׁקִּיבֵּל עָלָיו לָזוֹ, וְלֹא קִיבֵּל עָלָיו לָזוֹ. amar rav chéchet: chekibél ala ladoun bediné yisraél. i kibél ala ladoun bediné yisraél – ribit namé la lichkol! amar rav chéchet: chekibél ala lazo, velo kibél ala lazo.
4. מַלְוֶה יִשְׂרָאֵל מְעוֹתָיו שֶׁל נׇכְרִי מִדַּעַת הַנׇּכְרִי כּוּ׳. תָּנוּ רַבָּנַן: מַלְוֶה יִשְׂרָאֵל מְעוֹתָיו שֶׁל נׇכְרִי מִדַּעַת הַנׇּכְרִי, אֲבָל לֹא מִדַּעַת יִשְׂרָאֵל, כֵּיצַד? יִשְׂרָאֵל שֶׁלָּוָה מָעוֹת מִן הַגּוֹי בְּרִבִּית וּבִיקֵּשׁ לְהַחְזִירָם לוֹ, מְצָאוֹ יִשְׂרָאֵל אַחֵר וְאָמַר לוֹ: תְּנֵם לִי וַאֲנִי אַעֲלֶה לָךְ כְּדֶרֶךְ שֶׁאַתָּה מַעֲלֶה לוֹ – אָסוּר. וְאִם הֶעֱמִידוּ אֵצֶל גּוֹי – מוּתָּר. malve yisraél meota chel nokhri midaat hanokhri kou'. tanou rabanan: malve yisraél meota chel nokhri midaat hanokhri, aval lo midaat yisraél, kétsad? yisraél chelava maot min hago beribit ouvikéch leha'hziram lo, metsao yisraél a'hér veamar lo: teném li vaani aale lakh kederekh cheata maale lo – asour. veim heemidou étsel go – moutar.
5. וְכֵן גּוֹי שֶׁלָּוָה מָעוֹת מִיִּשְׂרָאֵל בְּרִבִּית וּבִיקֵּשׁ לְהַחְזִירָם לוֹ, מְצָאוֹ יִשְׂרָאֵל אַחֵר וְאָמַר לוֹ: תְּנֵם לִי וַאֲנִי אַעֲלֶה לְךָ כְּדֶרֶךְ שֶׁאַתָּה מַעֲלֶה לוֹ – מוּתָּר. וְאִם הֶעֱמִידוֹ אֵצֶל יִשְׂרָאֵל – אָסוּר. vekhén go chelava maot miyisraél beribit ouvikéch leha'hziram lo, metsao yisraél a'hér veamar lo: teném li vaani aale lekha kederekh cheata maale lo – moutar. veim heemido étsel yisraél – asour.
6. בִּשְׁלָמָא סֵיפָא, לְחוּמְרָא. אֶלָּא רֵישָׁא: כֵּיוָן דְּאֵין שְׁלִיחוּת לְגוֹי, אִיהוּ נִיהוּ דְּקָא שָׁקֵיל מִינֵּיהּ רִבִּיתָא? bichlama séfa, le'houmra. ela récha: kévan deén cheli'hout lego, iou niou deka chakél minéh ribita?
7. אָמַר רַב הוּנָא בַּר מָנוֹחַ מִשְּׁמֵיהּ דְּרַב אַחָא בְּרֵיהּ דְּרַב אִיקָא: הָכָא בְּמַאי עָסְקִינַן – כְּגוֹן דַּאֲמַר לֵיהּ: הַנִּיחֵם עַל גַּבֵּי קַרְקַע וְהִיפָּטֵר. אִי הָכִי, מַאי לְמֵימְרָא? amar rav houna bar mano'ha micheméh derav a'ha beréh derav ika: hakha bema askinan – kegon daamar léh: hani'hém al gabé karka vehipatér. i hakhi, ma lemémra?
8. אֶלָּא אָמַר רַב פָּפָּא: כְּגוֹן שֶׁנָּטַל וְנָתַן בַּיָּד. וְאַכַּתִּי, מַאי לְמֵימְרָא?! מַהוּ דְּתֵימָא: גּוֹי גּוּפֵיהּ כִּי עָבֵיד – אַדַּעְתָּא דְּיִשְׂרָאֵל קָא גָמֵיר וְיָהֵיב, קָא מַשְׁמַע לַן. ela amar rav papa: kegon chenatal venatan bayad. veakati, ma lemémra?! maou detéma: go gouféh ki avéd – adata deyisraél ka gamér veyahév, ka machma lan.
9. רַב אָשֵׁי אָמַר: כִּי אָמְרִינַן אֵין שְׁלִיחוּת לְגוֹי – הָנֵי מִילֵּי בִּתְרוּמָה, אֲבָל בְּכׇל הַתּוֹרָה כּוּלָּהּ – יֵשׁ שְׁלִיחוּת לְגוֹי. rav aché amar: ki amrinan én cheli'hout lego – hané milé bitrouma, aval bekhol hatora koulah – yéch cheli'hout lego.
10. וְהָא דְּרַב אָשֵׁי בְּרוּתָא הִיא: מַאי שְׁנָא תְּרוּמָה דְּלָא, דִּכְתִיב ״אַתֶּם״ – ״גַּם אַתֶּם״: מָה אַתֶּם בְּנֵי בְּרִית – אַף שְׁלוּחֲכֶם נָמֵי בְּנֵי בְּרִית. veha derav aché berouta hi: ma chena terouma dela, dikhtiv "atem" – "gam atem": ma atem bené berit – af chelou'hakhem namé bené berit.
11. שְׁלִיחוּת דְּכׇל הַתּוֹרָה כּוּלָּהּ נָמֵי מִתְּרוּמָה גָּמְרִינַן לַהּ. אֶלָּא דְּרַב אָשֵׁי בְּרוּתָא הִיא. cheli'hout dekhol hatora koulah namé miterouma gamrinan lah. ela derav aché berouta hi.
