Tehilim 29, Psaume 29

1. מִזְמ֗וֹר לְדָ֫וִ֥ד הָב֣וּ לַ֭יהֹוָה בְּנֵ֣י אֵלִ֑ים הָב֥וּ לַ֝יהֹוָ֗ה כָּב֥וֹד וָעֹֽז׃ mizmor ledavid havou ladonaï bené élim havou ladonaï kavod vaoz.
2. הָב֣וּ לַ֭יהֹוָה כְּב֣וֹד שְׁמ֑וֹ הִשְׁתַּחֲו֥וּ לַ֝יהֹוָ֗ה בְּהַדְרַת־קֹֽדֶשׁ׃ havou ladonaï kevod chemo hichta'haou ladonaï behadrat-kodech.
3. ק֥וֹל יְהֹוָ֗ה עַל־הַ֫מָּ֥יִם אֵֽל־הַכָּב֥וֹד הִרְעִ֑ים יְ֝הֹוָ֗ה עַל־מַ֥יִם רַבִּֽים׃ kol Adonaï al-hamayim él-hakavod hirim Adonaï al-mayim rabim.
4. קוֹל־יְהֹוָ֥ה בַּכֹּ֑חַ ק֥וֹל יְ֝הֹוָ֗ה בֶּהָדָֽר׃ kol-Adonaï bako'ha kol Adonaï behadar.
5. ק֣וֹל יְ֭הֹוָה שֹׁבֵ֣ר אֲרָזִ֑ים וַיְשַׁבֵּ֥ר יְ֝הֹוָ֗ה אֶת־אַרְזֵ֥י הַלְּבָנֽוֹן׃ kol Adonaï chovér arazim vaychabér Adonaï et-arzé halevanon.
6. וַיַּרְקִידֵ֥ם כְּמוֹ־עֵ֑גֶל לְבָנ֥וֹן וְ֝שִׂרְיֹ֗ן כְּמ֣וֹ בֶן־רְאֵמִֽים׃ vayarkidém kemo-égel levanon vesiryon kemo ven-reémim.
7. קוֹל־יְהֹוָ֥ה חֹצֵ֗ב לַהֲב֥וֹת אֵֽשׁ׃ kol-Adonaï 'hotsév lahavot éch.
8. ק֣וֹל יְ֭הֹוָה יָחִ֣יל מִדְבָּ֑ר יָחִ֥יל יְ֝הֹוָ֗ה מִדְבַּ֥ר קָדֵֽשׁ׃ kol Adonaï ya'hil midbar ya'hil Adonaï midbar kadéch.
9. ק֤וֹל יְהֹוָ֨ה ׀ יְחוֹלֵ֣ל אַיָּלוֹת֮ וַֽיֶּחֱשֹׂ֢ף יְעָ֫ר֥וֹת וּבְהֵיכָל֑וֹ כֻּ֝לּ֗וֹ אֹמֵ֥ר כָּבֽוֹד׃ kol Adonaï ye'holél ayalot vaye'hesof yearot ouvhékhalo koulo omér kavod.
10. יְ֭הֹוָה לַמַּבּ֣וּל יָשָׁ֑ב וַיֵּ֥שֶׁב יְ֝הֹוָ֗ה מֶ֣לֶךְ לְעוֹלָֽם׃ Adonaï lamaboul yachav vayéchev Adonaï melekh leolam.
11. יְֽהֹוָ֗ה עֹ֭ז לְעַמּ֣וֹ יִתֵּ֑ן יְהֹוָ֓ה ׀ יְבָרֵ֖ךְ אֶת־עַמּ֣וֹ בַשָּׁלֽוֹם׃ Adonaï oz leamo yitén Adonaï yevarékh et-amo vachalom.

Aller plus loin

• Tous les Tehilim (150 psaumes)
• Bibliothèque (Tehilim, Michna, Talmud, Tanakh)
• Tehilim par intention