12. אִיכָּא דְּאָמְרִי, אָמַר רַב אָשֵׁי: כִּי אָמְרִינַן אֵין שְׁלִיחוּת לְגוֹי הָנֵי מִילֵּי אִינְהוּ לְדִידַן, אֲבָל אֲנַן לְדִידְהוּ הָוֵינָא לְהוּ שְׁלִיחַ. וְהָא דְּרַב אָשֵׁי בְּרוּתָא הִיא, מַאי שְׁנָא אִינְהוּ לְדִידַן דְּלָא – דִּכְתִיב: ״אַתֶּם״ ״גַּם אַתֶּם״ – לְרַבּוֹת שְׁלוּחֲכֶם: מָה אַתֶּם בְּנֵי בְרִית – אַף שְׁלוּחֲכֶם בְּנֵי בְרִית. ika deamri, amar rav aché: ki amrinan én cheli'hout lego hané milé inou ledidan, aval anan ledidou havéna leou cheli'ha. veha derav aché berouta hi, ma chena inou ledidan dela – dikhtiv: "atem" "gam atem" – lerabot chelou'hakhem: ma atem bené verit – af chelou'hakhem bené verit.
13. אֲנַן לְדִידְהוּ נָמֵי, מָה אַתֶּם בְּנֵי בְרִית קָאָמַר! אֶלָּא הָא דְּרַב אָשֵׁי בְּרוּתָא הִיא. anan ledidou namé, ma atem bené verit kaamar! ela ha derav aché berouta hi.
14. רָבִינָא אָמַר: נְהִי דִּשְׁלִיחוּת לְגוֹי לֵית לֵיהּ, זְכִיָּה מִדְּרַבָּנַן אִית לֵיהּ, מִידֵּי דְּהָוֵי אַקָּטָן. קָטָן לָאו אַף עַל גַּב דְּלֵית לֵיהּ שְׁלִיחוּת, ravina amar: nehi dichli'hout lego lét léh, zekhiya miderabanan it léh, midé dehavé akatan. katan la af al gav delét léh cheli'hout,

Daf 72a

1. אִית לֵיהּ זְכִיָּה מִדְּרַבָּנַן. הָכָא נָמֵי לָא שְׁנָא. it léh zekhiya miderabanan. hakha namé la chena.
2. וְלָא הִיא: יִשְׂרָאֵל אָתֵי לִכְלַל שְׁלִיחוּת, נׇכְרִי לָא אָתֵי לִכְלַל שְׁלִיחוּת. vela hi: yisraél até likhlal cheli'hout, nokhri la até likhlal cheli'hout.
3. תָּנוּ רַבָּנַן: יִשְׂרָאֵל שֶׁלָּוָה מָעוֹת מִן הַנׇּכְרִי בְּרִבִּית, וּזְקָפָן עָלָיו בְּמִלְוֶה, וְנִתְגַּיֵּיר. אִם קוֹדֶם שֶׁנִּתְגַּיֵּיר זְקָפָן עָלָיו בְּמִלְוֶה – גּוֹבֶה אֶת הַקֶּרֶן וְגוֹבֶה אֶת הָרִבִּית. וְאִם לְאַחַר שֶׁנִּתְגַּיֵּיר זְקָפָן עָלָיו בְּמִלְוֶה – גּוֹבֶה אֶת הַקֶּרֶן וְאֵינוֹ גּוֹבֶה אֶת הָרִבִּית. tanou rabanan: yisraél chelava maot min hanokhri beribit, ouzkafan ala bemilve, venitgayér. im kodem chenitgayér zekafan ala bemilve – gove et hakeren vegove et haribit. veim lea'har chenitgayér zekafan ala bemilve – gove et hakeren veéno gove et haribit.
4. וְכֵן נׇכְרִי שֶׁלָּוָה מָעוֹת מִיִּשְׂרָאֵל בְּרִבִּית וּזְקָפָן עָלָיו בְּמִלְוֶה וְנִתְגַּיֵּיר, אִם עַד שֶׁלֹּא נִתְגַּיֵּיר זְקָפָן עָלָיו בְּמִלְוֶה – גּוֹבֶה אֶת הַקֶּרֶן וְגוֹבֶה אֶת הָרִבִּית. אִם מִשֶּׁנִּתְגַּיֵּיר זְקָפָן עָלָיו בְּמִלְוֶה – גּוֹבֶה אֶת הַקֶּרֶן וְאֵינוֹ גּוֹבֶה אֶת הָרִבִּית. vekhén nokhri chelava maot miyisraél beribit ouzkafan ala bemilve venitgayér, im ad chelo nitgayér zekafan ala bemilve – gove et hakeren vegove et haribit. im michenitgayér zekafan ala bemilve – gove et hakeren veéno gove et haribit.
5. רַבִּי יוֹסֵי אוֹמֵר: נׇכְרִי שֶׁלָּוָה מָעוֹת מִיִּשְׂרָאֵל בְּרִבִּית, בֵּין כָּךְ וּבֵין כָּךְ – גּוֹבֶה אֶת הַקֶּרֶן וְגוֹבֶה אֶת הָרִבִּית. אָמַר רָבָא אָמַר רַב חִסְדָּא אָמַר רַב הוּנָא: הֲלָכָה כְּרַבִּי יוֹסֵי. אָמַר רָבָא: מַאי טַעְמָא דְּרַבִּי יוֹסֵי – כְּדֵי שֶׁלֹּא יֹאמְרוּ בִּשְׁבִיל מְעוֹתָיו נִתְגַּיֵּיר זֶה. rabi yosé omér: nokhri chelava maot miyisraél beribit, bén kakh ouvén kakh – gove et hakeren vegove et haribit. amar rava amar rav 'hisda amar rav houna: halakha kerabi yosé. amar rava: ma tama derabi yosé – kedé chelo yomrou bichvil meota nitgayér ze.
6. תָּנוּ רַבָּנַן: שְׁטָר שֶׁכָּתוּב בּוֹ רִבִּית – קוֹנְסִין אוֹתוֹ, וְאֵינוֹ גּוֹבֶה לֹא אֶת הַקֶּרֶן וְלֹא אֶת הָרִבִּית, דִּבְרֵי רַבִּי מֵאִיר. וַחֲכָמִים אוֹמְרִים: גּוֹבֶה אֶת הַקֶּרֶן וְאֵינוֹ גּוֹבֶה אֶת הָרִבִּית. בְּמַאי קָמִיפַּלְגִי? רַבִּי מֵאִיר סָבַר: קָנְסִינַן הֶתֵּירָא מִשּׁוּם אִיסּוּרָא, וְרַבָּנַן סָבְרִי: לָא קָנְסִינַן הֶתֵּירָא מִשּׁוּם אִיסּוּרָא. tanou rabanan: chetar chekatouv bo ribit – konsin oto, veéno gove lo et hakeren velo et haribit, divré rabi méir. va'hakhamim omrim: gove et hakeren veéno gove et haribit. bema kamipalgi? rabi méir savar: kansinan hetéra michoum isoura, verabanan savri: la kansinan hetéra michoum isoura.
7. תְּנַן הָתָם: שְׁטָרֵי חוֹב הַמּוּקְדָּמִין – פְּסוּלִין, וְהַמְאוּחָרִין – כְּשֵׁרִין. מוּקְדָּמִין אַמַּאי פְּסוּלִין? נְהִי דְּלָא גְּבוֹ מִזְּמַן רִאשׁוֹן, נִיגְבּוֹ מִזְּמַן שֵׁנִי! tenan hatam: chetaré 'hov hamoukdamin – pesoulin, vehamou'harin – kechérin. moukdamin ama pesoulin? nehi dela gevo mizeman richon, nigbo mizeman chéni!
8. אָמַר רַבִּי שִׁמְעוֹן בֶּן לָקִישׁ: בְּמַחְלוֹקֶת שְׁנוּיָה, וְרַבִּי מֵאִיר הִיא. וְרַבִּי יוֹחָנָן אָמַר: אֲפִילּוּ תֵּימָא רַבָּנַן – גְּזֵירָה שֶׁמָּא יִגְבֶּה מִזְּמַן רִאשׁוֹן. amar rabi chimon ben lakich: bema'hloket chenouya, verabi méir hi. verabi yo'hanan amar: afilou téma rabanan – gezéra chema yigbe mizeman richon.
9. הָהוּא גַּבְרָא דְּמַשְׁכֵּין לֵיהּ פַּרְדֵּיסָא לְחַבְרֵיהּ, אַכְלַהּ תְּלָת שְׁנֵי. אֲמַר לֵיהּ: אִי מְזַבְּינַתְּ לַהּ נִיהֲלִי – מוּטָב, וְאִי לָא – כָּבֵישְׁנָא לַהּ לִשְׁטַר מַשְׁכַּנְתָּא וְאָמֵינָא: ״לְקוּחָה הִיא בְּיָדִי״. haou gavra demachkén léh pardésa le'havréh, akhlah telat chené. amar léh: i mezabenate lah nihali – moutav, vei la – kavéchna lah lichtar machkanta veaména: "lekou'ha hi beyadi".
10. אֲזַל קָם אַקְנְיַיהּ לִבְנוֹ קָטָן, וַהֲדַר זַבְּנַהּ נִיהֲלֵיהּ. azal kam akneyah livno katan, vahadar zabenah nihaléh.
11. זְבִינֵי וַדַּאי לָא הָווּ זְבִינֵי. זוּזֵי כְּמִלְוֶה בִּשְׁטָר דָּמוּ וְגוֹבֶה מִנְּכָסִים מְשׁוּעְבָּדִים, אוֹ דִילְמָא כְּמִלְוֶה עַל פֶּה דָּמוּ וְאֵינוֹ גּוֹבֶה מִנְּכָסִים מְשׁוּעְבָּדִים? אָמַר אַבָּיֵי: וְלָאו הַיְינוּ דְּרַבִּי אַסִּי, דְּאָמַר רַבִּי אַסִּי: zeviné vada la haou zeviné. zouzé kemilve bichtar damou vegove minekhasim mechoubadim, o dilma kemilve al pe damou veéno gove minekhasim mechoubadim? amar abayé: vela haynou derabi asi, deamar rabi asi:

Daf 72b

1. מוֹדֶה בִּשְׁטָר שֶׁכְּתָבוֹ – אֵינוֹ צָרִיךְ לְקַיְּימוֹ, וְגוֹבֶה מִנְּכָסִים מְשׁוּעְבָּדִים. mode bichtar cheketavo – éno tsarikh lekayemo, vegove minekhasim mechoubadim.
2. אֲמַר לֵיהּ רָבָא: מִי דָּמֵי? הָתָם נִיתַּן לְהִכָּתֵב. הָכָא לֹא נִיתַּן לְהִכָּתֵב. amar léh rava: mi damé? hatam nitan lehikatév. hakha lo nitan lehikatév.
3. יָתֵיב מָרִימָר וְקָאָמַר לְהָא שְׁמַעְתָּא. אֲמַר לֵיהּ רָבִינָא לְמָרִימָר: אֶלָּא הָא דְּאָמַר רַבִּי יוֹחָנָן גְּזֵירָה שֶׁמָּא יִגְבֶּה מִזְּמַן רִאשׁוֹן, נֵימָא: לֹא נִיתַּן לִיכָּתֵב! אֲמַר לֵיהּ הָכִי הַשְׁתָּא. הָתָם נְהִי דְּלֹא נִיתַּן לִיכָּתֵב מִזְּמַן רִאשׁוֹן, אֲבָל נִיתַּן לִיכָּתֵב מִזְּמַן שֵׁנִי. הָכָא לֹא נִיתַּן לִיכָּתֵב כְּלָל. yatév marimar vekaamar leha chemata. amar léh ravina lemarimar: ela ha deamar rabi yo'hanan gezéra chema yigbe mizeman richon, néma: lo nitan likatév! amar léh hakhi hachta. hatam nehi delo nitan likatév mizeman richon, aval nitan likatév mizeman chéni. hakha lo nitan likatév kelal.
4. אֶלָּא הָא דְּתַנְיָא: לְשֶׁבַח קַרְקָעוֹת כֵּיצַד? הֲרֵי שֶׁגָּזַל שָׂדֶה מֵחֲבֵירוֹ וּמְכָרָהּ לְאַחֵר וְהִשְׁבִּיחָהּ, וַהֲרֵי הִיא יוֹצְאָה מִתַּחַת יָדוֹ. כְּשֶׁהוּא גּוֹבֶה – גּוֹבֶה אֶת הַקֶּרֶן מִנְּכָסִים מְשׁוּעְבָּדִים, וְשֶׁבַח גּוֹבֶה מִנְּכָסִים בְּנֵי חוֹרִין. נֵימָא: לֹא נִיתַּן לִיכָּתֵב! ela ha detanya: lecheva'h karkaot kétsad? haré chegazal sade mé'havéro oumkharah lea'hér vehichbi'hah, vaharé hi yotsa mita'hat yado. kecheou gove – gove et hakeren minekhasim mechoubadim, vecheva'h gove minekhasim bené 'horin. néma: lo nitan likatév!
5. הָכִי הַשְׁתָּא? הָתָם, אִי לְמַאן דְּאָמַר נִיחָא לֵיהּ דְּלָא נִיקְרְיֵיהּ גַּזְלָנָא, אִי לְמַאן דְּאָמַר נִיחָא לֵיהּ דְּלֵיקוּם בְּהֵימָנוּתֵיהּ, מְפַיֵּיס לֵיהּ לְמָרֵיהּ וּמוֹקֵים לֵיהּ לִשְׁטָרֵיהּ. הָכָא, לְאַבְרוֹחֵי מִינֵּיהּ קָמְכַוֵּין, שְׁטָרָא מְקַיֵּים לֵיהּ. hakhi hachta? hatam, i leman deamar ni'ha léh dela nikreyéh gazlana, i leman deamar ni'ha léh delékoum behémanoutéh, mefayés léh lemaréh oumokém léh lichtaréh. hakha, leavro'hé minéh kamkhavén, chetara mekayém léh.
6. מַתְנִי׳ אֵין פּוֹסְקִין עַל הַפֵּירוֹת עַד שֶׁיֵּצֵא הַשַּׁעַר. יָצָא הַשַּׁעַר – פּוֹסְקִין, וְאַף עַל פִּי שֶׁאֵין לָזֶה יֵשׁ לָזֶה. matni' én poskin al hapérot ad cheyétsé hachaar. yatsa hachaar – poskin, veaf al pi cheén laze yéch laze.
7. הָיָה הוּא תְּחִילָּה לַקּוֹצְרִים, פּוֹסֵק עִמּוֹ עַל הַגָּדִישׁ, וְעַל הֶעָבִיט שֶׁל עֲנָבִים, וְעַל הַמַּעֲטָן שֶׁל זֵיתִים, וְעַל הַבֵּיצִים שֶׁל יוֹצֵר, וְעַל הַסִּיד מִשֶּׁשִּׁקְּעוֹ בַּכִּבְשָׁן. haya hou te'hila lakotsrim, posék imo al hagadich, veal heavit chel anavim, veal hamaatan chel zétim, veal habétsim chel yotsér, veal hasid michechikeo bakivchan.
8. וּפוֹסֵק עִמּוֹ עַל הַזֶּבֶל כׇּל יְמוֹת הַשָּׁנָה. רַבִּי יוֹסֵי אוֹמֵר: אֵין פּוֹסְקִין עַל הַזֶּבֶל אֶלָּא אִם כֵּן הָיְתָה לוֹ זֶבֶל בָּאַשְׁפָּה, וַחֲכָמִים מַתִּירִים. oufosék imo al hazevel kol yemot hachana. rabi yosé omér: én poskin al hazevel ela im kén hayta lo zevel baachpa, va'hakhamim matirim.
9. וּפוֹסֵק עִמּוֹ בְּשַׁעַר הַגָּבוֹהַּ. רַבִּי יְהוּדָה אוֹמֵר: אַף עַל פִּי שֶׁלֹּא פָּסַק עִמּוֹ בְּשַׁעַר הַגָּבוֹהַּ, יָכוֹל לוֹמַר: תֵּן לִי כָּזֶה, אוֹ תֵּן לִי אֶת מְעוֹתַי. oufosék imo bechaar hagavoha. rabi yeouda omér: af al pi chelo pasak imo bechaar hagavoha, yakhol lomar: tén li kaze, o tén li et meota.
10. גְּמָ׳ אָמַר רַבִּי אַסִּי אָמַר רַבִּי יוֹחָנָן: אֵין פּוֹסְקִין עַל הַשַּׁעַר שֶׁבַּשּׁוּק. אֲמַר לֵיהּ רַבִּי זֵירָא לְרַבִּי אַסִּי: אָמַר רַבִּי יוֹחָנָן אֲפִילּוּ כַּדּוֹרְמוּס הַזֶּה? אֲמַר לֵיהּ: לָא אָמַר רַבִּי יוֹחָנָן אֶלָּא בַּשּׁוּק שֶׁל עֲיָירוֹת, דְּלָא קְבִיעִי תַּרְעַיְיהוּ. gema' amar rabi asi amar rabi yo'hanan: én poskin al hachaar chebachouk. amar léh rabi zéra lerabi asi: amar rabi yo'hanan afilou kadormous haze? amar léh: la amar rabi yo'hanan ela bachouk chel ayarot, dela kevii tarayou.
11. וּלְמַאן דִּסְלֵיק אַדַּעְתִּין מֵעִיקָּרָא דְּאָמַר רַבִּי יוֹחָנָן אֲפִילּוּ כַּדּוֹרְמוּס הַזֶּה, אֶלָּא מַתְנִיתִין דְּקָתָנֵי: אֵין פּוֹסְקִין עַל הַפֵּירוֹת עַד שֶׁיֵּצֵא הַשַּׁעַר, יָצָא הַשַּׁעַר פּוֹסְקִין, הֵיכִי מַשְׁכַּחַתְּ לַהּ? מַתְנִיתִין בְּחִיטֵּי דְּאַכְלַבֵּי וְאַרְבֵי, דִּמְשִׁוךְ תַּרְעַיְהוּ טְפֵי. oulman dislék adatin méikara deamar rabi yo'hanan afilou kadormous haze, ela matnitin dekatané: én poskin al hapérot ad cheyétsé hachaar, yatsa hachaar poskin, hékhi machka'hate lah? matnitin be'hité deakhlabé vearvé, dimchikh tarayou tefé.
12. תָּנוּ רַבָּנַן: אֵין פּוֹסְקִין עַל הַפֵּירוֹת עַד שֶׁיֵּצֵא הַשַּׁעַר, יָצָא הַשַּׁעַר פּוֹסְקִין, אַף עַל פִּי שֶׁאֵין לָזֶה יֵשׁ לָזֶה. הָיוּ חֲדָשׁוֹת מֵאַרְבַּע וִישָׁנוֹת מִשָּׁלֹשׁ – אֵין פּוֹסְקִין עַד שֶׁיֵּצֵא הַשַּׁעַר לֶחָדָשׁ וְלַיָּשָׁן. tanou rabanan: én poskin al hapérot ad cheyétsé hachaar, yatsa hachaar poskin, af al pi cheén laze yéch laze. haou 'hadachot méarba vichanot michaloch – én poskin ad cheyétsé hachaar le'hadach velayachan.
13. הָיוּ לָקוֹטוֹת מֵאַרְבַּע, וּלְכׇל אָדָם מִשָּׁלֹשׁ – אֵין פּוֹסְקִין עַד שֶׁיֵּצֵא הַשַּׁעַר לַלּוֹקֵט וְלַמּוֹכֵר. haou lakotot méarba, oulkhol adam michaloch – én poskin ad cheyétsé hachaar lalokét velamokhér.
14. אָמַר רַב נַחְמָן: פּוֹסְקִין לַלָּקוֹטוֹת כְּשַׁעַר הַלָּקוֹטוֹת. אֲמַר לֵיהּ רָבָא לְרַב נַחְמָן: מַאי שְׁנָא לָקוֹט דְּאִי לֵית לֵיהּ יָזֵיף מִלָּקוֹט חַבְרֵיהּ, בַּעַל הַבַּיִת נָמֵי יְזֵיף מִלָּקוֹט! אֲמַר לֵיהּ: בַּעַל הַבַּיִת זִילָא בֵּיהּ מִילְּתָא לְמֵיזַף מִלָּקוֹט. אִיבָּעֵית אֵימָא: מַאן דְּיָהֵיב זוּזֵי לְבַעַל הַבַּיִת – אַפֵּירֵי שַׁפִּירֵי יָהֵיב. amar rav na'hman: poskin lalakotot kechaar halakotot. amar léh rava lerav na'hman: ma chena lakot dei lét léh yazéf milakot 'havréh, baal habayit namé yezéf milakot! amar léh: baal habayit zila béh mileta lemézaf milakot. ibaét éma: man deyahév zouzé levaal habayit – apéré chapiré yahév.
15. אָמַר רַב שֵׁשֶׁת אָמַר רַב הוּנָא: אֵין לֹוִין עַל שַׁעַר שֶׁבַּשּׁוּק. אֲמַר לֵיהּ רַב יוֹסֵף בַּר חָמָא לְרַב שֵׁשֶׁת, וְאָמְרִי לַהּ רַב יוֹסֵי בַּר אַבָּא לְרַב שֵׁשֶׁת: וּמִי אָמַר רַב הוּנָא הָכִי? וְהָא בָּעֵי מִינֵּיהּ מֵרַב הוּנָא: הָנֵי בְּנֵי בֵּי רַב, דְּיָזְפִי בְּתִשְׁרִי וּפָרְעִי בְּטֵבֵת, שְׁרֵי אוֹ אֲסִיר? אֲמַר לְהוּ: הָא חִיטֵּי בְּהִינֵי וְהָא חִיטֵּי בְּשִׁילֵי, אִי בָּעֵי זָבְנִי וּפָרְעִי לֵיהּ. amar rav chéchet amar rav houna: én lovin al chaar chebachouk. amar léh rav yoséf bar 'hama lerav chéchet, veamri lah rav yosé bar aba lerav chéchet: oumi amar rav houna hakhi? veha baé minéh mérav houna: hané bené bé rav, deyazfi betichri oufari betévét, cheré o asir? amar leou: ha 'hité behiné veha 'hité bechilé, i baé zavni oufari léh.
16. מֵעִיקָּרָא סָבַר רַב הוּנָא אֵין לֹוִין, כֵּיוָן דְּשַׁמְעַהּ לְהָא דְּאָמַר רַבִּי שְׁמוּאֵל בַּר חִיָּיא אָמַר רַבִּי אֶלְעָזָר: לֹוִין, אָמַר אִיהוּ נָמֵי: לֹוִין. méikara savar rav houna én lovin, kévan dechamah leha deamar rabi chemouél bar 'hiya amar rabi elazar: lovin, amar iou namé: lovin.
17. תָּנוּ רַבָּנַן: הַמּוֹלִיךְ חֲבִילָה מִמָּקוֹם לְמָקוֹם, מְצָאוֹ חֲבֵירוֹ וְאָמַר לוֹ: תְּנָהּ לִי וַאֲנִי אַעֲלֶה לְךָ כְּדֶרֶךְ שֶׁמַּעֲלִין לְךָ בְּאוֹתוֹ מָקוֹם. tanou rabanan: hamolikh 'havila mimakom lemakom, metsao 'havéro veamar lo: tenah li vaani aale lekha kederekh chemaalin lekha beoto makom.

Daf 73a

1. בִּרְשׁוּת מוֹכֵר – מוּתָּר, בִּרְשׁוּת לוֹקֵחַ – אָסוּר. birchout mokhér – moutar, birchout loké'ha – asour.
2. הַמּוֹלִיךְ פֵּירוֹת מִמָּקוֹם לְמָקוֹם, מְצָאוֹ חֲבֵירוֹ וְאָמַר לוֹ: תְּנֵם לִי וַאֲנִי אַעֲלֶה לְךָ פֵּירוֹת שֶׁיֵּשׁ לִי בְּאוֹתוֹ מָקוֹם, אִם יֵשׁ לוֹ פֵּירוֹת בְּאוֹתוֹ מָקוֹם – מוּתָּר, וְאִם לָאו – אָסוּר. וְהַחַמָּרִין מַעֲלִים בִּמְקוֹם הַיּוֹקֶר כְּבִמְקוֹם הַזּוֹל, וְאֵינָן חוֹשְׁשִׁין. hamolikh pérot mimakom lemakom, metsao 'havéro veamar lo: teném li vaani aale lekha pérot cheyéch li beoto makom, im yéch lo pérot beoto makom – moutar, veim la – asour. veha'hamarin maalim bimkom hayoker kevimkom hazol, veénan 'hochchin.
3. מַאי טַעְמָא? רַב פָּפָּא אָמַר: נִיחָא לְהוּ דִּמְגַלּוּ לְהוּ תַּרְעָא. רַב אַחָא בְּרֵיהּ דְּרַב אִיקָא אָמַר: נִיחָא לְהוּ דְּמוֹזְלִי גַּבַּיְיהוּ. ma tama? rav papa amar: ni'ha leou dimgalou leou tara. rav a'ha beréh derav ika amar: ni'ha leou demozli gabayou.
4. מַאי בֵּינַיְיהוּ? אִיכָּא בֵּינַיְיהוּ תַּגָּרָא חַדְתָּא. ma bénayou? ika bénayou tagara 'hadta.
5. בְּסוּרָא אָזְלִי אַרְבָּעָה אַרְבְּעָה, בְּכַפְרִי אָזְלָן שִׁיתָּא שִׁיתָּא. יָהֵיב רַב זוּזֵי לְחַמָּרֵי וּ[מְ]קַבֵּיל עֲלֵיהּ אוּנְסָא דְאוֹרְחָא, וְשָׁקֵיל מִינַּיְיהוּ חַמְשָׁה. וְנִשְׁקוֹל שִׁיתָּא! אָדָם חָשׁוּב שָׁאנֵי. besoura azli arbaa arbea, bekhafri azlan chita chita. yahév rav zouzé le'hamaré ou[me]kabél aléh ounsa deor'ha, vechakél minayou 'hamcha. venichkol chita! adam 'hachouv chané.
6. בְּעָא מִינֵּיהּ רַבִּי אַסִּי מֵרַבִּי יוֹחָנָן: מַהוּ לַעֲשׂוֹת בִּגְרוּטָאוֹת כֵּן? אֲמַר לֵיהּ: בִּיקֵּשׁ רַבִּי יִשְׁמָעֵאל בְּרַבִּי יוֹסֵי לַעֲשׂוֹת כֵּן בִּכְלֵי פִשְׁתָּן, וְלֹא הִנִּיחוֹ רַבִּי. אִיכָּא דְּאָמְרִי: בִּיקֵּשׁ רַבִּי לַעֲשׂוֹת בִּגְרוּטָאוֹת כֵּן, וְלֹא הִנִּיחוֹ רַבִּי יִשְׁמָעֵאל בְּרַבִּי יוֹסֵי. bea minéh rabi asi mérabi yo'hanan: maou laasot bigroutaot kén? amar léh: bikéch rabi yichmaél berabi yosé laasot kén bikhlé fichtan, velo hini'ho rabi. ika deamri: bikéch rabi laasot bigroutaot kén, velo hini'ho rabi yichmaél berabi yosé.
7. פַּרְדֵּיסָא, רַב אָסַר וּשְׁמוּאֵל שָׁרֵי. רַב אָסַר, כֵּיוָן דִּלְקַמֵּיהּ שָׁוְיָא טְפֵי – מִתְחֲזֵי כִּי אֲגַר נְטַר לֵיהּ. וּשְׁמוּאֵל שָׁרֵי, כֵּיוָן דְּהָוֵי בֵּיהּ תִּיוְהָא – לָא מִיחֲזֵי כִּי אֲגַר נְטַר לֵיהּ. pardésa, rav asar ouchmouél charé. rav asar, kévan dilkaméh chavya tefé – mit'hazé ki agar netar léh. ouchmouél charé, kévan dehavé béh tivha – la mi'hazé ki agar netar léh.
8. אָמַר רַב שִׁימִי בַּר חִיָּיא: וּמוֹדֵי רַב בְּתוֹרֵי דִּנְפִישׁ פְּסֵידַיְיהוּ. amar rav chimi bar 'hiya: oumodé rav betoré dinfich pesédayou.
9. אֲמַר לְהוּ שְׁמוּאֵל לְהָנְהוּ דְּשָׁבְשִׁי שִׁבְשָׁא, הֲפוֹכוּ בְּאַרְעָא, כִּי הֵיכִי דִּקְנֵי לְכוּ גּוּפָא דְאַרְעָא, וְאִי לָא – הָוְיָא לְכוּ כְּהַלְוָאָה וְאָסוּר. amar leou chemouél lehanou dechavchi chivcha, hafokhou beara, ki hékhi dikné lekhou goufa deara, vei la – havya lekhou kehalvaa veasour.
10. אֲמַר לְהוּ רָבָא לְהָנְהוּ דִּמְנַטְּרִי בָּאגֵי: פּוּקוּ הֲפוֹכוּ בְּבֵי דָרֵי, כִּי הֵיכִי דְּלָא תִּשְׁתַּלַּם שְׂכִירוּת דִּידְכוּ עַד הַהִיא שַׁעְתָּא, דִּשְׂכִירוּת אֵינָהּ מִשְׁתַּלֶּמֶת אֶלָּא בַּסּוֹף, וְהַהִיא שַׁעְתָּא אוֹזוֹלֵי דְּקָא מוֹזְלִי גַּבַּיְיכוּ. amar leou rava lehanou dimnateri bagé: poukou hafokhou bevé daré, ki hékhi dela tichtalam sekhirout didkhou ad hahi chata, diskhirout énah michtalemet ela basof, vehahi chata ozolé deka mozli gabaykhou.
11. אֲמַרוּ לֵיהּ רַבָּנַן לְרָבָא: קָא אָכֵיל מָר רִבִּית, דְּכוּלֵּי עָלְמָא שָׁקְלִי אַרְבְּעָה וּמְסַלְּקִי לְאָרִיסָא בְּנִיסָן, מָר נָטַר לְהוּ עַד אִיָּיר וְשָׁקֵיל שִׁיתָּא! amarou léh rabanan lerava: ka akhél mar ribit, dekhoulé alma chakli arbea oumsaleki learisa benisan, mar natar leou ad iyar vechakél chita!
12. אֲמַר לְהוּ: אַתּוּן קָא עָבְדִיתוּן שֶׁלֹּא כַּדִּין, אַרְעָא לְאָרִיס מִשְׁתַּעְבַּד – אִי אַתּוּן מְסַלְּקִיתוּ לְהוּ בְּנִיסָן, מַפְסֵידְתּוּ לְהוּ בְּכַמָּה. אֲנָא נָטַרְנָא לְהוּ עַד אִיָּיר, וּמַרְוַוחְנָא לְהוּ בְּכַמָּה. amar leou: atoun ka avditoun chelo kadin, ara learis michtabad – i atoun mesalekitou leou benisan, mafsédtou leou bekhama. ana natarna leou ad iyar, oumarva'hna leou bekhama.

Daf 73b

1. רַב מָרִי בַּר רָחֵל מַשְׁכֵּן לֵיהּ הָהוּא גּוֹי בֵּיתָא. הֲדַר זַבְּנֵהּ לְרָבָא. נְטַר תְּרֵיסַר יַרְחֵי שַׁתָּא, שְׁקַל אֲגַר בֵּיתָא אַמְטִי לֵיהּ לְרָבָא. אֲמַר לֵיהּ: הַאי דְּלָא אַמְטַאי לְמָר אֲגַר בֵּיתָא עַד הָאִידָּנָא, דִּסְתַם מַשְׁכַּנְתָּא שַׁתָּא, אִי בָּעֵי גּוֹי לְסַלֹּקֵי לָא הֲוָה מָצֵי מְסַלֵּק לִי, הַשְׁתָּא לִשְׁקוֹל מָר אֲגַר בֵּיתָא. rav mari bar ra'hél machkén léh haou go béta. hadar zabenéh lerava. netar terésar yar'hé chata, chekal agar béta amti léh lerava. amar léh: ha dela amta lemar agar béta ad haidana, distam machkanta chata, i baé go lesaloké la hava matsé mesalék li, hachta lichkol mar agar béta.
2. אֲמַר לֵיהּ: אִי הֲוָה יָדַעְנָא דַּהֲוָה מְמוּשְׁכַּן לֵיהּ לְמָר, לָא הֲוָה זָבֵינְנָא לֵיהּ. הַשְׁתָּא כְּדִינֵיהֶם עָבֵידְנָא לָךְ, כׇּל אֵימַת דְּלָא מְסַלְּקִי בְּזוּזֵי לָא שָׁקֵיל אֲגַר בֵּיתָא. אֲנָא נָמֵי לָא שָׁקֵילְנָא מִינָּךְ אֲגַר בֵּיתָא עַד דִּמְסַלֵּקְנָא לָךְ בְּזוּזֵי. amar léh: i hava yadana dahava memouchkan léh lemar, la hava zavénna léh. hachta kedinéhem avédna lakh, kol émat dela mesaleki bezouzé la chakél agar béta. ana namé la chakélna minakh agar béta ad dimsalékna lakh bezouzé.
3. אֲמַר לֵיהּ רָבָא מִבַּרְנִישׁ לְרַב אָשֵׁי: חֲזִי מָר רַבָּנַן דְּקָא אָכְלִי רִבִּיתָא, דְּיָהֲבִי זוּזֵי אַחַמְרָא בְּתִשְׁרִי וּמְבַחֲרִי לֵהּ בְּטֵבֵת! amar léh rava mibarnich lerav aché: 'hazi mar rabanan deka akhli ribita, deyahavi zouzé a'hamra betichri oumva'hari léh betévét!
4. אֲמַר לֵיהּ: אִינְהוּ נָמֵי אַחַמְרָא קָא יָהֲבִי, אַחַלָּא לָא קָא יָהֲבִי – מֵעִיקָּרָא דְּחַמְרָא חַמְרָא, דְּחַלָּא חַלָּא, הָהִיא שַׁעְתָּא הוּא דְּקָמְבַחֲרִי. amar léh: inou namé a'hamra ka yahavi, a'hala la ka yahavi – méikara de'hamra 'hamra, de'hala 'hala, hahi chata hou dekamva'hari.
5. רָבִינָא הֲוָה יָהֵיב זוּזֵי לִבְנֵי אַקְרָא דְּשַׁנְווֹתָא וְשָׁפְכִי לֵיהּ טְפֵי כּוּפִיתָא. אֲתָא לְקַמֵּיהּ דְּרַב אָשֵׁי, אֲמַר לֵיהּ: מִי שְׁרֵי? אֲמַר לֵיהּ: אִין, אַחוֹלֵי הוּא דְּקָא מָחֲלִי גַּבָּךְ. ravina hava yahév zouzé livné akra dechanota vechafkhi léh tefé koufita. ata lekaméh derav aché, amar léh: mi cheré? amar léh: in, a'holé hou deka ma'hali gabakh.
6. אֲמַר לֵיהּ: הָא אַרְעָא לָאו דִּידְהוּ הִיא! אֲמַר לֵיהּ: אַרְעָא לְטַסְקָא מְשַׁעְבְּדָא. וּמַלְכָּא אָמַר: מַאן דְּיָהֵיב טַסְקָא – לֵיכוֹל אַרְעָא. amar léh: ha ara la didou hi! amar léh: ara letaska mechabeda. oumalka amar: man deyahév taska – lékhol ara.
7. אֲמַר לֵיהּ רַב פָּפָּא לְרָבָא: חֲזִי מָר הָנֵי רַבָּנַן דְּיָהֲבִי זוּזֵי אַכְּרָגָא דְּאִינָשֵׁי וּמְשַׁעְבְּדִי בְּהוּ טְפֵי! אֲמַר לֵיהּ: הַשְׁתָּא אִיכּוֹ שְׁכֵיבִי לָא אֲמַרִי לְכוּ הָא מִילְּתָא. הָכִי אָמַר רַב שֵׁשֶׁת: מוּהְרְקַיְיהוּ דְּהָנֵי בְּטֻפְסָא דְמַלְכָּא מַנַּח, וּמַלְכָּא אָמַר: מַאן דְּלָא יָהֵיב כְּרָגָא לִשְׁתַּעְבַּיד לְמַאן דְּיָהֵיב כְּרָגָא! amar léh rav papa lerava: 'hazi mar hané rabanan deyahavi zouzé akeraga deinaché oumchabedi beou tefé! amar léh: hachta iko chekhévi la amari lekhou ha mileta. hakhi amar rav chéchet: mouhrekayou dehané betoufsa demalka mana'h, oumalka amar: man dela yahév keraga lichtabad leman deyahév keraga!
8. רַב סְעוּרָם אֲחוּהּ דְּרָבָא הֲוָה תָּקֵיף אִינָשֵׁי דְּלָא מְעַלּוּ וּמְעַיֵּיל לְהוּ בְּגוּהַרְקָא דְּרָבָא. אֲמַר לֵיהּ רָבָא: שַׁפִּיר קָא עָבְדַתְּ, דִּתְנֵינָא: רְאִית[וֹ] שֶׁאֵינוֹ נוֹהֵג כַּשּׁוּרָה, מִנַּיִן שֶׁאַתָּה רַשַּׁאי לְהִשְׁתַּעְבֵּד בּוֹ – תַּלְמוּד לוֹמַר: ״לְעוֹלָם בָּהֶם תַּעֲבֹדוּ וּבְאַחֵיכֶם״. יָכוֹל אֲפִילּוּ נוֹהֵג כַּשּׁוּרָה – תַּלְמוּד לוֹמַר: ״וּבְאַחֵיכֶם בְּנֵי יִשְׂרָאֵל אִישׁ בְּאָחִיו וְגוֹ׳״. rav seouram a'houh derava hava takéf inaché dela mealou oumayél leou begouharka derava. amar léh rava: chapir ka avdate, ditnéna: reit[o] cheéno nohég kachoura, minayin cheata racha lehichtabéd bo – talmoud lomar: "leolam bahem taavodou ouva'hékhem". yakhol afilou nohég kachoura – talmoud lomar: "ouva'hékhem bené yisraél ich bea'hi vego'".
9. אָמַר רַב חָמָא: הַאי מַאן דְּיָהֵיב זוּזֵי לְחַבְרֵיהּ לְמִיזְבַּן לֵיהּ חַמְרָא וּפְשַׁע וְלָא זְבַין לֵיהּ – מְשַׁלֵּם לֵיהּ כִּדְקָא אָזֵיל אַפַּרְווֹתָא דְזוּלְשְׁפָט. amar rav 'hama: ha man deyahév zouzé le'havréh lemizban léh 'hamra oufcha vela zevan léh – mechalém léh kidka azél aparota dezoulchefat.
10. אָמַר אַמֵּימָר אַמְרִיתָא לִשְׁמַעְתָּא קַמֵּיהּ דְּרַב זְבִיד מִנְּהַרְדְּעָא, אָמַר: כִּי קָאָמַר רַב חָמָא, הָנֵי מִילֵּי בְּ״יַיִן״ סְתָם, אֲבָל בְּ״יַיִן זֶה״ – לָא, מִי יֵימַר דִּמְזַבְּנִי לֵיהּ נִיהֲלֵיהּ? amar amémar amrita lichmata kaméh derav zevid minehardea, amar: ki kaamar rav 'hama, hané milé be"yayin" setam, aval be"yayin ze" – la, mi yémar dimzabeni léh nihaléh?
11. רַב אָשֵׁי אָמַר: אֲפִילּוּ ״יַיִן״ סְתָם נָמֵי לָא, מַאי טַעְמָא – אַסְמַכְתָּא הִיא, וְאַסְמַכְתָּא לָא קָנְיָא. rav aché amar: afilou "yayin" setam namé la, ma tama – asmakhta hi, veasmakhta la kanya.
12. וּלְרַב אָשֵׁי מַאי שְׁנָא מֵהָא דִּתְנַן: ״אִם אוֹבֵיר וְלָא אֶעֱבֵיד אֲשַׁלֵּם בְּמֵיטְבָא״, הָתָם בְּיָדוֹ, oulrav aché ma chena méha ditnan: "im ovér vela eevéd achalém bemétva", hatam beyado,

Aller plus loin

• Tous les chapitres de Bava Metzia
• Bibliothèque (Tehilim, Michna, Talmud, Tanakh)